العودة   منتديات المصطبة > الأقسام الأسرية > أزياء وإكسسوارات

أزياء وإكسسوارات موضة 2019 للصيف والشتاء، صور مكياجات جديدة واحدث تسريحات الشعر 2020

طريقة سهلة ، طريقة للركب

كاتب الموضوع: نسمة هوا، فى قسم: أزياء وإكسسوارات


1 
نسمة هوا

من اسبوعين قريت موضوع لوحده في احدى المنتديات عن تفتيح الركبه

موضوعها كان سهل وحلو , فقلت اجربه .. المهم انا كنت اعاني من سواد خفيف
في الركبه , الصراحه يوم قريت هالطريقه ضحكت لان من متطلباتها كيس
بلاستيك خخخخخخ , بس سويتها واستمريت عليها واللون خف بنسبة 80%
و*****لله بستمر عليها علشان يختفي السواد اللي قاهرني
مب مطوله عليكم خلاص بدخل في الموضوع

اول شي سوي حلاوة للركبة .. لان الحلاوة بتنظف المنطقه وتشل الجلد الجاف
بعدين اخلطي فنجان قهوة زيت زيتون , عصير ليمون ملعقة كبيره ملح و نص فنجان سكر خشن .. افكري الركبه عدل عقب اتركيها لمدة 10 دقايق ,
بعدين اغسلي المنطقه بالماي الدافي

عقب ماتخلصين اخذي كريم جليسوليد وحطي كميه مناسبه وادهني الركبه
عدل بهالكريم , بعدين اخذي كيس بلاستيك ولفي ركبتج فيه , طبعا لكل ركبه كيس
وتحملي تربطين الكيس بالقوة مب زين .. المهم بعدين اتخلين الكيس على
الركبه لين اتحسين انها عرقت , يعني ساعتين بالكثير ( انا احطه الظهريه
لاني انام ساعتين فاخليه ولما اقوم اشله )

عقب ماتشلين الكيس , اخذي ليفه خشنه شوي وافركي فيها المنطقه عدل
وانتي في الحمام ( وانتوا بكرامه ) .. انا الصراحه ماستخدمت الليفه , استخدمت القطعه البلاستيكيه اللي اتجي مع كريم ايماك , قعدت شوي شوي افرك المنطقه
ونظفها .. المهم بعد ماتخلصين غسلي المنطقه بماي دافي , وعقب ادهني المنطقه بزيت اللوز المر او ممكن الجلسرين ( انا كل مره انوع ) .. وبسسسسسس

سهله خطواتها ومايبيلها شي , واحلى شي ان النتايج تطلع بسرعه
ييمكن للي عندهم السواد شديد تاخذ فتره اطول , انا ركبتي متوسطه الحمدلل





Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.