العودة   منتديات المصطبة > الأقسام العامة > منتدى النقاش الجاد

منتدى النقاش الجاد ناقش معنا بهدوء وبدون تعصب أشهر وأهم القضايا والمواضيع التى تشغل الجميع

امتى هتصعب عليك نفسك؟؟

كاتب الموضوع: princess samar، فى قسم: منتدى النقاش الجاد


1 
princess samar

تعرف أمتى هتصعب عليك نفسك ؟

تعالا نشوف
لما تلاقى كل اللى بتحبهم قدامك مش عارف مين بيحبك فيهم ومين بيكرهك ومين مش واخد باله منك اصلا .

عارف أمتى هتصعب عليك نفسك ؟
لما تحس بنفسك انك قدام قدام أوووووى وبعدين تلاقى نفسك آخر واحد .

عارف أمتى هتصعب عليك نفسك ؟
لما تحس انك مش ليك لازمه فى الدنيا ومش عارف تسيبها.

عارف أمتى هتصعب عليك نفسك ؟
لما تلاقى شخصيه موجوده فى حياتك ومكتوبه عليك ومش ليها اى لازمه فى حياتك وللاسف مش عارف تخليها بعيده عنك.

عارف أمتى هتصعب عليك نفسك ؟
لما تبكى على شخص بتحبه وهو مش واخد باله منك وتلاقى الى بيمسح دموعك اشخاص بيعشقوك وانت بردو مش واخد بالك منهم .

عارف أمتى هتصعب عليك نفسك ؟
لما تحس ان حياتك كلها ملهاش اى معنى ولا اى لازمه.

عارف أمتى هتصعب عليك نفسك ؟
لما تفكر فى الموت وتعد كام واحد هيجوا على قبرك يبكوا عليك.

عارف أمتى هتصعب عليك نفسك ؟
لما تعيش مع بنى آدم وترسمله شخصيته وتحترمها وفى الاخر تلاقيه شخصيه تانيه.

تعرف أمتى هتصعب عليك نفسك ؟
لما تبكى بحرقه واللى بتبكى عليه ناسيك وانت للاسف مستنيه يمسح دموعك.

تعرف أمتى هتصعب عليك نفسك ؟
لما تستنى اى كلمه اى نظره اى ابتسامه حتى لو غلط من حبيب سابق

تعرف أمتى هتصعب عليك نفسك ؟ .
لما تكتشف اخيرا انك ضيعت احلى سنين عمرك فى حاجه تافهه قوى وحتى الحاجه التافهه دى راحت.

تعرف أمتى هتصعب عليك نفسك ؟
لما تلاقى حبيبك بيقول نفس الكلام وبيغنى نفس الاغنيه اللى كانت ليك لحد تانى وانت مش قادر تحس انها ليك.

هتصعب عليك نفسك قوى لما تصرخ بأعلى صوتك ومفيش حد بيسمعك ولا حتى نفسك

ودلوقتى عايزه من كل واحد يقول امتى بتصعب عليه نفسه ونعتبرها فضفضة




4 
ملكة بكبريائى

تعرف أمتى هتصعب عليك نفسك ؟
لما تلاقى حبيبك بيقول نفس الكلام وبيغنى نفس الاغنيه اللى كانت ليك لحد تانى وانت مش قادر تحس انها ليك.


عارف أمتى هتصعب عليك نفسك ؟
لما تبكى على شخص بتحبه وهو مش واخد باله منك وتلاقى الى بيمسح دموعك اشخاص بيعشقوك وانت بردو مش واخد بالك منهم


تعرف أمتى هتصعب عليك نفسك ؟
لما تبكى بحرقه واللى بتبكى عليه ناسيك وانت للاسف مستنيه يمسح دموعك.



بس كلهم صعبين اوى



5 
جوليت بدون روميو

[]صعبت عليا نفسي لما غدر بيا من احببت[/quote]


 من مواضيع جوليت بدون روميو


Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.