العودة   منتديات المصطبة > الأقسام العامة > منتدى النقاش الجاد

منتدى النقاش الجاد ناقش معنا بهدوء وبدون تعصب أشهر وأهم القضايا والمواضيع التى تشغل الجميع

محدش يعرف مين الي بيغلس ؟ ؟

كاتب الموضوع: !!$ الشاعرة $!!، فى قسم: منتدى النقاش الجاد


1 
!!$ الشاعرة $!!

محدش يعرف مين الي بيغلس ؟ ؟ unhappymf0.jpg
اشياء غريبه ومواقف نمر بيها يومياً ومنعرفش سببها ايه حاجات بتحصل
عشان تغلس علينا

كأن فيه حاجه مستقصداك وعايزه تغلس ومهما حاولت تمنعها مش هتسيبك

هتغلس يعني هتغلس

تعالوا نشوف زي ايه
ليــــــــه
ليه كل اللحظات الحلوة الوقت بيجري بسرعه كأن الساعه داخله سباق الجري في الالومبيكيات

ولو حاجه رخمه تلاقي الوقت واقف مش عايز يمشي

تفضل تزق فيه ومهما تزق هو مش هيتحرك !!

ليـــــــــــه
ليه اما يكون المشوار مهم جدا بالنسبه ليك القميص يختفي ولو لقيت القميص البنطلون يختفي
ولو لقيت البنطلون الشراب يختفي ولو لقيت كل دول وانت ماشي تقع في الشارع
ولو موقعتش حد يرش عليك ميه ولو كل ده مر بسلام
العربيه تعطل في السكه المهم انك متوصلش ابدا في معادك !!





ليــــــــــه
ليه لما تحتاج واحد صاحبك جدا ولازم تشوفه في امر مهم وتتصل بيه عشان تتقابلوا
تلاقيه عنده مليون مشوار لازم يقوم بيه
رغم ان بقاله اسبوعين قاعد علي اول الشارع مش لاقي حاجه يعملها !!




ليــــــه
ليه لو كنت في مهمه سريه وموجود في مكان ما ومش عايز حد يشوفك في المكان ده
فجأة تلاقي كل البشر الى اعرفهم طالعين من كل مكان وكلهم يشوفوك !!




ليــــــــــه
ليه اما تكون محتاج تتكلم مكالمه في التليفون والمكالمه دي مهمه جدا
واول ماتقول ( الو ) تلاقي الموبيل فصل شحن !!





ليـــــــــه
ليه اما تكون تعبان وخلاص نفسك تنام هتموت وتنام فجأة
تلاقي جرس الباب بيرن وتلاقي قرايبك جايين زياره
رغم ان بقالك سنتين قاعد في البيت محدش بيسأل عليك !!



ليـــــــــه
ليه اما تكون مقرر ان الخميس الجاي ده هتخرج وتهدي اعصابك شويه في الهواء الطلق
تلاقي يوم الخميس الجو اتقلب بقي حر ممطر خريفي عاصف والشمس يجيلها كسوف
رغم ان الجو جميل من السنه الي فاتت !!




محدش يعرف يه الشئ الي بيغلس ده ؟؟




2 
princess roka

هههههههههههههههههه و الله عندك حق فى كل كلامك و انا برضو نفسى اعرف مين الى بيغلس دة هههههههههههههههههههههههه.
مشكوووووووورة يا قمر على التوبيك الجميل دة تسلموا الايادى يا شاعرة .
دايما مواضيعك مميزة و الله .



Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.