العودة   منتديات المصطبة > الأقسام العامة > منتدى النقاش الجاد

منتدى النقاش الجاد ناقش معنا بهدوء وبدون تعصب أشهر وأهم القضايا والمواضيع التى تشغل الجميع

شهادة باطل المجلس حمى الثورة

كاتب الموضوع: ثائر الا ربع، فى قسم: منتدى النقاش الجاد


1 
ثائر الا ربع

كيف حمى المجلس العسكرى الثورة ...ومن يموت هم الثوار...

سـؤال واحد بس......(اشمعنا شباب الثورة بس اللى بيموتوا)

اشمعنا اللى بيموت حركة المصريين الاحرار والألتراس وكفايه و6ابريل وائتلافات الثورة وشبابها

ليه مبسمعش عن حد بيقول انا
(أســف ياريس مبارك) بيموت ليه كل اللى بيموتوا ضد مبارك وضد نظام المجلس مع انهم اخرهم هتافات بس ليه حياة الناس دى رخيصه اوى..دمنا بقى رخيص ليه !!


مين حماة الأمن والأمان فى مصر؟؟...
من الذين يتقاضون راتب شهرى وسنوى بالملايين من اجل حماية هذا الشعب والنهوض بمصر ؟؟


من الذى حمى انتخابات مجلس الشعب وهى بالملايين ولم يحمى 20الف فى استاد وطوال سنه كامله لم يحمى 1500واحد اتقتلوا من يوم ما مسك الحكم


ولو هنفترض ان اللى بيثوروا دول بيموت غيرهم من الداخلية والامن المركزى دا سبب انه يتقتل ولو أخطأ وحدف طوبه ميكونش المقابل رصاصه او خرطوش يفخت عينه وهو بخوذته وعصايته فاكر انهم أهم من حياته وحياة الثوار دول
وان راح واحد منهم بيروح قصاده 100من الثوار

لجنة تقصى حقائق ايه وتعويضات إيه.....اهالى اللى ماتوا مش عايزين فلوس عايزين قصاص يشفى غليلهم واتعملت قبل كدا لجان فى احداث محمد محمود وبتطلع بنتيجة انه الطرف التالت المسئول سنه كامله ومش عارفين مين هو الطرف التالت

الطرف التالت دا من مصلحته أن البلد تعطل والثوار يموتوا والناس تجوع فيتلهو فى الاكل وينسوا المحاكمات بتاع حبايبه اللى فى طره.... بس بقوله متقلقش الرزق بايد ربنا ومفيش جعان مبيلقيش ياكل وخصوصا فى مصر

اتفق تماما مع مبادئ الثورة لانى اعقل الامور بفكرى واتخذ قرار برأيى..والثورة اتوجدت عشان مصر تتطهر من بقايا النظام السابق...النائب العام من النظام السابق مجلس الوزراء فيه ناس من النظام السابق مجلس العار حضر النظام السابق


هو أنا اتهبلت ولا ايه إزاى عايز اخلى المجلس العسكرى يسلم السلطه لمدنيين انا عايز مصر تولع ونموت كلنا....لا ما المجلس اتوعد بتسليمها فى كام ميعاد قبل كدا وفالاول كان ناوى يسلمها فى شهر4اللى فات طب ما يسلمها للى كان عايز يسلمهالوا وقتها مع انها تختلف دلوقتى بقى عنده حلول تانيه


ذنبنا ايه ان تنتهى حياة حد فينا بدون سبب كدا ذنبنا ايه ان ناس فوق 60سنه عايشه بتخطط لمستقبلها واللى فى العشرينات بيوصى أهله ميزعلوش عليه لما يموت

اوعى تصدق ان الناس اللى بتموت دى بلطجيه أو قابضين او بيحاولوا زعزعة الإستقرار....والله مافى بلطجى بيقف لمولوتوف ولا رصاص عشان يصيبه ولا فى قابض بيقف فى وسط قنابل مسيله للدموع لحد ما يغمى عليه ولا يستنى حد يضربه بخرطوش على دماغه
مفيش بلطجى بيروح للموت برجليه


شئ من الخجل أما يبقى سفك دماء المصريين علناً قدام العالم كله...واصبح المصرى يستحل دمه فى أى مكان بره بلده وجواها....






أدوات الموضوع
انواع عرض الموضوع


مواضيع متشابهة مع: شهادة باطل المجلس حمى الثورة
بالفيديو قنبلة أقوى فيلم قصير عن مصر بعد الثورة يظهر الخيانة بعد تسليمها للخونه المجلس العسكرى 2012 ؟ من قسم أخبار مصر Egypt News
مؤتمر “نصرة الثورة”: العسكري أصدر شهادة وفاة الثورة في 24 مارس.. والأحداث أثبتت خطأ مقولة الجيش والشعب يد واحدة من قسم أخبار مصر Egypt News
أنباء عن نقل صلاحيات المجلس العسكري لرئيس المحكمة الدستورية العليا أو رئيس المجلس الأعلي للقضاء من قسم أخبار مصر Egypt News
محمد صبحي تخلى المجلس العسكرى عن تأمين الثورة الثانية كارثة من قسم أخبار الفن والمشاهير
كم كلمة حق يراد بها باطل اليوم بقلم هدى المنصوري من قسم أخبار مصر Egypt News

الساعة الآن 09:05 PM.


Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.