العودة   منتديات المصطبة > الأقسام العامة > منتدى النقاش الجاد

منتدى النقاش الجاد ناقش معنا بهدوء وبدون تعصب أشهر وأهم القضايا والمواضيع التى تشغل الجميع

هو ده صاحبك !!!!!!

كاتب الموضوع: princess samar، فى قسم: منتدى النقاش الجاد


1 
princess samar

السلام عليكم

سؤال بنتسأله كتير بس ممكن ما نكونش سألنا لنفسنا خالص

اخوك يقولك الواد الصايع ده صاحبك ؟؟

البت تقول لأختها انتي ماشية م البت الفالتة ديه ليه ؟؟

اب يقول لأبنه ايه الواد اللي عامل زي البنات ده ؟؟

ام تقول لبنتها ايه البت المايعة ديه ؟؟

صاحبك يقولك انت ماشي م الواد ده ليه؟؟ده بتاع حشيش و نسوان و بضره!!

صاحبتك تقولك ايه البت اللي لازقة فيها ديه ؟؟ديه ماشية م نص الجامعة!!

الى اخره

كلنا عندنا اصحاب ع كل شكل و لون

فيهم الكويس و فيهم الوحش

فيهم المحترم و فيهم الغير

فيهم اللي لو احتجتله هتلقيه واقف في ضهرك و ساندك

و فيهم اللي ما يشوفكش غير عشان مصلحته

فيهم الراجل اللي ع حق و فيهم البنت الصح


دلوقت نقول الاسئلة

انت بتختار اصحابك ع اي اساس ؟؟

انت تقدر تستغنى عن حد من اصحابك ؟؟ حتى لو ده هيكلفك انك تعيش وحيد !!

تقدر ؟؟

بلاش تكتفي بالرد ع الاسئلة لو تحب تقول وجهة نظرك في الموضوع ككل

اتفضل

الموضوع ده يهمنا كلنا

اخر كلمة

انا زيي زييكم لا انا نبي و لا ملاك من السما




4 
ملكة بكبريائى

انت بتختار اصحابك ع اي اساس ؟؟

على حاجت كثير اولهم انى تشدنى صحبتى دى من اول كلمه معاها
من احترامها ودا اهم شى من حبها ليا من عطفها من صفاتها الكويسه والعيوب كمان احس انها صحبتى واختى وحبيبتى احبها واهم شى انها محترمه وبتفهمنى وبتحبنى
انت تقدر تستغنى عن حد من اصحابك ؟؟

ممكن لو ميتسهلش التفكير فيه وانى اصحبه واحترمه واحبها
حتى لو ده هيكلفك انك تعيش وحيد !!

تقدر ؟؟


عملتها قبل كدا مع صحبتى وقدرت بس رجعنا تانى الحمد لله
انا من النوع الى بينسى بسرعه اة هتالم اوى
بس ممكن اى شى يقدر تنسيهالى لو هى فعلا عملت شى تخلينى مكلماش للابد


5 
dreams_boy

صديقتى سوف ارد على الاسئله فى بدأ الامر
انت بتختار اصحابك ع اي اساس ؟؟
الحب والصدق وعدم الخيانه والعقل

انت تقدر تستغنى عن حد من اصحابك ؟؟ حتى لو ده هيكلفك انك تعيش وحيد !!

تقدر ؟؟
قد استطيع فى بعض من الاحيان ولكن بشروط وهى الخيانه والغدر
فاصير وحيد افضل من ان انخدع كل يوم

اما عن وجهت نظرى فقد نختلف وقد نتفق
ولكن ليست الاشخاص بما هى عليه
ولكن المواقف هى من تبين الصديق قد اكون شخص محترما ولى صديق ليس لديه اى احترم او مشاعر ويراه الناس على انه شخص سىء جدا
ولكن عندما يكون هناك شىء تجده اقرب الناس لى عندما احتاجه اجده الاقرب فهلهذا يعنى ان اتخلى عنه لان الناس يرونه شخص اخر فما زنبى انا انهم لم يعرفوه اطرد صديقا حقيقى بسبب الناس واقوالهم لا
فلو اخذنا بكلام البشر لم ولن ننتهى
والمظاهر خداعه ترى شخص امامك تراه ملاك ولكن عندما تعامله تراى انه شيطان من شياطين هذا الزمان
شكرا لكى على هذا الطرح واسف على الاطاله
لكى كل التقدير والاحترام



Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.