العودة   منتديات المصطبة > الأقسام الأدبية > منتدى الشعر والخواطر

منتدى الشعر والخواطر للأشعار والخواطر المكتوبة "للحـَرفِ توهّـجْ.. مـَراياَ للصـُدورْ تـُرجُمـَان للمشاعـِر"

دى دنيا آخر لخبطة

كاتب الموضوع: أحبُكَ ربى، فى قسم: منتدى الشعر والخواطر


1 
أحبُكَ ربى

ألوان كتير ملخبطة
ورق وكله شخبطه
لوحة ملامحها مشلفطة
لا باينة رسمة ولا شوية شخبطة


بالته ألوان كبيرة
ألوانها ساحت عملت ألوان كتيرة
والأصل تاه وسط الدنيا المريرة
وساب دنيا آخر لخبطة !!


شبخطت حبة والناس دى شاهدة
خطين تلاتة حسبوها وردة
وده قال جميلة وده قال زهرة شاردة
ودى لسه مجرد شخبطة


عامل مفتح وفى الأصل نايم
فنان حقيقى ولا أنت واهم
والناس بتفتى ولا حد فاهم
وناس فى الخط مبلطة


بالفرشاه برسم وبلوم كمان
حواليا لحن مش باين ناى من كمان
نسكت كفاية ولا نقول كمان
ده حتى الكلام ملوش معنى وآخر لخبطة

دنيا عجيبة
جدور طيبنتها مليانة طيبة
سقوها سقية ... شقت ثمارها طلعت غريبة
يعنى صباح اللخبطة


دنيا كبيرة معيلة
حر وبردو مسلسلة
عشتها حلوة منيلة
شابت ولسه مقطقطة


دنيا حلاوتها مشطشطة
لو ملامحها مشلفطة
لا باينة دنيا ولا شوية شخبطة
دى دنيا آخر لخبطة





4 
Hinamori Amu


شبخطت حبة والناس دى شاهدة
خطين تلاتة حسبوها وردة
وده قال جميلة وده قال زهرة شاردة
ودى لسه مجرد شخبطة


كلمات جميلة أوى يا ميدو
يارب تستمر لأنك مميز جدا فى أشعارك



Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.