العودة   منتديات المصطبة > الأقسام العامة > منتدى المواضيع العامة

منتدى المواضيع العامة أهم المواضيع والقضايا العامة التى تشغل الرأى وتهدف إلى نشر الفائدة للجميع


1 
eslam



















إنتى البنت إللى فى خيالى نفس الشعر و نفس العينين و نفس الجسم و...
" دى أول جملة الولاد بيقولوها للبنات فى بداية إشتغالاتهم لبعض
و طبعا بيكون رد البنات "
إنت فارس أحلامى ناقصك حصان و خوذة و تبقى صورة طبق الأصل للواد إللى باحلم بيه"
الحياة بتفضل طبيعية لمدة شهر تقريبا
فى كل مقابلة الولد بيحلق دقنه و بيمسح الجزمة و يغسل سنانه و يكوى هدومه
و البنت بتسرح شعرها و تحط ميك اب و بتلبس هدوم شيك
و لكن بعد مرور الشهر إياه كل واحد بيزهق من التانى


الولد بيرجع للكورة و لعب الاستيميشن و قعدة القهوة
و البنت بترجع لصاحباتها و النميمة و الفرجة على التليفزيون و الرقص فى أوضة النوم
و بعد ما كان حاطط لها نغمة "قصاد عينى" بقى يحطلها نغمة "كلهم بيقولوا كده فى الأول"
، السبب الحقيقى للمشاكل دى إن كل واحد بيزهق من التمثيل على التانى
و بيبدأ كل واحد يظهر على طبيعته
، الولد بقى بيتأخر على معاده مع البنت ساعة
و بيروح يلاقيها لسه ماجاتش
و بينزل ضارب شعره جيل و منعكشه و مربى ذقنه
و البنت بتيجى لمه شعرها بتوكة و من غير ميك آب ..
و بعد ما كان بيشدلها الكرسى علشان تقعد
بقى بينقى الكرسى النضيف و يقعد عليه
و بعد ما كانت بتصمم إنها تشرب أى حاجة على مزاجه
مابقتش تشرب غير قهوة سادة زى اليوم الإسود إللى مش هيعدى
، العيوب إللى كانت مستخبيه كلها ورا التمثيل بتاع أول شهر
حب بتظهر و كل واحد بيقول للتانى انه لازم يتغير علشانه لو بيحبه
بعد ما كان الواد بيقولها إنه عارف إن مشكلته انه عصبى
و هى ترد عليه مش مهم يا حبيبى أنا هاستحمل و مش هاستفزك
و اول ما يتنرفز عليها و شها بيتقلب و الدنيا بتضلم
و بتتقمص شخصية منى زكى فى فيلم خالتى فرنسا و هاتك يا ردح
و الموضوع كتير بيتطور ليصل إلى إشتباك بالأيدى
و طبعا الولد مش هيسكت
و البنت هاترجع رابطة عينيها
و الولد هيرجع مجبس رجله
و بعدين هيرجعوا لبعض تانى
، و لو قعدوا فى المطعم ياكلوا
و هو عارف إنها مش بتحب الشطة مثلا
هيدلق إزازة الشطة كلها فى الطبق إللى قدامها
و هيقولها علشان تتعودى لما نتجوز
و طبعا علشان ما تحصلش إصابات زى الحادثة إللى فاتت
بتضطر تاكل
و لو إتصلت به فى وقت متأخر فى البيت
يقولها إقفلى دلوقتى عاوز أنام كلمينى بكره
و لو إتصل بيها على الموبايل
تقوله بابا قاعد معايا فى الأوضة و تقفل فى وشه السكة
، كل واحد بيكون مصمم إن التانى يتغير علشان يقدروا يكملوا مع بعض
و الرد الطبيعى بيكون
أنا كده و عمرى ما هاتغير
عجبك على كده ماشى ..
مش عاجبك كل واحد يروح لحاله
، المشكلة إن كل واحد مش بيصارح إللى بيحبه بكل حاجة بيفتكر إنه لو قال الحقيقة الطرف التانى هيقلبه ، لو بيحبوا بعض صحيح الإثنين هيستحملوا بس المشكلة إن ده كله تمثيل فى تمثيل و لما بيزهقوا كل حاجة بتظهر على حقيقتها.




انت مش معايا ان كل حاجة دلوقتى بتظهر ع غير العادة ؟



وممكن تغيرى من نفسك علشان ترضى حبيبك؟



تقدر تغير من نفسك علشان ترضى حبيبتك ؟



2 
Ala Ma Tofrg

اقتباس: المشاركة الأصلية كتبت بواسطة إسلام لمين هعيش؟  مشاهدة المشاركة





















انت مش معايا ان كل حاجة دلوقتى بتظهر ع غير العادة ؟

أيوا كل حاجة بتظهر قدامك حاجة
وتيجي تكتشف الحقيقة تلاقيها حاجة تانية اساسا



وممكن تغيرى من نفسك علشان ترضى حبيبك؟

مش ليا السؤال دا

تقدر تغير من نفسك علشان ترضى حبيبتك ؟
لاء أنا أظهر قدام حبيبي بشخصيتي
أنا كدا وأذ كان مش عجبو يشد في حواجبة



نايس يا سلوم
تقبل مروري


3 
Temō Janiar

اقتباس: المشاركة الأصلية كتبت بواسطة إسلام لمين هعيش؟  مشاهدة المشاركة



انت مش معايا ان كل حاجة دلوقتى بتظهر ع غير العادة ؟
بصي ياصحبي هو الي حد ما بتظهر غير العاده بس مش في كل الاوقات




تقدر تغير من نفسك علشان ترضى حبيبتك ؟
لو هو يستاهل وده قليل في الزمان ده

ثانكس ياصحبي منوراني


6 
BaNoTa ZaMaLKawYa

انت مش معايا ان كل حاجة دلوقتى بتظهر ع غير العادة ؟
صح فى حاجات بتظهر على غير عادتها

بس مش قاعدة عامة
وممكن تغيرى من نفسك علشان ترضى حبيبك؟

ليه لا لو للاحسن كمان يمكن يكون فالتغير راحة نفسية ليه وليا


نايس توبيك يااسلام.........


7 
اهلاويه متعصبه

وممكن تغيرى من نفسك علشان ترضى حبيبك؟

اه ارضى
بس ازاى كان يستاهل اتغير علشانه
وان كان هو اللى هيغيرنى للاحسن

ثاانكس يا اسلام


8 
eslam

اقتباس: المشاركة الأصلية كتبت بواسطة ♥سفير الحب♥  مشاهدة المشاركة
ثانكس ياصحبي منوراني


بس الاغلب كدة يا احمد ويما البدل بدارى


نورت


9 
eslam

اقتباس: المشاركة الأصلية كتبت بواسطة روفان  مشاهدة المشاركة
وممكن تغيرى من نفسك علشان ترضى حبيبك؟


ممكن ليه لاء خاصتنا لو التغير ده هيكون احسن ليا

ثانكس ليك


ميرسى ليكى مرور جميل ربنا يعزك


10 
eslam

اقتباس: المشاركة الأصلية كتبت بواسطة long story love  مشاهدة المشاركة
انت مش معايا ان كل حاجة دلوقتى بتظهر ع غير العادة ؟
صح فى حاجات بتظهر على غير عادتها

بس مش قاعدة عامة
وممكن تغيرى من نفسك علشان ترضى حبيبك؟

ليه لا لو للاحسن كمان يمكن يكون فالتغير راحة نفسية ليه وليا


نايس توبيك يااسلام.........


الاغلب كدة يا اسما


ع العموم دة حال الدنيا ما علينا



Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.