العودة   منتديات المصطبة > الأقسام الأدبية > منتدى الشعر والخواطر

منتدى الشعر والخواطر للأشعار والخواطر المكتوبة "للحـَرفِ توهّـجْ.. مـَراياَ للصـُدورْ تـُرجُمـَان للمشاعـِر"


1 
Abo3li

السلام عليكم


كلمات تائهة بين السطور ..

خايف وعمري ما كنت خايف
وخايف اقول ان انا خايف
يطلع راجل يقولي استرجل يا هايف
وساعتها الرد ايه مش عارف
بس انا عارف
عارف اني كبير زي حلمي
عارف ان وطني مصر
هو قلب كل مصري
وعارف كمان ان السلام هو الغاية
وهو الوسيلة مش الغضب
ولا الهرب
بس السلام ممكن يجي بالغضب
او بالسلاح او بالحرب او حتي بالصوت العالي
مش المطاطية ولا الانهزامية ولا معلش
ولا باعتذار يتقال والسلام
وسط الزحام
والكل بيقول وانا مالي
ياعم سبني في حالي
وانا صراحة كدا جبت اخري
او مجبتوش اوي يعني
بس انا بجد خايف
خايف علي القضية لتتسرق
وخايف علي وطني ليتباع
والكلاب تشمت وتنهشنا الضباع
والعلم اللي كان يوم مرفرف
يقع تحت الرجول وينداس او يتحرق
وعلم دا بطاقتي شخصيتي
وسط الشعوب هويتي
صوته القوي كان دايما قوي
سواء كان فيه نسر
ولا نجمة او حتي صقر
ولا كان زي ما كان
او حتي هيكون
المهم انه يفضل مرفوع
مش ممنوع
وفي النهاية اقولها لكل
اللي مش فهم
فوق يا عربي
وانت يا مصري
انت زعيم بصحوتك
والزعامة في دمك اب عن جد
فياريت تقوم وتجد
وتجتهد وتشد
عزمك اللي ياما انهد
وحد صفوف العرب
وحد صفوف العرب
وحد صفوف العرب





2 
عيون حائره

ده خوف كل مصري وكل عربي
ياخووووووفي فعلا بس لازم نفوق كلنا
وياريت بجد العرب تتوحد صفوفهم
قدرت تعبر عن احساس كل مصري
كلمات جميله ومحسوسه جدا
تسلم ايدك


4 
bono

فوق يا عربي
وانت يا مصري
انت زعيم بصحوتك
والزعامة في دمك اب عن جد
فياريت تقوم وتجد
وتجتهد وتشد
عزمك اللي ياما انهد

احاسيس موجوده جوانا نثرت بكلمات وصحوه من القلب
دام لنا تميزك وانتقاء كتاباتكـ
سلمت يداكـ



Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.