العودة   منتديات المصطبة > الأقسام العامة > منتدى النقاش الجاد

منتدى النقاش الجاد ناقش معنا بهدوء وبدون تعصب أشهر وأهم القضايا والمواضيع التى تشغل الجميع


1 
ثائر الا ربع



تعريف الفتره الإنتقاليه فى مصر

هى الفتره التى إنتقل فيها أكبر عدد من المواطنين المصريين الى الرفيق الأعلى
.
.
.
.
فى يوم شباب عندهم من 15إلى 19سنه ماتو ..اللهم إغفر لهم وارحمهم ....وأهلهم ربنا يصبرهم لهم الله سبحانه ...

وطبعا المجلس برئ والله أعلم بيقولوا ماتوا بسبب انهم قالوا

(يسقط حكم العسكر)



طبعا دا كدب محدش يصدق المجلس برئ ولو أدناه ايه دليلنا ..

معندناش دليل طبعا ...

بس عندنا حماة الأمن والأمان فى مصر تحملوا تأمين انتخابات مجلس الشعب والتى كانت تضم ملايين المواطنين ولم يتحملوا مسئولية تأمين مباراة بها 20000ألف مواطن ...نعم انهم البلطجه (سوبر مان) بيقتل 73واحد فى حوالى ساعة إلا ربع والبرلمان الموقر الاخوانجى بتاعنا كويس جدا وطالب الجنزورى باستقالة مدير الامن والمحافظ ...وفى عام 1997مات حوالى 37سائح تم رفد وزير الداخليه....


والمشير يقول امبارح الاحداث دى بتحصل فى كل حته والمذيع يقوله عدد القتلى73 يقوله متهولش هما 70بس
واهلهم هياخدوا التعويضات....طيب تعالى أقتل إبنك وأديك تعويض كدا شوف هتقولى ايه بس الراجل برئ طبعا !!


الشخص الوحيد اللى مش موءمن فى مصر بصراحه هو معالى الرئيس محمد حسنى مبارك..
أنا اسف ياريس انا اسف ياحبيبى شعب مصر مينفعش معاه غير كدا غير الضرب والسحل والاهانه عشان يمشى

كل لما حاجه تحصل نقول الكلمتين بتوع احنا شعب لازم ياخد فوق دماغه ...بالله عليكوا دماغكوا متعبتكوش م الضرب

فكروا فى ثقافة مجتمع اتمنهجت واتزرعت فينا واتعلمناها فى المدارس ومحتاجه تجديد سنين دا لو هتتكلموا كناس مثقفه ومتعلمه ....انما لو هتتكلموا كناس بتقول (هتجبها كدا...تجبها كدا... هيا كدا) يبقى انتظروا اننا نبقى نقاشين وسباكين بس...اقسم برب الكعبه ان واحد قالهالى من شهر (انت اساسا رخيص فى بلدك هتبقى ايه يعنى بره بلدك)


بس انا عن نفسى ما اقبلش ان حد يدينى فوق دماغى عشان امشى على مزاجه هو وحتى لو أخطئت فيه قانون او نظام اتحاكم بيه والمعادله 1+1=2

ابتدوا القتل بحركة كفايه حين طالبوا باسقاطهم ثم 6ابريل ثم ائتلاف الثوار ثم رجالة التحرير واخيراً الالتراس أهلاوى


واللى مش عارف يعنى ايه أولتراس أهلاوي أعرفه :

يعنى لما تبقى فى مظاهرة وتنضرب بالرصاص أو بالمولوتوف أو بأى حاجه وتترمى عالارض تلاقى واحد فى قمة الرجوله بيجرى وسط النار والضرب دا كله عشان يسعفك أو ياخدك للمستشفى

عاشوا رجاله وماتوا رجاله الله يغفرلهم ويرحمهم ويصبر كل أم بتبكى على ابنها دلوقتى





2 
عبق التوليب

فى يوم شباب عندهم من 15إلى 19سنه ماتو ..اللهم إغفر لهم وارحمهم ....وأهلهم ربنا يصبرهم لهم الله سبحانه ...
آمين يارب
أنا موفقاك فى معظم كلامك
كان عندنا شوية امل من ناحية مجلس الشعب
بس للأسف طلعوا ولا ليهم لازمة أساساً
ما فيش حاجة اتعملت لحد دلوقتى كله بيتكلم وخلاص


 من مواضيع عبق التوليب

3 
kenzyyy

اصبروا وبنا يستر

4 
dodye7sas

بصراحة البلد خربت ودم الناس الى ماتت دى
عمر ما واحد هياخد حقهم غير ربنا سبحانة وتعالى
كلة اعد فى بيتة مستنى الهيلمان دا يخلص
الى اقدر اقولة حسبن الله ونعم الوكيل



Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.