العودة   منتديات المصطبة > الأقسام العامة > منتدى النقاش الجاد

منتدى النقاش الجاد ناقش معنا بهدوء وبدون تعصب أشهر وأهم القضايا والمواضيع التى تشغل الجميع


1 
7TAMOK YA 2LBY


احساس غريب جدا انك تحس ان فى دموع مش قادرة تنزل

الدموع دى مكانها قلبك
اول مره احس الاحساس ده ان قلبى هو اللى بعيط
عارفه ان فى كتير مش خيعجبهم كلامى بس انا حسيت الاحساس ده جدا
حسيت ان قلبى هيقف من العياط بس مفيش دموع قادره تخرج
تعبر ولو واحد بالميه عن احساس القلب الباكى
اصعب احساس لما تكون ناوى تنسى ذكرى اسواء ذكرى وتلاقى ان الظروف والاقدار
والاشخاص
كمان مش ناوين يساعدوك
ولما
تصدق انك خلاص قويت ووفقت على رجليك ومن تانى هتعيش او على الاقل هتعرف تتنفس
يجى اللى من تانى يهدك ويرجعك لورا
انا حاسه انى مش فى مرحله اكتئاب وبس لا انا حاسه انى روحى بتطلع
بس بالبطئ اوى علشان اتعذب اكثر
وياريت العذاب النفسى ده يخلص واخلص انا كمان
الدنيا دى غريبه جدا جدا ومش عارفه اخرتها ايه
الاكتئاب فى نفوس الشباب بالرغم من حبهم للحياه وكل الشاب نفسه يعمل حاجه لمستقبله
انا عمرى ما كنت مستسلمه كده للاكتئاب اللى كنت بسمع اسمه زمان
يقولوا ده بيعانى من حاله اكتئاب وكنت اسأل
اكتئاب يعنى ايه اكتئاب هو ده مرض ولا ايه؟؟؟؟؟
لحد ما الحمد لله جربت الاكتئاب واللى اكثر من الاكتئاب كمان
خلاص بقى انا جربته نفسى بقى يبعد عنى شويه ويختفى احسن انا كرهته جدا جدا




 من مواضيع 7TAMOK YA 2LBY

2 
ثائر الا ربع

الدنيا دى غريبه جدا جدا ومش عارفه اخرتها ايه



أخرها الموت مبفولش طبعاً بس فعلا دى الحقيقه
كلنا هنموت ....يعنى مفيش حاجه هتفضل نهائى
انت كام يوم فرحت وعيشت فى راحة بال مفيش مشكله
اما تقعد قصادهم قد اللى عيشتهم فرحان بس الشيطان عايز كدا
ان فالفرح يخليك مش حاسس بفرحتك وفى الحزن يوسوسلك عشان تبقى مش طايق نفسك وتعصى ربنا وتخطأ ويبقى عندك نوع من عدم الرضا بالقدر
استعن بالله فهو حسبك ونعم الوكيل


3 
لؤلؤة مصرية

استهدى بالله وصدقينى مفيش حاجة مستاهلة الزعل اصلا فى الدنيا دى

مش عاوزاكى تبقى زعلانة كدة وصدقينى كل شىء بيعدى وبيمر بالوقت

استهدى بالله


4 
ملكة بكبريائى

معلشى حبيبتى صلى على النبى كدا
ودائما لما تلاقى نفسك مخنوقه وعندك اكتئاب اتقربى من ربنا اكثر
وهتلاقى بعد مدة صغيرة ربنا فرج همك وتبقى سعيدة
بس لو صبرتى مع ربنا فى ابتلاءة ليكى دا

وكمان ياقمر متحزنيش اوى كدا واول متيجى حاجه وحشه فى دماغك طلعيها بحاجه احلى وافتكرى الحاجه الى تسعدك مش الى تدايقك

واهم شى انك تتقربى من لله وتشوفى ايه الى ممكن يطلعك من مود الاكتئاب دا
ومتخفيش كل انسان بيمر بالمود دا وبيعش فيه



Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.