العودة   منتديات المصطبة > الأقسام العامة > منتدى النقاش الجاد

منتدى النقاش الجاد ناقش معنا بهدوء وبدون تعصب أشهر وأهم القضايا والمواضيع التى تشغل الجميع

يااااه علي العجز اللي احنا فيه ...

كاتب الموضوع: سندريلا القلوب، فى قسم: منتدى النقاش الجاد


1 
سندريلا القلوب

تيجى تتكلم فى اى حاجه ليها علاقه بالبلد يكون الرد بس بس وهس ملناش دعوه خلينا كده ماشين جنب الحيط ليه يا بلد عمر ما كان اهلك فيها صفات الجبن !؟
ازاى ملناش دعوه وازاى نسكت على الغلط والدم حتى الكلام عايزين يمنعوه يا بلد ارخص ما فيها الرأى و الحق
بتعب اوى لما اشوف الظلم فى عيوننا واكلم نفسى واقول معقول صوتنا ميبقاش مسموع و لو سمعوه يكون جزائنا الموت يا بلد ارخص ما فيها الدم
عايزه اصرخ وصوتى يوصل لكل
قلب واقول كفايه ذل كفايه تستحملوا الظلم فوقوا لو مش علشان خاطركم يبقى عشان خاطر مصر
مفيش حد بيهتم وارجع واقول العيب فمين في الشباب ولا فى الناس الهم
اسفى على كل شهيد واسفى لكل أم
فالحال فى مصر بقى يغم
شويه بيطبلوا وشويه بيصقفوا وشويه اعدين بيتفرجوا على الدم
وانجيت اتكلم هيبقى الرد ملناش دعوه خلينا كده ماشين جنب الحيط
ولما الحيط تقع فوقكم مش عايزه اسمع حس ولا حتى كلمة ااااه اصل قبلكم كان فى ام اتوجعت وبالسكينه اتضربت فى قلبها و انتوا دفنتوها لما سكتوا عن الحق
انا مش فلول ولا ارهابيه انا مصريه عايزه ارجع الحق
الحق ممكن يتاخر بس مش هيضيع بجد
جوايا تعبت وزهقت من تفكير الناس وخوفهم للدرجه دى وصل بيكم الجبن طب خايفين من مين و ليه و احنا معانا الحق
اسفى على الشعب الحر بقى بيتساق زى العبد
مرتاحين واحنا بنتسرق مرتاحين فى الفقر ولا تكونوا مرتاحين فى الضلمه ؟؟
الضلمه اللى بقت فى شوارعنا ولا اللى جوا قلوبكم
اسفى على كلام من القلب واللى عمره ما هيوصل لحد ولو وصل هتبقى اخرتى الشد اصل مش فى قانونكم التعبير عن الرأى
المهم انتوا افضلوا طبلوا وعلى دم الشهيد ارقصوا وعلى نفسكم اكذبوا
#بقلمى




2 
Abd-ElrhmaN Hassan

اولا
الموضوع رائع تسلم ايديكي
ثانيا
الحق اولا علي رؤسئنا وهم يتحملوا الجزء الاكبر لما فيه من انحادر ثقافتنا وديننا
لانهم بيسمحوا للاعلام انهم يشوهوا كل حاجه عشان يخربوا عقول الناس
ونتحمل احنا الجزء الاخر لاننا بنسمح لانفسنا اننا نتفرج علي السفه الاعلامي
ولاننا بنتوقف عند كلامهم ولا نتثبت من صحته ولاننا لم نسمح لعقولنا ان تتزود بالتاريخ حتي نستفيد من دروس من سبقونا
وللاسف الشديد كبار السن هم اساس التشويه لانهم مدمرين ثقافيا لما دروسه من علوم في العصور المظلمه في فترات الحكم الماضيه
وعاوزين اولادهم يطلعوا زيهم
والطريق والله اعلم في اعتقادي
ان كل واحد فينا يبدا باصلاح نفسه واسرته
واننا نثقف الشباب اللي لسه صغير عشان لما يتجوز ويبني اسره
يكون لبنه محترمه في بناء المجتمع والامه
لان الحرب علينا حرب فكريه بحته
وثورة لابد ان تكون ثورة فكر واخلاق

ثالثا جزيتي خيرا
احلي تقييم +++++++



Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.