العودة   منتديات المصطبة > الأقسام العامة > منتدى النقاش الجاد

منتدى النقاش الجاد ناقش معنا بهدوء وبدون تعصب أشهر وأهم القضايا والمواضيع التى تشغل الجميع


1 
5Lik Fe 7aLk

السلام عليكم

فى حاجه جت فى بالى من مده فكرت فيها كتير اوى

حسيت احساس غريب اوى

نفسى تشاركونى الراى فى الموضوع دا

والموضوع عن

مصر ام الدنيا

عايز اعرف انت بتحبها على ايه؟

وايه الى عجبك فيها؟

وهل لو جتلك فرصه انك تسافر وتعيش برا هتمسك فيها ولا هتفضل فى بلدك؟

هتفضل فى بدلك فى ظل الحاله الى البلد فيها

احنا من دول عالم التالت

الناس بتخترع وتنفذ واحنا الاختراع يوصلنا بعد مئات السنين يكونوا هما اخترعوا وابتكروا فى حجات تانيه كتير

لو ليك اخ او عم او خال مسافر برا وقالك انا هخدك تشتغل وتعيش هناك طبعا فى ظل التقدم والمعامله الكويسه واحترام الادميه والشغل الى بجد

مش الموظف الى بيقضيها فى شغله عشان ياخد المرتب اخر الشهر

ولا الموظفه الحامل الى بتستغل حملها عشان تاخد اجازات بالشهور

ولا المدرسه الى مقضيها فى المدرسه تقشير بطاطس وبتنجان عشان مفيش وقت تعمل الغدا ف البيت

ولا موظف الحكومه الى مش طايق نفسه اصلا وبعد ماتقف فى طوابير وتوصل للشباك بعد عناء يقولك ورقك ناقص


ولا ولا

الامثله كتير اوى

بعد اذكم حطوا مشاعركم فى جنب وقولولى لو جتلك فرصه انك تسافر برا وتعيش هناك هتوافق ولا لاء

وونبى محدش يقولى مصر ام الدنيا ومشربتش من نيلها والكلام الى مش بيجيب همه دا

الكلام دا كله كويس وعلى راسى

بس بعيد عن مشاعركم

هتعمل ايه وبكل صدق؟




2 
Abd-ElrhmaN Hassan

بحب بلدي لاني اتولدت فيها وفيها الناس اللي بحبهم وبيحبوني

لو جتلي فرصه اني اخرج براها بجد هخرج لاني نفسي اعيش في السعوديه


3 
5Lik Fe 7aLk

اقتباس: المشاركة الأصلية كتبت بواسطة ::.dr.3bdo0.::  مشاهدة المشاركة
بحب بلدي لاني اتولدت فيها وفيها الناس اللي بحبهم وبيحبوني

لو جتلي فرصه اني اخرج براها بجد هخرج لاني نفسي اعيش في السعوديه

مفيش حد مش بيحب بلده

طيب تفتكر عايز تعيش فى السعوديه ليه؟


4 
عيون حائره

مبدئيا هي بلدي اللي اتولدت وعيشت فيها كل حياتي وسط اهلي وقرايبي
بس معرفش بجد لو في فرصه اني اعيش في دوله تانيه ومعايا اهلي هقدر علي كده ولا لا
لاني لو ارتبط بمكان بحب اعيش فيه طول عمري
بس لو جربت اعيش في مكان تاني مش عارفه هغير رأيي ولا لا


5 
I'm JuSt Me

بحبها اوى عشان اتولدت فيها بردو ووفيها اهلى وصحابى
بس لو جاتلى فرصه اسافر هسافر لأ نها بصراحه دلوقتى مبقاش ينفع يتعاش فيها , مفيش حقوق للانسان , مفيش قانون , مفيش شغل , مفيش امان , مفيش نظام , اهلها اغلبهم بقو بلطجيه وحراميه ,, والشريف فيها بقى متهم , الناس بقت بتكدب على بعضها , بالعربى كده مصر بشعبها مبقتش تنفع نعيش فيها



Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.