العودة   منتديات المصطبة > الأقسام الأسرية > منتدى عالم الرجل

منتدى عالم الرجل عالم الرجل، أزياء رجالى، موضة الرجال، إكسسوارات رجالية، ملابس شبابية 2019


1 
عاشق فن إرتواء العقل

بسم الله الرحمن الرحيم

يا أدم يا عصبى فى رسالة منى ليك

يا أدم يا عصبى فى رسالة منى ليك / بقلم : عاشق فن إرتواء العقل RoF16626.jpg

أحترت كتير وأنا هبدأ أقول الكلمتين اللى جى أقولهم وأمشى علطول
وسبب حيرتى أنى خايف أزعل منى كل أدم عصبى
لكن هقول الكلمتين وأمرى لله
جى أقول كلمتين فى حق كل إنسان عصبى
الناس كلها بتشتكى منك يا عم العصبى
أوعى تفتكر أنك كده أشتهرت أو دى شهرة ليك قدام كل حواء
بالعكس أنت لو كنت أخر إنسان فى الدنيا دى عمرك ما هتكون مميز
طول ما أنت عصبى وطول الوقت حاسس أنك عايز تنفجر
يا راجل حد ينفجر فى حواء الرقيقة
حواء مفيش أرق منها وأحنا لو عملنا أيه بالذى عمرنا ما هنكون برقتهم
وواجبنا ناحيتهم وناحية أنوثتهم أننا نكون لطاف أوى معاهم علشان نكسبهم
لكن إياك يا أدم تكون لطيف بالنفاق علشان تكسب رقة أكتر
أكيد هتكسب رقة أكتر لكن لو أنكشفت يا حلو هتخسر حواء كلها على بعضها
وخليك عصبى بس على نفسك لأن ساعتها هتكون حواء طارت من إيدك
لو العصبية حلوة كنت أول واحد قولتلك يا أدم خليك عصبى
بس العصبية عمرها ما كانت ولا هتكون حلوة
ولو مش قادر تتخلص من عصبيتك روح لأقرب دكتور نفسانى
ومن قلبى بدعيلك ربنا يشفيك يا عصبى
ومتزعلش من الكلمتين اللى جيت أقولهم فى حقك
أنا بهزر معاك وفى نفس الوقت بتكلم بجد
حواء أشتكت كتير منك وهتفضل طول عمرها تشتكى منك يا عصبى أفندى

*** ملحوظة ***

سبب كتابتى لهذا الموضوع أنى رأيت زوج يضرب زوجته فى الشارع بسبب عصبية مفرطة لا داعى لها

تحياتى لكل أدم عصبى ( ربنا يهديك )
وتحياتى لكل حواء رقيقة ( ربنا يديم رقتك فى الخير )

والسلام ختام ويارب حسن الختام لكل مسلم ومسلمة فى شتى بقاع الأرض


بقلم : عاشق فن إرتواء العقل
خالد نور الدين



Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.