العودة   منتديات المصطبة > الأقسام الأدبية > منتدى الحب والرومانسية

منتدى الحب والرومانسية مواضيع الحب والرومانسية وكل ما يتعلق بالحب وأنواعه وأروع ما قيل فيه من كلمات

الحب ده كان زمان

كاتب الموضوع: الرومانسيه الحزينه، فى قسم: منتدى الحب والرومانسية


1 
الرومانسيه الحزينه

روحت انا والبت الدكان وهناك قالتلى بحبك وحبك عاملى جنان
روحت ضحكت وقولتلها طيب شوفى هتاخدى شيبسى ولا كان
ولا اقولك ماشيها لبان ... ياماما الحب دا كان زمان
ايام ما كنتى بتحلمى بالفارس اللى بيجى على الحصان
دلوقتى احنا شباب تعبان لا لاقى ياكل ولا لاقى حق الدخان
وبعد الحب تقوليلى مقدرش استغنى عنك ولازم نتجوز يامان
انتى ناسيه مشكله الاسكان ولا فرش المطبخ والصاله وستايرها الستان
واوضه النوم اللى لازم يبقى خشبها زان
دا كله كوم والشبكه كوم ... انتى عارفه الدهب دلوقتى بقى بكام
وبعدين مش لما نلاقى شغله فى اى مكان والبطاله اللى بقت ماليه البلدان
ياماما دا زمنا عايز شاب سوبرمان او الواحد يطلعلوا مارد من الفنجان
صدقينى احنا شباب تعبان بيقضى يومه علشان ينسى لحد ماينام
وميفكرش فى مستقبله اللى ملهش ملامح ولا الوان
وفيه ناس بتنسى بالمخدرات والادمان ويقلك دى دنيا مالهاش امان
صدقينى اللى بيقعد يفكر فى حاله اخره يروح المروستان
اقولك احنا نقضيها رنات او حتى بليل ع الشات
ونقعد ع الفيس نكتب لبعض كومينتات وكويزات
واوعدك اول ماابويا يشحنلى رصيد ابقى ابعتلك مسدجات
وسيبك من الحب والاشتغالات.............. !
يلا بقى شوفى مين هيحاسب على الحاجات
او ادفعى انتى انا مش لسه عازمك الشهر اللى فات





Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.