العودة   منتديات المصطبة > الأقسام العامة > منتدى النقاش الجاد

منتدى النقاش الجاد ناقش معنا بهدوء وبدون تعصب أشهر وأهم القضايا والمواضيع التى تشغل الجميع

وقفة راجل بجد ؟؟؟

كاتب الموضوع: غــنـــــوه حزيــــــــنه، فى قسم: منتدى النقاش الجاد


1 
غــنـــــوه حزيــــــــنه

السلام عليكم ورحمة الله وبركاته

اذيكم يا شباب ويابنات عاملين ايه ان شاء الله كلكم تمام

ممكن سؤال بسيط كده على الماشى

ايه اخبار الحته الفى الجنب الشمال عامله ايه معاك تعباك ولا مريحاك؟

هاحلكم موقف بسال واحد مره نفس السؤال ده

فقالى ياعنى ايه؟

قلت له قلبك عامل ايه ايه اخبار؟

قالى شغال

قلت له متاكد

قالى اه والله شغال امال انا بكلمك ازاى ؟

قلت له بالله عليك شغال كويس ؟

قالى اه

وبعدين سكت كده وقالى اه فهمتك لا مش شغال

بااااااااااااااااايظ

طب بالله عليكم يا شباب قلبكم عامل ايه شغال ولا بايظ ولا بيركن منك

لا بجد ما تكسفش وما تضحكش على نفسك هل فعلا قلبك شغال ولا محتاج صيانه

طب لو شغال ايه هو مقياس الشغل عندك انه بينبض انه بيحب انه بيحس

ولا ليك مقياس تانى

طب لو قلت لك ممكن تاخد المقياس ده وتقيسه بيه وتشوف ايه اخباره

مقياس حب الله والاستمتاع بطاعته

هتكون ايه النتيجه

هل انت فعلا بتحب ربنا بجد هل انت بتستمتع بالصلاه وبالقران ؟؟

فاكر رمضان ؟ فاكر انت كنت عامل ايه فى رمضان ؟ طب لو انت كنت من اللاعتكفوا العشر الاواخر فاكرهم كويس فاكر ايه العهد الانت اخدته مع ربنا؟



طب بالله عليك ما نفسكش ترجع زى ايام رمضان وتجرب تانى الايمانيات

طب بالله عليك ما زهقتش ونفسك تغير

ياريت يا شباب بعد الكلام ده نفكر بس مع نفسنا دقيقه ونشوف احنا نفسنا نكون ازاى؟ ونغير وضعنا ازاى؟

هاحكلكم موقف وبعدين ايه حكاية المواقف معاك ارغى ...
فى اخ عمل فرح اسلامى بس بجد كان فرح اسلامى جميل فبيسئلوه انت عملت الفرح ليه كده؟

قال لهم ان اتخيلت انى عملت دعوه وبعتها للرسول صلى الله عليه وسلم وانه واقف يجى الفرح فقلت لازم اعمل اللحاجه اللرسول لو شافها تعجبه والحاجه المتعجبوش مش هاعملها عشان كده الفرح طلع زى ما انتم شايفين

طب ايه الفايده من الحكايه دى الفايده انه بجد حاول تتخيل ان الرسول شايفك وانه ممكن يقابلك هل حالك هيرضيه ؟ هل لما هتشوفوا هتكسف منه ولا هتجرى عليه؟

ياريت نقف مع نفسنا وقفه بجد وقفة رجاله فعلا

الكلام ده برضه للاخوات

يارب يكون الرساله وصلت وما يكونش الكلام تقيل عليكم

انا اسفه لو كنت طولت او حاجه ؟؟




2 
ملكة بكبريائى

احييكى ياندوش على التوبيك الفظيييييييييع اوى دا جزالكى الله الف خير
بصى انا هتكلم معاكى بصراحه انا سعات بكون راضيه عن نفسى وسعات لأ
بس انا بصلى بانتظام والحمد لله دلوقتى ومش بسيب فرض الحمد لله وبقرأ قرءان كل فترة يعنى كل اسبوع او كام يوم
اة سعات الصله بتكون سريعه وسعات سرحان وسعات وسعات كلا من لا يسهو طبعا

بصى مش عارفه بس مش متخيله انى مذنبه بردوا يعنى انا بعمرى دا مش اعتقد انى ازيت حد او جرحت حد او حد زعلان منى يعنى او عملت كبيرة او كفر فممكن يكون قلبى مرتاح الى حد ما لانى لما مش كنت بصلى كان قلبى مش مرتاح ابدا
وكمان لما كل يوم تكلمى ربنا وتفضفى معاة اعتقد ان بكدا ربنا موجود فى قلبك وعمرك منستيه انا كدا بكلم ربنا كل يوم فمرتاحه يعىن لو سيدنا محمد شايفنى اكيد هيزعل منى ومش هيرضيه حاجات كثيرة طبعا بس برداو هترضيه حاجات كثيرة
يعىنى بين البنين كدا


4 
غــنـــــوه حزيــــــــنه

شكرا لمروركم على موضوعي



أدوات الموضوع
انواع عرض الموضوع


مواضيع متشابهة مع: وقفة راجل بجد ؟؟؟
تحميل مسلسل راجل وست ستات الجزء الثامن الحلقة الأخيرة - مشاهدة الحلقة الاخيره من مسلسل راجل وست ستات 8 يوتيوب من قسم مسلسلات عربية وأجنبية
تحميل مسلسل راجل وست ستات الجزء الثامن الحلقة 24 - مشاهدة الحلقة الرابعة والعشرون من مسلسل راجل وست ستات 8 يوتيوب من قسم مسلسلات عربية وأجنبية
تحميل مسلسل راجل وست ستات الجزء الثامن الحلقة 23 - مشاهدة الحلقة الثالثة والعشرون من مسلسل راجل وست ستات 8 يوتيوب من قسم مسلسلات عربية وأجنبية
تحميل مسلسل راجل وست ستات الجزء الثامن الحلقة 22 - مشاهدة الحلقة الثانية والعشرون من مسلسل راجل وست ستات 8 يوتيوب من قسم مسلسلات عربية وأجنبية
تحميل مسلسل راجل وست ستات الجزء الثامن الحلقة 21 - مشاهدة الحلقة الحادية والعشرون من مسلسل راجل وست ستات 8 يوتيوب من قسم مسلسلات عربية وأجنبية

الساعة الآن 07:27 PM.


Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.