العودة   منتديات المصطبة > الأقسام الأدبية > منتدى الشعر والخواطر

منتدى الشعر والخواطر للأشعار والخواطر المكتوبة "للحـَرفِ توهّـجْ.. مـَراياَ للصـُدورْ تـُرجُمـَان للمشاعـِر"

بقلمي ...قال احبك...

كاتب الموضوع: رحمة الفؤاد، فى قسم: منتدى الشعر والخواطر


1 
رحمة الفؤاد

جاني حزينــــ كلــه لــــــوم .. صوت الشره في صمته شاب
في قلبه إحســــاس مظلـــوم .. وفي عينه تبريـــــر واسبــاب

مدّيــت كفّي لْجرحـــه يــــوم .. هلــــت نزيف الدمــــع سكّـاب
ماعـــاد باقي بالخفــا عْلــــوم .. كلّه ســــرى للعمْـــق باسهاب

نظرة عطش من عين محروم .. هزّت ضميـــر الحب لو تـــاب
قــال فهمت ؟ وقلت معلـــوم .. اقـرا الولــــه واشمّ ترحـــــاب

وسيف الهوى لو جار محشوم .. يسْكن فــــؤاده ودّ واعجـــاب
وكنّي غديت بجــــوّه غْيــــوم .. وفي روضه جنّـات واعشاب

وغنّت فـــرح في لون مضيــوم .. وريـح المطر مع عطْره ذاب
قال احبــــك ويـــل وهْمــــــوم .. وانسى في قرْبك نوح وعْتاب

وطيف الوهم في ناظـــري دوم .. أسهـــر معــه لو كان كـــذاب
يرْســـم خيــــالك ليلي حْلـــــوم .. ويصْبح حزين الجرح معْطاب

قلـت العفــــو يا روح مكلــــوم .. لك موطـــن الكحله بالاهــداب
لكنّــــــها عــــــادات وسْلـــــوم .. خلّت لهيـــب الوجـــد شبّـــاب

انا القســــا في حرف ورْقـــوم .. وانا الوفـــــا صفحات وكْتــاب
وقلبي على الفزعات مفطــــوم .. وروحي عطيّة قـرْب واحبــاب

قــــال بحبّي ما انتي ملــــزومه .. لو خاطـــرك من لوعته طــاب
قلــت الغــــلا والحب مقســــوم .. وحبّــك مع الشريان ينســـاب

تجْذبني عيـــونك على العــــوم .. نصفي غريق ونصف منصاب
أنا ضحيّـــة ظـــرف محتـــــوم .. وانت ضحيّـــة وقت واصحاب

لا تجـــزع من قــول مسمـوم .. ترى الهوى بالحيــــل غــــلاّب
من يجْبر الجــــازي على النوم .. لو طمّنـــه مجبــــور يرتــــاب

أبوْعـــــدك بعْهــــود وخْتــــــوم .. إن الغـــــلا يذْكــرْك لو غـــاب
وزولك مع التذكــــار مرســــوم .. في خــــافقي غرفه بلا بــــاب





Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.