العودة   منتديات المصطبة > الأقسام الترفيهية > المهيسون فى الأرض

المهيسون فى الأرض إفتكاسات وتهييس "بدون زعل"، شوية فرفشة على شوية نكت على مقالب مضحكة


1 
shere

الفرق بين بروفايل الشاب الخاطب والشاب المتجوز ..

الفرق بين بروفايل الشاب الخاطب والشاب المتجوز .. 299957_268610439846694_161897203851352_730707_714792249_n.jpg

قال أجدادنا القدماء أن الراجل من غير ست زي البوست من غير كومنت .. والفيس بوك ده مراية الراجل والست .. و دي مش مقالة ساخرة بقدر ما هي رصد لشوية ملاحظات فعلا شوفتها لاختلافات في البروفايل الخاص بالشاب الخاطب والذي يتحول بعد ذلك - بقدر الله وحكمته - إلى شاب متزوج لا حول له ولا قوه ..


صورة البروفايل :
_____________

- في فترة الخطوبة :

بيحط صورته هو و خطيبته .. النظرة الحالمة و الابتسامه عريضة .. وشهم قريب قوي من بعض .. قاعدين في جنينه أو في مناسبة اجتماعية أو في مطعم شيك .. وتقريبا صورة البروفايل بتتبدل كل 5 ثواني .. ولو النت بطيء كل عشر ثواني ..

- بعد الجواز :

أي منظر طبيعي مهديء للأعصاب ..
والصورة مبتتبدلش خالص .. يعني ممكن فريندز عنده يموتوا وبروفايلاتهم تتحلل والمنظر لسه محطوط مفيش أي مشاكل ..

***

أنواع البيدجات المشترك فيها :
________________________
- فترة الخطوبة :

مفاجآت الفالانتين ..
أفكار عصرية لعش الزوجية ..
أفراح الفنانين والفنانات ..
50 طريقة مبتكرة تفاجيء بيها خطيبتك ..

- بعد الجواز :

ابتسم يا ابن الكئيبة ..
فضايح الفنانين والفنانات !! ..
50 طريقة مبتكرة تتخلص بيها من مراتك ..

****

أغاني عمرو دياب اللي بيشيرها عالفيس :
________________________________

- فترة الخطوبة :

بيشير : خد قلبي معاه ..
و بيشير : عودوني عليك أحبك ..
و بيشير : قمرين دول ولا عينيك ..
و بيشير : آه بعد الليالي ..
و بيشير : ليلي نهاري ..

- بعد الجواز :

بيشير صفحة كارهي عمرو دياب ..

***

أنواع الموسيقى اللي بيبعتها عالفيس :
______________________________

- فترة الخطوبة :

موسيقى كلاسيكية متركبه على فيديو رومانسي لمشاهد من مسلسل نور ومهند ..
موسيقى فيلم تيتانيك ده أساسي (وإلا ميبقاش مخطوبين) ..
و موسيقى Yanny و Era ..

- بعد الجواز :

تتر المال والبنون .. وليالي الحلمية .. وأغاني علي الحجار اللي اتعاون فيها مع الملحن سيد حجاب ..



*****

أنواع الجروبات الدينية اللي بيخش عليها ..
_______________________________

فترة الخطوبة :

الجنه في بيوتنا لـ (عمرو خالد) ..
أسعد الأزواج (مصطفى حسني) ..

بعد الجواز ..

كتاب (لا تحزن) .. للشيخ عائض القرني ..
وصف الجنة .. للشيخ عمر عبد الكافي ..
اصبر ولك الحور العين ... للشيخ محمود المصري ..


********
أنواع الأفلام العربي اللي بيعمل لايك عليها :
_________________________________

- فترة الخطوبة :

عمر وسلمى 1 ..
عمر وسلمى 2 ..
عمر وسلمي 3 (اللي لسه منزلش) ..
عمر وسلمي 4 (اللي عمره ما هينزل)

كل أفلام مصطفى قمر ومحمد فؤاد وياسمين عبد العزيز وأحمد حلمي وأحمد عيد ..

- فترة الجواز :

مبقاش يتفرج على أفلام ..

******

الجيمز اللي بيلعبها
_____________

فترة الخطوبة :

Farm Ville


فترة الجواز :

Farm Ville
City Ville
Treasure Island
Mafia
Empire and Allies
Adventure Puzzels

و عامل اكونتات وهمية كتير عشان يبعت لنفسه مقشات وجواميس وطاقه وبيلعب كمان لزمايله وواصل لمستويات خيالية ..

********
أنواع الكومنتات :
__________

فترة الخطوبة :

تلاقيه باعت كومنتات فيها قلوب كتير .. وكلها فرانكو وبالانجليزي وضحك ولعب ..

بعد سنة جواز :

مبقاش يعمل كومنت .. بيكتفي باللايك ..

بعد خمس سنين جواز :

بيقفل الأكونت خالص ..


********

أنواع الحاجات اللي بيبعتها عالفيس :
_____________________________

فترة الخطوبة : أغاني .. نكت .. صور .. فيديوهات مضحكه .. وعامل تاج لخطبيته ..

بعد الجواز : أغاني .. نكت .. صور .. فيديوهات مضحكه .. وعامل بلوك لخطيبته ..


*******


الحــالة الاجتــماعية :
___________________

قبل الخطوبة :
In relationship

في الخطوبة نفسها
Engaged

بعد الجواز
Hidden


*********
أنواع الألبومات والصور اللي عنده :
_________________________

فترة الخطوبة :

Me and my fiancée
ده ألبوم ليه مع خطيبته في مناسبات عديدة (500 صورة أو اكتر) ..

Me ma3 el aw3’ad
ده ألبوم ليه مع شلة الساحل والعين السخنه ( 200 صورة أو أكتر) ..

Me with el ma2ateee3
ده ألبوم ليه مع صحابه أيام الكلية (400 صورة أو أكتر) ..


فترة الجواز :

مفيش ألبومات .. هي صورة واحده لوشه وعامل كروب للكرش و باقي الصور مناظر طبيعيه وصور حيوانات ..

**********

أنواع الإيفنتات اللي بيحضرها :
____________________

في الخطوبة :

Is Attending
حفلة عمر خيرت بدار الأوبرا

Is Attending
رحلة العين السخنة لفردين (فطار + غداء) .. 100 جنيه ..

Is Attending
محاضرة معز مسعود (كيف نختار أزواجنا ونعيش حياة سعيدة)


بعد الجواز:
Is Attending
رحلة العين سخنة لفردين (بس هيطلع لوحده) ..

Is Attending
محاضرة الدكتور ابراهيم الفقي : كيف تتغلب على ضغوط الحياة .. فن الإيحاء والتنويم المغناطيسي .. الاسترخاء بالأعشاب .. فكر مرة أخيرة قبل أن تتخلص من حياتك ..


*********
صورة البروفايل لما بييجي عيد ميلاد حبيبته :
__________________________

لو جه عيد ميلاد حبيبته في الخطوبة :
بيحط صورتهم مع بعض جوه قلب وعليها كلام بالفوتوشوب ..

لو جه عيد ميلاد حبيبته في الجواز :
بيحط صورة محمد أبو تريكة ..


*******
صورة البروفايل في عيد جوازهم ..
_________________________

لو جه في فترة الخطوبة :
هو فيه عيد جواز بييجي في الخطوبة يا ناصح .. انزل انزل كسفتنا ..

لو جه في فترة الجواز :
أول عيد بتبقى صورة الفرح .. (يحطها دقيقتين ويشيلها)

كل الأعياد اللي بعد كده بتبقى الخلفية سودا .. (وبتفضل لعيد الجواز اللي بعده)

********

أنواع الفريندز اللي بيعملهم إضافة:
____________________

- في فترة الخطوبة :

فريندز عاديين جداً ....

...Is friend with .. Mohamed

.....Is friend with ..Yasser

.....Is friend with ..Yara


-في فترة الجواز :



。˚ ˚ღ。* ˛˚ ♥♥
Is friend with … NeEd love
˚ ˚ღ。* ˛˚ ♥♥

´✫¸.•°*”˜˜”*°•✫´✫¸.
… أنثى ولكن غير عادية ..... Is friend with
´✫¸.•°*”˜˜”*°•✫´✫¸

♥♥♥♥♥♥♥♥♥♥♥
Is friend with ...... RoRo el_Moza_
♥♥♥♥♥♥♥♥♥♥♥

*****

أنواع البيدجات السياسية اللي بيخش عليها :
_____________________________

في الخطوبة :

كلنا خالد سعيد ..
أنا من جيل الثورة ..
نعم لتسليم السلطة للشعب ..
لا للمجلس العسكري ..

بعد الجواز :

منحرفات تحت العشرين للتعارف والزواج ..
أكواد سرية عشان تشحن ببلاش ..
شاهد فضيحة هيفاء وهبي ونانسي بالصور والفيديو ..
مقاطع بلوووتوووث ساخنة ..

***
بس خلاص ..

ودي باختصار كانت الفروق ما بين بروفايل الشاب الخاطب و الشاب المتجوز .. أكيد فيه فروق تانية أكتر من كده ولكن لم يسعنا الوقت لذكرها ... و حيث يظهر هنا دورنا التنويري كبيدج ساخرة إن احنا نوضح الحقايق ونهدي النفوس .. وكان الله بالسر عليماً.. والسلام عليكم ورحمة الله وبركاته ...



2 
سنا

هههههههههههههههههههههههههههههههههههههههههههههه
بجد جامدة جدا ياشريف
تسلم ايديك ياقمر


3 
wonderful*Girl

هههههههههههههههههه
حلوةابتسم يا ابن الكئيبة ..
يسلمووو اووي شيري


4 
احساس عابر

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههه


ولا اررررررررررررروع

واضح انك بتهدي النفوس اووووووووووي اوي اوي يعني

بقولك ايه يا ابني اللي بيتو من ازاز ميغيرش هدومو ف الصالون

اما الرجالة دول يا اختشي عاملين زي طوابع البوستة كؤول ما تتفي عليهؤوم يلزقو اكتر << بهزهز ها

ههههههههههههههه تثلمـ يا ابني


5 
shere

اقتباس: المشاركة الأصلية كتبت بواسطة سنا  مشاهدة المشاركة
هههههههههههههههههههههههههههههههههههههههههههههه
بجد جامدة جدا ياشريف
تسلم ايديك ياقمر

ميرسى ليكى يا سنا
منورانى يا قمراية


6 
shere

اقتباس: المشاركة الأصلية كتبت بواسطة wonderful*girl  مشاهدة المشاركة
هههههههههههههههههه
حلوةابتسم يا ابن الكئيبة ..
يسلمووو اووي شيري


هههههههههههههه
ميرسى ليكى يا هبة
منورانى يا قمراية


7 
shere

اقتباس: المشاركة الأصلية كتبت بواسطة كايداهم  مشاهدة المشاركة
هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههه


ولا اررررررررررررروع

واضح انك بتهدي النفوس اووووووووووي اوي اوي يعني

بقولك ايه يا ابني اللي بيتو من ازاز ميغيرش هدومو ف الصالون

اما الرجالة دول يا اختشي عاملين زي طوابع البوستة كؤول ما تتفي عليهؤوم يلزقو اكتر << بهزهز ها

ههههههههههههههه تثلمـ يا ابني

طبعا بهدى النفوس
وع فكرة المثل ده للبنات مش لينا احنا
واكيد طبعا مش زعلان
منورانى يا كيداهم


10 
shere

اقتباس: المشاركة الأصلية كتبت بواسطة mohamed & ahmed  مشاهدة المشاركة
نايس اوى يا بوبو

بومبو دى بتاعتى يا بومبو
منورنى يا بومبوووووووووووووو



Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.