العودة   منتديات المصطبة > الأقسام الأدبية > منتدى الشعر والخواطر

منتدى الشعر والخواطر للأشعار والخواطر المكتوبة "للحـَرفِ توهّـجْ.. مـَراياَ للصـُدورْ تـُرجُمـَان للمشاعـِر"

قصيد ( اتكلم ) ناصر على

كاتب الموضوع: الشاعر/ناصر على، فى قسم: منتدى الشعر والخواطر


1 
الشاعر/ناصر على

قـصـيـدة ( اتـكــــــــــلـم )

###############

فك لجامك..فك حزامك

ما هى واسعة الدتيا قدامك

##################

قول واتحرر اوعى تخاف

متخليش قلبك خواف

ليه ملفوف دايما فى لحاف

متكتف خانق الهامك

فك لجامك ..فك حزامك

ما هى واسعة الدنيا قدامك

##################

قطع صمتك بالقدوم

اوعى تعود لسكاتك يوم

المجهول يصبح معلوم

احسن ما تضلم ايامك

فك لجامك..فك حزامك

ما هى واسعة الدنيا قدامك

##################

ايه يعنى غيرك مرتاح

يتنعم والعيشة براح

ما هو عامل قاضى وسفاح

وف كرشه بالع احلامك

فك لجامك..فك حزامك

ماهى واسعة الدبيا قدامك

##################

عارف ليه حظك عيان

ولابدلك بين الغربان

ودماغك عايشة ف توهان

مع ان كلامك برشامك

فك لجامك..فك حزامك

ما هى واسعة الدنيا قدامك

##################

دا محدش اتكلم مات

ولا طول فى العمر سكات

اطلع من كفن الاموات

اتحرر فوق من اوهامك

فك لجامك..فك حزامك

ما هى واسعة الدنيا قدامك

##################

ارسم ومتبقاش مرسوم

اتبعتر ترجع ملموم

ولا تخضع لسكاتك يوم

لو رسيت ادبح رسامك

فك لجامك..فك حزامك

ما هى واسعة الدنيا قدامك

###################

اتلون مع كل علام

واتمرجح ضد الاوهام

واتكلم تلقى الايام

تكتبلك بالفخر كلامك

فك لجامك..فك حزامك

ما هى واسعة الدنيا قدامك

###################

انصر ذاتك قول ما تخافش

اوعاك تبقى شوية عفش

عمرك يهرب وما يتشافش

ومتلحقش ترد سلامك

فك لجامك..فك حزامك

ما هى واسعة الدنيا قدامك

###################

اتكلم خليك انسان

ايه تعمل بلسان تقلان

دا الساكت شيطان خرسان

خد حقك حقق احلامك

فك لجامك..فك حزامك

ما هى واسعة الدنيا قدامك

##################

ليه مجرور للصمت سنين

ولسانك قطعاه سكين

يا اخى اتكلم قول سطرين

اتنفض وانصر اسلامك

فك لجامك..فك حزامك

ماهى واسعة الدنيا قدامك

##################




4 
الكرداوي باشا

الله عليك تسلم اديك


Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.