العودة   منتديات المصطبة > الأقسام الأدبية > منتدى الشعر والخواطر

منتدى الشعر والخواطر للأشعار والخواطر المكتوبة "للحـَرفِ توهّـجْ.. مـَراياَ للصـُدورْ تـُرجُمـَان للمشاعـِر"

منظّـماتى منظماتــــــى

كاتب الموضوع: Ala Ma Tofrg، فى قسم: منتدى الشعر والخواطر


1 
Ala Ma Tofrg

منظّـماتى منظماتــــــى

دفّـى لى جيبى تبقى حياتى

أرمى ولادى و اهجر مراتــى

يفلتش منى أجرم فلآتـــــى

أهبش يوماتى .. ألهط ليلاتى

أهاتى يلاّ يا بنوك و هاتــى

منظّـماتى : تهليب

منظماتى : تغريب

منظماتى : تخريب

تسريب على تعليب / نعرفشى معنى العيب

ظبّـطتنى : اقابلك بالمعجزاتى

و اللى مابيـواتيشى : يواتـــى

ما انا الحلنجى المنظماتــى

==============================​===

قالوا: بلادى ؟ ملعون بــلادى

أخرها فول و شوية زبــــادى

خلينا ف السيمون فيميــــه

كبارية مساءَ و الصبح نــادى

منظماتى : و عميل

يا سعدنا يا دلاديل

خليكوا فى التمـوين

و سيبونا ف التمويل

صبحى : دلفيرى و مسائى : حاتى

ما انا البعيد المنظماتــــى
======

فتحت دكّـان سمّـيتوا : حزبى

عمّـر لى جيبى و تخّـن لى عبّى

قلت لمراتى بدال حفيظـــــة

خليكى نانا يلاّ و قبّـــــى

هاتى ام توحة سبان

و قلّـبوا النسوان

بحقوقكوا ف السرحان

خلى الكرامة تبــان

باليورو و العمولاتى

ما انا الفلاتى المنظماتى





Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.