العودة   منتديات المصطبة > الأقسام العامة > منتدى المواضيع العامة

منتدى المواضيع العامة أهم المواضيع والقضايا العامة التى تشغل الرأى وتهدف إلى نشر الفائدة للجميع


1 
Wana Maly



فيه حجات كتيرة اوى ممكن نعملها نرجع بيها طعم للحياة ...

أبسط حاجة اشترى شيكولاتة غالية مستوردة .. وكلها .. او بص على بنت حلوه واعرف انها لو عرفتك كويس أكيد هتحبك ...

العب لعبة ملعبتهاش من وانت صغير .. اعرق انهج .. حس انك عايش ...

اطفى نور اوضتك وشغل التكييف واسمع اكتر مزيكا بتحبها .. واسرح معاها ...

بص لأهلك وعرفهم قد إيه بتحبهم .. بص للى تحتك واعرف قيمة كل حاجة معاك ...

بص للى فوقيك واعرف ان رغبتك انك تبقى زيهم هيا اللى مديا طعم للحياه ...

استمتع بشمس الصيف بصلها وقولها انك مش كارهها حتى لو عرقتك ولزقتك ...

روح اقعد ع البحر دخل رجليك فى الرمل وخرجها .. بطل تفكير وإبدأ حس ...

فى الشتا إنزل تحت البطانية وحط كوباية الشيكولاته السخنة جمبك وإبتسم وغمض عنيك ونام ...

اشتغل لغاية ماتحس انك ميت .. نام تانى واشحن وروح موت نفسك تانى واعرف انك زودت حاجة للدنيا محدش كان هيزودها غيرك .. اعرف انك كائن مهم وفى كل لحظة بتغير اتجاه تاريخ

بص لشحات واقف جمبك متدهوش ولا نكله .. بس سلم عليه واضحكله وسلم عليه وقوله عامل ايه ...

سلم على واحد صاحبك وخده بالحضن وزود مدة الحضن ثانية ولا ثانيتين هتقوله حجات كتير ...

بص لبنت مغرورة واضحك من جواك وبص لبنت تانية وحشة وعاكسها بنظرتك هتعرف انها هترجع البيت مبسوطة ...

بدون سبب ابعت رسالة لأى حد بتحبه قوله حاجة حلوه ...

وافتح شباك العربية واطلع ع الطريق السريع خلى الهوا يطس فى وشك .. صرخ بس إتأكد إنك مش داخل على لجنة وانك لوحدك ومفيش حد تعرفه فى العربيات اللى حواليك اضربها جزمة .. خلى اللى يكره يكره واللى يشتم يشتم واعرف انهم مضيعين وقتهم .. وإتأكد انك لو عارف انك هتموت بكرة فإنت هتعمل نفس اللى بتعمله دلوقتى ...

حب جميل اوى حتى لو عارف ان حبك مش هيستمر لغاية بليل ...

كل أكل حلو اوى .. بس متخلهاش مشبعة ...

إشرب مشروب دخلت المطبخ وإخترعته .. ولو معجبكش ارميه .. ارميه فى الحوض وانزل اشرب حاجة تانية بتحبها ...

اكسب نفسك وحب حد بيكرهك .. وإكسب نفسك تانى وانسى حد انت لسه بتحبه من غير ما تكرهه ...

إتفرج على ماتش لفرقتين متعرفهومش وشجع واحد فيهم اوى اوى .. حتى لو كان بيلعب زى الزمالك ...

إنزل شجع مع الزمالكاوية لما يكسبوا .. حتى لو إنت مش زملكاوى ...

إسمع الكلام ده من غير ما تعلق عليه .. ولو مش عاجبك بطل تسمعه ...

لما تقابل واحد مش فاكر اسمه ومش بتسلم عليه عادة .. خده بالحضن وقوله واحشنى جدا يا معلم ...

إقرأ كتاب عن موضوع معقد ومانتش فاهمه .. وبعدها إنزل مع أصحابك

جرب اكله جديدة فى مطعم فخم .. تمنها يخرب بيتك وروح وانت مبسوط .. أو شد مع عربية صيد ...

البس احلى لبس عندك وانزل امشى فى الشارع وإنت فارد ضهرك .. ومتحطش ايديك فى جيبك وخليهم كده مفكوكين ...

إرقص .. حتى لو فى اوضتك وانت قافل الأوضة بالمفتاح .. ممكن تغنى كمان .. وانت ماسك الفرشة على انها ميكروفون ...



إفتكر قبل ماتنام كل الكلام الحلو اللى سمعت الناس بتقوله عنك ...

كل لما تلاقى بيحكى عن مشكلة .. دورله على الجانب المشرق فيها .. مهما كانت عويصة .. طلعله فيها فوايد وباركله ...

كل لما حد يقولك ازيك عامل ايه .. قوله الحمد لله وانت مبسوط جدا .. قولها بسرعة من غير ماتفكر وإبتسم .. لوحدك هتنبسط فعلاً ...

شوف إيه اسوأ مشكلة فى حياتك .. فكر فى اسوأ حاجة ممكن تحصل بسببها .. وهتلاقيها مش هتموتك وهتفضل برضه فوق الأرض مش تحتها وإن الدنيا هتمشى .. وإحمد ربنا ...

سافر حته مروحتهاش قبل كده .. صورها, صور نفسك فيها, صلى فيها, او بوس ارضها, او خد منها تذكار .. وارجع تانى نام على سريرك وعرفه انه وحشك ...

استحمى فى نص ساعة .. خلى الميه تنزل على وشك واسمع صوتها كويس ...

جيب لنفسك هدية واستنى لغاية عيد ميلادك يجى .. واديها لنفسك ...

جيب هدية لحد بتحبه من غير مناسبة واديهاله فى عدم اهتمام كأنك معملتش حاجة غالية ...

إنزل من بيتك بشبشب وشورت من غير ما تسرح شعرك وإتأكد من جواك انه عادى جداً .. أنا مش مهتم وخليك واثق من نفسك .. وإشرب ميه كتير .. متغضبش مهما حصل ...

إشكر كل الناس بسبب ومن غير سبب ...

لو حد إتريق عليك إضحك .. حتى لو من جواك بتضحك عليه ...

لو حد شتمك حط ده فى تانك النزين بتاعك علشان يبقى طاقة تحركك لقدام ...

لو الناس بعدت عنك اعرف انك مش زيهم .. لاهما وحشين ولا انت وحش .. إنتم بس مش زى بعض .. وإتبسط .. إتبسط إنك مش بتضيع وقتك معاهم ...

لو لقيتك نفسك لوحدك شوية ده معناه انك فريد ونادر من نوعك .. ومين فى الدنيا يقول ان نوعك غلط او وحش .. بس إنت تقدر تتأكد إن ده النوع المناسب ليك وإتبسط بيه .. ولو نفسك تغيره غيره مفيش حاجة بتلزق ! حتى إسمك ودينك ..!

بص لإمبارح وشوف إتعلمت منه قد إيه .. خطط لبكرة بس إوعى تخاف منه .. إزاى تخاف من حجات انت اللى بتبنيها أصلاً .. حاجة لسه محصلتش ومحدش فى الدنيا يقدر يعرف ايه اللى هيحصل فيها غير ربنا ...

إستمتع بالنهاردة كويس .. لإن كل النهاردة هيبقى إمبارح بتاع بكرة .. زى ماكان بكرة بتاع إمبارح ...

إفتكر أيام لما كنت بتصحى بدرى علشان المدرسة .. ولما كنت بتذاكر فيزيا او تاريخ واهلك مانعينك من النزول وإتبسط إن ده كله خلص ومش راجع تانى ...

إتبسط ولو مش عايز تتبسط مش هتعرف تعكنن عليا لإن أنا مبسوط ...



3 
مصرية والخطوة ملكية

يسلمووو

انا ماكملته

لانى مااحب ابوح بحبي لحد اوكـِِ

وما احب المزيكا ابداً اكرها

زى ما بكره الحليب بالكركم


5 
HOOK EL MASRY

انزل شجع مع الزمالكوية فى دى معاك حق 10000000000000000% انها هترجعلك طعم الحياة

وتسلم ع التوبيك الرووعة ده


7 
فكووو

واو
صراحة روعهـ
يعطيك الف عافيه

اخوياا
ويسلمووو
راح اعمل اللي قالو
بالزبط


8 
ثائر الا ربع

أحلى تقيييييييييييم لأحلى موضوع ..توبيك روعه


تسلم ايدك



Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.