العودة   منتديات المصطبة > الأقسام الأدبية > منتدى الشعر والخواطر

منتدى الشعر والخواطر للأشعار والخواطر المكتوبة "للحـَرفِ توهّـجْ.. مـَراياَ للصـُدورْ تـُرجُمـَان للمشاعـِر"

سافرت حي !! رجعت ميت ؟؟

كاتب الموضوع: فارس القرشي، فى قسم: منتدى الشعر والخواطر


1 
فارس القرشي

قلت مره ف يوم أسافر
أجري لجل الرزق أعافر
غبت بره كتير وقلت
كل غيبه وليها أخر
قلت أجيب للناس هدايا
جبت كل فلوس معايا
بس لما رجعت شفت
ان دي هي النهايه!!!
عند باب بيتي وقفت
قلت أيه بس الحكايا
قالوا أني بره مت!!!!!
وده صوان عشان عزايا
أحترت أضحك والا أبكي
والا أسكت وأقول نصيبي
قلت مادخل لجل أعزي
دا المرحوم ياناس حبيبي
دخلت أدور ع الزمايل
لقيته صاحبي لسه داخل
كنت عايز أكلمه بس
كان مشغول بغيري
قمت وف قلبي حنين
أني أشوف مراتي مره
بصيت كتير جوه العنين
لقيتها حاطه فيها كحله
والبسمه طله م الخدين
كأني كنت ف حياتها غلطه
قلت عادي أشوف ولادي
بس يامليون خساره!!!!!
أبني قاعد بالسجاره !!!!
والخمور ويا الحجاره
وبنتي لابسه ميكروجيب
والعيون سودا وسكاري
من عيوني دموعي نزلت
قمت واقع من هدومي !!!!!!!
ديه مراتي ودول ولادي
ليه كده ياقيامتي قومي
كل ده أكمني مت ؟؟؟؟؟؟؟؟؟؟
حتي موتي شئ مزيف!!!!!
نفسي بس مراتي تعرف
أني حي أني عايش
وأني كنت بجد طايش
لما قلت ف يوم أسافر
أجري لجل الرزق أعافر
خابوا أهلي لما حسوا
أني غبت قالوا مت
والنتيجه خسرت نفسي
والفلوس أزاي تنسي
ان أهلي بعدوا عني
وأني عن أهلي بعدت
رحت واقع وبجد مت!!!!!!!!!

فارس القرشي
عضو رابطة الزجالين وكتاب الأغاني




 من مواضيع فارس القرشي


Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.