العودة   منتديات المصطبة > الأقسام العامة > منتدى النقاش الجاد

منتدى النقاش الجاد ناقش معنا بهدوء وبدون تعصب أشهر وأهم القضايا والمواضيع التى تشغل الجميع

المجلس العسكرى والايادى الخفيه

كاتب الموضوع: ثائر الا ربع، فى قسم: منتدى النقاش الجاد


1 
ثائر الا ربع


والله انا ما ضد المجلس العسكرى ولا حاجه بس بصراحه كدا كتير أوى وانا جوايا كتير عايز أقولهوله ومن ضمن الحاجات اللى خانقانى من المجلس العسكرى
بتاعنا دا

والواحد بصراحه معتش عارف يقوله ايه لانه بصراحه


مجلس كريييييييييم فى تصريحاته الكتير.........كريم ولا زبدة كاكاو ....ههههههههههه اتخنقت...



وطول النهار والليل يكلمنا عن الايادى الخفيه واليد الثالثه والسيناريو كالاتى...

صرح مصدر مسئول (مش هقول مين)


بمعلومات (مش هنعلنها) بوجود أشخاص غير الثوار منعرفهمش


لديهم مخطط (متوصلناش ليه) فخذوا حذركم من الثوار فهم مخربين


.

أمال انت مسئول عن حماية كل فرد فى مصر إزاى

وبتمسك جواسيس من التحرير
زى ما بتعلن فالاخبار ازاى

ومش عارف لحد انهارده تتخلص من الايد الثالثه

لو مش أد المسئوليه ما تسبها ياعم ويجي اللى يقدر يشيل مسئولية حماية مصر احنا يوم عن يوم بنسافر فى قطر الصعيد الجوانى ومبنرجعش تانى




2 
لؤلؤة مصرية

على فكرة انا والله مش بدافع عن حد انا نفسى بس بلدنا تتصلح بس فعلا الثوار مزودنها اوى لو هم الثوار فعلا بتوع السنة اللى فاتت لكن انا شايفة ناس فاضية وناس عايزة تخرب فعلا ايه ذنب المجمع العلمى انه يتحرق ؟؟؟ هل كان حدفهم بذخيرة ولا حدف عليهم قنبلة مسيلة للدموع منتهى الاستهتار ومش عارفة اقول ايه ؟؟ انا شوفت مقطع فيه ولاد صغيرين كانو من ضمن اللى بيحرقوه وفرحانين ايه دة فرحانين بخراب البلد !!

والبنت اللى اتبهدلت دى ايه نزلها اصلا وهى عارفة ان فيه ضرب وبهدلة

انا حاسة ان البلد كل مدى وبتسوء وخلاص الامل راح مفيش امل فى اى حاجة كويسة خالص شوية وهندخل فى حرب مية النيل فيه بلاوى جاية ربنا يستر والله

ربنا ينتقم من المفترى والظالم اى كان بقى


3 
ثائر الا ربع


بس لو احنا بصينا لموضوع سحل بنت وتقطيع هدومها بالطريق دى ونقول ايه اللى نازلها من بيتها بيقى على المصريين السلامه ولو أى حد مكانها من بناتنا والله عمرنا ماكنا هنقول كدا وبرده لو كان حد من اهلنا مات فى الثورة او مات بضربة خرطوش على دماغه والله ما كنا سكتنا ولا سيبنا حقنا بس فاكرين انها مش مشكلتنا فخلاص يبقوا دول قلالة الأدب وبعدين مش دول بتوع الأمن والحفاظ على البلد اللى حامينا مبيمسكوش له المخطأ من وسط الناس الكويسه ولا هما مش قادرين

وبالنسبه الثوار مزودنها فعلا هما مزودنها بلد يموت فيها بعد ما نتحرر م الظلم وينضرب عليهم نار يوم 29 نوفمبر ومزودنها وبنت تتسحل وناس سلميين ملهمش ذنب تنضرب وتتهان ويطلع المجلس يعتذر ويعترف بخطأه وبرده بنقول مزودنها
ساب حكومة شرف 9شهور معملوش حاجه ورافض يقبل إستقالتهم واحنا بنتأخر يوم عن يوم وبرده مزودنها عمال مهتم بمحاكمة المتسببين فى أحداث شغب وبلطجيه مش بلطجيه ولا بتوع شغب وسايب محاكمة الحرميه والفاسدين الكبار وبرده بنقول مزودنها احنا مزودين حاجات كتييييييير اوى كدا....احنا اسفين يامبارك انت والمشير احنا اللى حرميه وقتلين قتله احنا محدش عرف يربينا وأغبيه لأن فى المدارس متعلمناش أصل التعليم كنا احنا مبوظينه ...بجد اتخنقت



Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.