العودة   منتديات المصطبة > الأقسام الأدبية > منتدى الشعر والخواطر

منتدى الشعر والخواطر للأشعار والخواطر المكتوبة "للحـَرفِ توهّـجْ.. مـَراياَ للصـُدورْ تـُرجُمـَان للمشاعـِر"

انا قلبى بيوجعنى

كاتب الموضوع: Ana B7bk، فى قسم: منتدى الشعر والخواطر


1 
Ana B7bk

انا قلبي بيوجعني يارب ..
ومش عايز طبيب غيرك ..
انا بدعيك ومستني ..
تصب عليا من خيرك ..
وتذكر إسمي في السموات ..
وتنطق إسم "عبدي فولان"
انا بحبه .. فحبّوه ياللي ف الجنة ..
وتفتحلي بيبان وبيبان ..
وانا عارف يارب الكون ..
بإني ضعيف ومليان ذنب ..
لكن عارف كمان إنك ..
بتركن كل شيء على جنب ..
اول ما ابتدى أدعي ..
وأول ما ابكي على بابك ..
انا بدعيك وانا طمعان ..
تاخدني ف صف أحبابك ..
انا بعصي . انا عارف ..
لكن بضعف ومش بقصد ..
ومش بهمل ولا بعنِد ..
ومين في الدنيا دي أساسًا ..
يجيله الجرأة ويعاندك!
انا عشمان ومستني ..
يجيلي الرد من عندك ..
وانا بدعيك بصوت واطي ..
لكن عارفك هناك سامع ..
انا هختم جوابي إليك ..
ورايح جريّ ع الجامع ..
ومتشكر أوي اكمنك ..
بتسمع مني مع إنك ..
عندك خلق غيري كتير ..
وأحسن مني 100 مرة ..
لكنك بردو بتجاوب ..
ومتسيبنيش اتوه برّا ..
وتسمعني .. وتفهمني ..
وتسمع مني مع إني ..
بجيبلك ذنب مش هيّن!
لكن جايلك عشان عارفك ..
وعارف قد إيه حنيّن ..




2 
برنسيسة زمانها

وتسمعني .. وتفهمني ..
وتسمع مني مع إني ..
بجيبلك ذنب مش هيّن!
لكن جايلك عشان عارفك ..
وعارف قد إيه حنيّن ..


سلمت يداك
يسلموو
كتير حلو كتير



4 
mero 3yza hero

وأحسن مني 100 مرة ..
لكنك بردو بتجاوب ..
ومتسيبنيش اتوه برّا ..
وتسمعني .. وتفهمني ..
وتسمع مني مع إني ..
بجيبلك ذنب مش هيّن!
لكن جايلك عشان عارفك ..
وعارف قد إيه حنيّن ..
بجد توبيك روعة
وحلو اوى الشعر!!





Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.