العودة   منتديات المصطبة > الأقسام الأدبية > منتدى الشعر والخواطر

منتدى الشعر والخواطر للأشعار والخواطر المكتوبة "للحـَرفِ توهّـجْ.. مـَراياَ للصـُدورْ تـُرجُمـَان للمشاعـِر"


1 
عاشق فن إرتواء العقل

معجب أه لكن مش هقول تانى

معجب أه لكن مش هقول تانى / بقلم : عاشق فن إرتواء العقل ط§ظ„ط­ط¨ ظ…ظ† ط§ظˆ  ظ„ ظ†ط¸ط±ط©.jpg

معجب أه ومش هنكر
وهنكر ليه وأنا فعلا معجب بيكى
وقولت كتير ومفهمتيش
وده مش ذنبى أنك مبتفهميش
وأنا قولت كتير ومش هقول تانى
أنى معجب أه لكن مش هقول من تانى
وهستناها منك تقولهالى
ولو بطريقة مش مفهومة
وأنا هفهم علشان عايز أفهم
لأنى نفسى أسمعها منك
وده الفرق اللى بينى وبينك
ولو كنتى مستنياها منى
كان زمانك فهمانى وحسانى من زمان
لكن خلاص الماضى مبيرجعش من تانى
والمستقبل أهو قدامنا
يا نعيشه سوا
يا تعيشى طول عمرك مش فهمانى
بس أنا مش هقولها تانى
ولو قولتها هقولها فى أحلامى
وأبقى قابلينى لو أتقابلنا تانى فى أحلامى
ومن تانى بقولها وبأعلى صوت
أنا بجد معجب بيكى
أه معجب وهنكر ليه
لكن مش هقولها من تانى
الفرصة لسه قدامك أنك تفهمينى
وأنا هستناكى لغاية ما أحس أن بجد مفيش فايدة منك
وده مش هيكون عيب فيكى
لكن ده معناه أنك مش من نصيبى
وبجد ولأخر مرة أنا معجب بيكى

بقلم : عاشق فن إرتواء العقل
خالد نور الدين


6 فبراير 2012





Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.