العودة   منتديات المصطبة > الأقسام الأدبية > منتدى الشعر والخواطر

منتدى الشعر والخواطر للأشعار والخواطر المكتوبة "للحـَرفِ توهّـجْ.. مـَراياَ للصـُدورْ تـُرجُمـَان للمشاعـِر"

سيبهم يتسلو ... حاتم السمان

كاتب الموضوع: الشاعر حاتم السمان، فى قسم: منتدى الشعر والخواطر


1 
الشاعر حاتم السمان

مش محتاج انك
تتفاهم
ولا محتاج لحد معاك
أصلك واعى
وأصلك فاهم
واد شطور
طالع لباباك
** **
فاهم سياسة
ودارس الدنيا
وكأنك
مولود
ع العرش
متنك ع الناس
والاطتك
بتخلى المنفوخ
يتفش
ومحدد أهداف
سيادتكم للحزب بتاعكم
أبو كرش
كان منفوخ من غير
ولا حاجه
واللى يهمه جمع
القرش
** **
ويدافع ع البلد ويحلف
ولكنه
بيبعها يا ناس
ويطور فى الفكر
بتاعه
ويجدد
كتم الأنفاس
وبيهدم عصر الحرية
وياكد دعم الإحساس
** **
حرية – عدالة
دا مبدأهم
لكن للى يبوس الايد
واللى يعنجر
امن الدولة
بتطلعله كشف جديد
فيه جنياته
واتهماته
ومصايب
من ليلة العيد
ما ه هو هيبقى الارهابى
وهيبقى الكتكوت أبو ريش
يتنتف
وميتقصبشى
بس دا لو راح تانى يعيش
وهيطلعله علاقة
أساسا
بالقاعدة بتاعت
التشويش
ارهابى ودليلنا معانا
يبقى هيخضع للتفتيش
** **
يتفتش وهتطلع عينه
وماحدش
راح يقدر يحوش
ماه هما الحزب
المتفرعن
وسيادة الواد المنكوش
** **
وأما الناس الشرفا
يا عالم
اللى اتخنقوا منه
وملو
عملو مظاهره ضد
خيانته
ورفعوا ايديهم
وصوتم علو
قام ريسنا
قال لجماله
دول فاضيين
سيبهم يتسلو..
** **
واتسلينا
لحد ما جينا
والدنيا اهى صبحت
معدوله
بعد بلدنا ما تاهت فينا
هنرجعه
الدرجة الأولى
انتهت





Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.