العودة   منتديات المصطبة > الأقسام الأدبية > منتدى الشعر والخواطر

منتدى الشعر والخواطر للأشعار والخواطر المكتوبة "للحـَرفِ توهّـجْ.. مـَراياَ للصـُدورْ تـُرجُمـَان للمشاعـِر"

قصيدة ( حلم الغلابة ) ناصر على

كاتب الموضوع: الشاعر/ناصر على، فى قسم: منتدى الشعر والخواطر


1 
الشاعر/ناصر على

( حلم الغلابة )
----------------

حلم الغلابة طار لفوق

والشوق بيشلع فى الحلوق

بجناح منبت فى الوهن

--------------------------

حلم الغلابة بيتعجن

بالوهم مع حبة شجت

وبيتقلى فى زيت الزمن

-------------------------

حلم الغلابة بيترسم

فوق بحر تلج ويبتسم

تطلع عليه شمس الوطن

---------------------------

حلم الغلابة بيتخنق

من قبل حتى ما يتخلق

وبيتفرم من غير مكن

----------------------------

حلم الغلابة مركبة

متركبة ومكركبة

زى الجمل من غير رسن

--------------------------

بلعها بحر فى ليل ضلم

يا ريت ما كانشى فى يوم حلم

والصرخة حلم بتندفن

----------------------------

حلم الغلابة سلسلة

متسلسلة ضامة الخلا

شداه لبحر من الحزن

----------------------------

شقيان جعان عريان يخاف

طاب حتى يلقى لقمة حاف

علشان يقاوم فى المحن

----------------------------

فى الصيف بيحلم بالشتا

فى البرد يحلم بالدفا

طول عمره يحلم بالسكن

------------------------

حلم الغلابة تاه فى بير

والبير غويط جواه اسير

مين اللى يقدر عالفتن

---------------------------

لملم جناحك وانكسر

يالا انتشر بيت البشر

لحسن تروح من غير تمن

----------------------------

حلم الغلابة كان فتات

ولما عمر الحلم فات

اتسرق منه الزمن

----------------------------

اندفن حلم الغلابة

لما مات ارنب فى غابة

بس مات ملقاش كفن

---------------------------





Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.