العودة   منتديات المصطبة > الأقسام الأدبية > منتدى الحب والرومانسية

منتدى الحب والرومانسية مواضيع الحب والرومانسية وكل ما يتعلق بالحب وأنواعه وأروع ما قيل فيه من كلمات

عشــانك انت !!

كاتب الموضوع: فريق العفة، فى قسم: منتدى الحب والرومانسية


1 
فريق العفة

انا عارفة ان الفتن حواليك من كل ناحية
وعارفة ان العفة بقت صعبة في الايام دي خصوصا مع انتشار كل المغريات دي اللي بنشوفها كل يوم
والله معاك حق ... بس تعرف اني فرحانة جدا ^_^
عشان اللي يصبر ويتقي الله ويغض بصره ويعف نفسه بيبقى حد مميز جدا وشخصيته قوية وارداته فولاذية
عارف يمكن لو نرجع كده بالزمن لمئات والاف الاف السنين يمكن كانت كل حاجة حوالينا تشجعنا على العفة ...
لكن دلوقتي الفتن في كل مكان .. في الشارع وفي الجامعة وفي التلفزيون وعلى النت ...
على فكره انا كمان زيك ..
كل زمايلي من حواليا مصاحبين ومأنتمين وبيسمعوا اغاني وانا لأ !!
كل البنات بيحطوا مكياج ويلبسوا كل حاجة هم عايزيها ويخرجوا مع الولاد وانا لأ !!
ساعات كتيرة بحس اني لوحدي وازهق ... بس لما افتكرك بفرح اوي بيني وبين نفسي انك زيي ... لحد دلوقتي نقي ... لحد دلوقتي صامد قدام كل المغريات دي ... لحد دلوقتي مضعفتش زي اللي بيضعفوا ...
عارفة انك حاسس انك لوحدك ... لكن صدقني انا معاك ومستنياك ومحافظة على نفسي عشانك ...

عارف ؟؟ ساعات لما كنت بسمع الحديث الشريف : "" طوبى للغرباء "" كنت بقول لنفسي ليه يعني للغرباء ؟؟
ليه مقالش للمؤمنين ؟؟ للمتقين ؟؟ للصالحين ؟؟
لكن بعدها عرفت قد ايه صعب ان الانسان يمشي عكس التيار ويبقى هو بس اللي ماشي صح وكل الناس ماشية غلط لدرجة انه بتيجي لحظات بيسأل نفسه معقولة انا وحدي اللي صح وسط كل الناس دي ؟؟ معقولة كلهم غلطانين ؟؟
عشان ربنا عارف كل حاجة بنفكر فيها وعارف الشعور اللي بيحسه الانسان في الموقف ده وقد ايه هو اختبار صعب ...
لكن زي ماقولتلك .. هو اختبار .. "" ليميز الله الخبيث من الطيب ""
والمكافأة ايه ؟ الجايزة ايه ؟
طوبى .. شجرة في الجنة ^_^
عارف ؟؟ حتى لو متقابلناش في الدنيا ..
مادام ماشين صح ... هنتقابل تحت ظل الشجرة دي اللي ربنا وعدنا بيها

منقول من صفحتنا علي الفيس بوك
أنا هكون يوسف وأنتي هتكوني مريم ومش هنحب إلا أزواجنا

عشــانك انت !! 392292_305373566151245_132597766762160_1035620_1621635971_n.jpg




4 
صفوه

جزاك الله كل خير


Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.