العودة   منتديات المصطبة > الأقسام الأدبية > منتدى الحب والرومانسية

منتدى الحب والرومانسية مواضيع الحب والرومانسية وكل ما يتعلق بالحب وأنواعه وأروع ما قيل فيه من كلمات


1 
eslam mezo




حاولت انساكي مقدرتش على النسيان
سجنت الذكرى جوايا
وقولت يومين وهيعدّوا
ويمكن بكرة..أو بعَدُه..يدوب إحساسي بهواكي
ويقدر قلبي ينساكي
لقتني...اشتقتلك أكتر
وبحلم بيكي وبفكّر..
في أي طريقة تجمعنا
ومهما ظروفنا تمنعنا
هاعدّي الصعب وارجعلك
وآديني رجعتلك تاني
بنفس الحُب واللهفة
كلام الشوق على لساني
ولو حاسّاني أو شايفة
تلاقي مشاعري سابقاني
مشاعر صادقة..مش زايفة
بحبك..
بحبك حتى وانا عارف
بإن طريقنا مش واحد
ومهما هربت من حُبك
بنرجع تاني نتعاااهد
لإنّي حاولت كاام مرة
ومقدرتش على النسيان
برغم الهجر والحرمان
وليل الغُربة والأحزان
حاولت انساكي..
مقدرتش على النسيان
لإنّك ساكنة جوايا ..
مابين النبض والوجدان
بتنزل دَمعتي مِنّي..بتشكيلك عذاب الروح
وذكرى الماضي في عيوني
مصحباني منين مابروح
كلامِك...بسمتِك...طيفك
قُصاد عيني ..في كل مكان
أنا في الدّنيا مِن غيِرك..
غريب تايه عن الأوطان
وشايف عُمري وسنيني
كتاب مجهول..مالوش عنوان
ياجرح العُمر حبيتك
بقولهالك واعيدها كمان
حاولت انساكي...مقدرتش على النسيان




2 
الكنج محمد

مشكوووووووووووووووووووور كتير على القصيده دى

3 
eslam mezo

اقتباس: المشاركة الأصلية كتبت بواسطة الكنج محمد  مشاهدة المشاركة
مشكوووووووووووووووووووور كتير على القصيده دى

شكرا لمرورك



Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.