العودة   منتديات المصطبة > الأقسام الأدبية > منتدى الشعر والخواطر

منتدى الشعر والخواطر للأشعار والخواطر المكتوبة "للحـَرفِ توهّـجْ.. مـَراياَ للصـُدورْ تـُرجُمـَان للمشاعـِر"

قصيدة ( السواقى ) ناصر على

كاتب الموضوع: الشاعر/ناصر على، فى قسم: منتدى الشعر والخواطر


1 
الشاعر/ناصر على

قصيدة ( السواقى )
---------------------
قدام بيتنا فيه شجرة

والشجرةطرحت ثمرة

والثمرة مش مبسوطة

شايفة ان الشجرة عبيطة

وعبيطة وجات للدنيا

دنيا تافهة ومجنونة

مجنونة وشربت دمى

دمى اللى زرعته غلة

غلة فى دولة محتلة

محتلة وقامت ثورة

ثورة وكانت ميت فلة

يا سواقى دورى دورى

انا عاوز اخد دورى

دورى واسقى انا الشجرة

والشجرة طرحت تانى

طرحت الحان واغانى

واغانى وطيور طايرة

طايرة وحطت عالشجرة

والشجرة جايبة الضلة

فينك فينك يا مذلة

ومذلة راحت راحت

راحت وكمان انزاحت

يا سواقى لفى لفى

لفى واحكيلنا حكاوى

حكاويكى بجد غناوى

وغناوى يا نيل ابداعك

وافرد عالسمرة دراعك

ودراعك واحنا فى صفك

واقفين وهنحضن شطك

غنى يا شجراية غنى

والحانك تاخديها منى

ما انا اصلا نبتة طينك

ريحة عرقى على جبينك

يا سواقى فينك فينك

راح الخوف اللى فعينك

فين اللى كانوا منعينك

راحوا وخلاص حرية

حرية وجاية المية

والمية تسقى الشجرة

والشجرة تطرح ثمرة

والثمرة تكون مبسوطة

مبسوطة وعللى الضحكة

هنصب من تحتك دكة

دكة وهقعد احكيلك

عن عظمة ثورة جيلك

قرانك مع انجيلك

دا شبابنا الله واكبر

فى الميدان صلى وكبر

كبر واهى جات الفرحة

بدموعى هنسج طرحة

طرحة ولونها يكون اخضر

واحضن طينك وهكبر

توتة وكانت حدوتة

وياريت ما تكون ملتوتة

.........................

.........................

قدام بيتنا فيه شجرة

والشجرة طرحت ثمرة

..............................

.............................

............................





Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.