العودة   منتديات المصطبة > الأقسام الأدبية > منتدى الشعر والخواطر

منتدى الشعر والخواطر للأشعار والخواطر المكتوبة "للحـَرفِ توهّـجْ.. مـَراياَ للصـُدورْ تـُرجُمـَان للمشاعـِر"

المراية اتشوهت

كاتب الموضوع: الشاعر/ناصر على، فى قسم: منتدى الشعر والخواطر


1 
الشاعر/ناصر على

المراية

####

لـــمـا الــمراية اتشوهت

الصورة طالعة مشخبطة

-------------------------

وشوش ضحـوكة قـــانعة

ووشوش كئيبة ملخبطة

-------------------------

وعيون هدفها الشــعللة

وفى الكراسى معبْــــطة

-------------------------

فيه ناس بتنفخ فى النفير

غاوياهـا زيطـــة وهــلـفطة

--------------------------

وع الشاشات ليلاتى ناس

هاتك يا رغـــى وسفسطة

---------------------------

ومن بعــــيد شــايف ديابة

واقــــفة غـــاوية الشـعبطة

---------------------------

لفيت مرايتى ناحية تانـية

شوفت هـوجة وفــطـفــطة

---------------------------

شوفت موجة جـــوة موجة

وشوش كتير متــمـرمــطـة

---------------------------

شقوق غويطة جوة حيطة

ف ليل شتا من غير غــطا

----------------------------

اسـف مـرايتـى هــكرهــك

وهجيب مــراية مزقــطـطـة

----------------------------

قــالت مــرايتى مســتحيل

الاخــد عــلى كــد الــعــطا

################




2 
أحبُكَ ربى



استاذ ناصر حضرتك رااااااااااااائع وعبرت عن اللى جوايا

متغبش عننا فنحن نشتاق لكتاباتك المبهرة والمعبردة دوما عن حالنا

دمت بخير وسعادة وتقبل مرورى


3 
الشاعر/ناصر على

شكرا لمرورك اخى الغالى ( رحلة مشتاق )

والله ما ابعدنى الا ظروف العمل

تقبل تحيتى وتقديرى


4 
الاميره2011

اسـف مـرايتـى هــكرهــك

وهجيب مــراية مزقــطـطـة

----------------------------

قــالت مــرايتى مســتحيل

الاخــد عــلى كــد الــعــطا

السلام عليكم
رائع تسلم ايديك
احلي تقييم


5 
الشاعر/ناصر على

اشكرك اختى الاميرة على

مرورك وهذا الكلام الطيب والجميل

تحيتى وتقديرى



Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.