العودة   منتديات المصطبة > الأقسام الأدبية > منتدى الحب والرومانسية

منتدى الحب والرومانسية مواضيع الحب والرومانسية وكل ما يتعلق بالحب وأنواعه وأروع ما قيل فيه من كلمات


1 
farisel7ob

بسم الله الرحمن الرحيم

يعنى حبيت اتكلم شويه
عارف ان كلامى مش ليه لزمه بس حاجات خنقانى حبيت اتكلم فيها ممكن لما اتكلم ارتاح

هو كلامى فضفضه وفى نفس الوقت سؤال
ليه كلنا لما بيكون فى حد قدمنا عمل غلطه مهما كانت كبيره او صغيره طول ما هو بيعمل الغلط مش بنتغير من نحيته وبنكون معاه عادى ولما يعرف انه غلط ويقول للكل انا غلط ويغير ن نفسه يلاقى الكل بيتغير من نحيته ديما
وفى ناس ممكن تعقده فى عيشه وتخليه يكره نفسه وممكن ناس تانيه تخليه يعمل الغلط اتانى اوحش من الاول
وممكن كمان ناس تخاصمه وتزعل منه
يعنى لو فضل وحش فى نظركم يبقى حلو ولو اتغير وبقى كويس الكل يتغير عليه وناس تخاصمه وناس تشيل منه وناس تكره فى دنيته ؟
ولا المفروض ان الكل يساعده انه يقوم ويكون احسن من الاول
امال فين بقى الاخوه والصداقه المفروض انها بتكون على الحلوه والوحشه مش الحلوه ووقت الوحشه كلنا نمشى ونختفى
عارف ان موضوعى اهبل بس مش عارف ليه خنقنى اوى




2 
عيون حائره

بالعكس المفروض لو حد عمل حاجه غلط واعترف بغلطه وصلحه وحاول ميكرروش تاني مينفعش نفضل فاكرين غلطه ونفضل ماسكينهوله كأن مفيش حد بيغلط
في ناس بتبعد عن اللي عمل غلط يمكن عشان مش بتبقي متأكد انه مبقاش يعمل الغلط ده او الثقه بتبقي اتهزت شويه وبتبقي محتاجه وقت عشان ترجع خصوصا لو الغلطه كبيره
بس في كل الاحوال لازم نقف جنب اي حد عمل غلط ونساعده علي اصلاح نفسه
وفي الاخر ربنا بيغفر ويعفو عن اي حد لاننا مش ملايكه ولا معصومين من الغلط
ولو كل واحد مسك للتاني علي غلطه يبقي كل الناس هتبعد عن بعضها
وسوري علي الاطاله


5 
m!ss:soma

الغلط اليويمن دول عند الناس هو الصح
بس مهما حصل الغلط غلط و الصح صح
و الصح فعلا لما حد يعمل حاجة غلط يعترف بكدا و يحاول يغير نفسه
و يغير نفسه عشانه هو قبل اى حد المهم هو يبقى مرتاح و ضميره كمان
و قبل كل ده يكون راضى ربنا عليه
و حكاية الصداقة دى مش موجودة اصلا حاجة اسمها صداقة
كله بتاع مصلحته
بس المهم اننا نبقى راضيين عن نفسنا و عن اى حاجة بنعملها



Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.