العودة   منتديات المصطبة > الأقسام الأسرية > عالم حواء والزواج

عالم حواء والزواج قسم خاص للمرأة، عالم المرأة، زواج، ثقافة زوجية، مشاكل الزواج، عادات وتقاليد

يووووه زهقتوني

كاتب الموضوع: فريق العفة، فى قسم: عالم حواء والزواج


1 
فريق العفة

Kill Diabetes

يووه زهقتونى بقى طول النهار كونى مريمية كونى مريمية ,و انا بقى مرتبطة وبحب الولد اللى انا مصاحباه ومالكوش دعوة بيا ,و احنا بنحب بعض وهو اول لما ظروفه تسمح هيحى يتقدملى ويخطبنى !!

خالص ماشى يا ستى انا مش هقولك كونى مريمية ولا خلى بالك من قلبك لا يسرقه منك وماتلاقيهوش تانى !!

هقولك بس قصه صحبتى اللى عرفت واحد وحبته وقالت انه متدين وبيحبها وقالها انه هيجى يخطبها وعرفت اهلها وبعد كده اختفى واخته قالتلها ده هيخطب وبعد كده رجعوا كلموها وقالولها لا احنا كنا بنهزر هو يقدر يخطب غيرك ؟

ومش هوصفلك مشاعرها وقتها لما هى تحب واحد وتروح وتيجى معاه من ورا اهلها وبعد كده يقولها هخطب غيرك وشويه كنت بهزر ,, بيتهيالى اى بنت تعرف تتخيل موقفها !!

المشكلة مش هنا على فكرة ,, اه والله مش هنا !

المشكله انها بعد كذا شهر اتخطبت لواحد تانى,, تمام ...

واول لما بدأت تعرف خاطبها ومن اول يوم شافته وهى مش بتعمل حاجه غير انها بتقارن بينه
وبين الشاب اللى كانت مرتبطه بيه

تشوف الاولانى احلى فى الشكل ولا خطيبها !!
وكل ما خطبها يعمل معاها حاجه تقعد تقارن بينهم وتقول يا ترى الاولانى احسن ولا التانى ؟

لدرجه انها وصلت لمرحله عايزة تفسخ الخطوبة لانها زى ما قالتلى بالضبط تعبت من كتر ما بتقارن بينهم لا هى هينفع ترجع للاولانى ولا هى مستريحه مع التانى !!

مع انه التانى كويس بس علشان هى عرفت قبله واحد فــمش قادره تركز معاه مش قادرة تبطل مقارنة !!

مش هقولك كونى مريمة بس هقولك كونى بنت مسلمة

يا حببتى لو ماحفظتيش على قلبك ومشاعرك ونفسك مفيش حد هيحافظ عليكى وانتى اكتر واحده عارفة مصلحتك فين مهما كان اهلك خايفين عليكى انتى اكتر واحده تقدرى تحمى نفسك بقربك من ربنا بتمسك بالقرآن بسنة نبينا صلى الله عليه وسلمك بفعلك للخير دايما
بعطفك على الايتام ,, بتبرعاتك للمحتاجين ,, اجعلى أخلاقك إسلاميـة على نهج فاطمة بنت محمد وخديجة بنت خويلد ,, خذى من آسيا إمرأه فرعون مثال ليكى حاربت مدعى الألهيه فرعون من أجل قصر فى الجنة ..

ألا يستحق قصر فى الجنة بعض النصب فى الدنيــا ,,,

اللهمـ احفظ قلوب بنات الإسلام واهدهنَّ لأفضل الأعمال وارزقهنَّ الحياء ,, اللهمـ آميــن ..
يووووه زهقتوني 307893_299506223404646_132597766762160_1020938_1803057057_n.jpg


منقول من صفحتنا علي الفيس بوك
أنا هكون يوسف وأنتي هتكوني مريم ومش هنحب إلا أزواجنا



5 
kenzyyy

اللهم احفظنا جميعااا


Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.