العودة   منتديات المصطبة > الأقسام العامة > منتدى النقاش الجاد

منتدى النقاش الجاد ناقش معنا بهدوء وبدون تعصب أشهر وأهم القضايا والمواضيع التى تشغل الجميع


1 
ثائر الا ربع


صلوا على خير البشر رسول الله صلَّ الله عليه وسلم



عمرك إمتلكك الخوف والرعب من شئ مجهول ؟

عمرك ما حسيت فى وقت ان معدتك تعباك وحاسس بقلق داخلى ونبضات قلبك حاسس انها متوتره ومش تعبان ولا حاجه بس حاسس بخوف ؟؟

تفتكر حاجه قديمه مزعلاك فتحس بخوف من اللى جاى ....أو تبقى بتضحك وفجأة تكشر وتتخنق وتحس انك قلقان ؟؟

كل دا مواقف ممكن تصادف ناس كتير فينا ودا بيبقى خوف داخلى ملوش سبب لكنه بيبقى ياتعب جسمى نتيجة مجهود زياده او اعراض مرضيه يإما ذهنى نتيجه للتفكير المستمر وارهاق العقل...يإما تغييرات فى البيئه المحيطه بالإنسان

وفى خوف تانى الى هو الظاهر ودا بيزول مع زوال السبب...


وبيقابل الواحد مننا مواقف بيترعب فيها كتير زى انه يدخل مكان ضلمه وواحد يخضه أو يحس انه شاف عفريت فيجرى او كلب يقابله ويفترسه أو يحلم حلم ويتفزع فيقوم خايف او يخاف من مشكله هو فيها وبيحاول يحلها وهكذا



وأكيد كل واحد فينا صادفه فى حياته موقف خوف ورعب عمره ما هينساه ولا هيتمحى من ذاكرته ....


فالفكره جاتنى فى وقت زيى دا فقولت تشاركونى وكل واحد يحكى موقف حصله وخاف واترعب منه أوى ولسا فاكره ومش هينساه .....وانا هبدأ بنفسى وأرد


واللى يحب يشارك ينورنى وينال موضوعى الشرف دا

واااااااااااااااااااااااااااااااااااااا
...شكراً




2 
ثائر الا ربع

هحكى بالظبط اللى حصل فى موقف ليا رعب يضحك وهحاول اختصر

انا قاعد فى بيتنا والبيت مساحته كبيره شويه وناس كتيره حذرتنى وقالولى مقعدش فيه لوحدى بعد والدتى ربنا يغفرلها ما ماتت قولتلهم هيا تخاريف يعنى روحها هتيجلى زى الافلام فنفضت لكلامهم

وفى يوم دخلت البيت بعد صلاة المغرب وكنت عطشان اوى ولقيت ازازة مرميه قولت احن عليها واغسلها واملاها وانا واقف على الحوض بغسل الإزازة سمعت صوت باب بيتقفل او بيتفتح انا أساساً متعود انى اسيب باب البيت مفتوح

واصحابى أما بيجوا محدش بيخبط بيدخلوا ويقعدوا علطول فقولت مين محدش رد عليا انادى تانى برده محدش بيرد المهم طلعت م المطبخ بصيت فى الصاله ملقتش حد وكان فى وشى باب غرفه انا داخل المطبخ وسايبه مقفول لقيته ...مفتوح..!! المهم دخلت المطبخ تانى وانا بكلم نفسى ياترى هو كان مفتوح ولا مقفول مفتوح ولا مقفول

المهم قولت اطلع تانى أتأكد يمكن أكون شوفت غلط أطلع ابص عليه الاقيه..إتقفل !! ....طبعا سيبت الإزازة والبيت كله وفى خطوتين بس كنت فى الشارع ووقفت بره خايف ومرعوب

والناس فالشارع مستغربين حالتى أوى وبيسألونى بس قولت لازم أدخل مهو مينفعش وكدا كدا انا هنام فيه بليل لوحدى يبقى اواجه العفريت والناس صاحيه حواليا احسن

وروحت سألت شيخ قالى ياعم كلها تهيأاااااااات الجن لا يفتح باب مغلق ولا يغلق باب مفتوح قولت الحمد لله مكنتش هدخل البيت تانى...وبس


3 
princess roka

يا نهار ابيض قصتك مرعبة فعلا انا لو كنت مكانك كنت روحت فيها على طول و وقعت من طولى فى وقتها هههههههههههه بس حمد الله على سلامتك ههههههههههه لكن بالنسبة ليا مش حصلى موقف مرعب زى كدة و لله الحمد يعنى الخوف الطبيعى بتاع الناس كلها يعنى هههههههههههههههههه.
و مشكووووووووووور على التوبيك الجميل و هذه الفكرة الرائعة وارجو تقبل مرورى .thank you


5 
5Lik Fe 7aLk

فعلا زى ماقولت الناس ممكن تتخي مواقف وتترعب منها مع انها كل تهياأت اصلا ودا احساس جواهم بس ولانهم ضعاف النفس فدا بيرعبهم شويه

انا بقى مبقتش اخاف كنت زمان اخاف من الموت او من منظر القبر والكلام دا

لحد ما اتحطيت فى موقف خلانى ابص على جثه كانت لحد قريبى وتأملت فيها اوى كان لسه متوفى يعنى وانا دخلته معاهم القبر كنت بخاف وبترعب جدا بس دلوقتى مبقتش اخاف بعكس الاول مكنتش بقبر من هناك اصلا دلوقتى بقت حاجه عاديه اه فى ثنة خوف بس مش اوى زى الاول

وبقى منظر الموت والناس المتوفيه بقت عاديه جدا لدرجه ان حد قريبى قريب منى اوى اوى مات من شهر تقريبا وصلت لانى شوفته وهو متوفى وكنت بصحيه وبلمسه كأنه احساس وتصرف طبيعى مع انه فى اى وقت كنت بس بمجرد حتى يجيب السيره بترعب

بس دلوقتى بقت حاجه عاديه

ميرسى جدا على موضوعك المميز



Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.