العودة   منتديات المصطبة > الأقسام الأدبية > منتدى الحب والرومانسية

منتدى الحب والرومانسية مواضيع الحب والرومانسية وكل ما يتعلق بالحب وأنواعه وأروع ما قيل فيه من كلمات

صاحبك ولا حبيبك ؟

كاتب الموضوع: Mofeed، فى قسم: منتدى الحب والرومانسية


1 
Mofeed




صاحبك و اللا حبيبك؟؟





عمرك اتحطيت في الموقف ده قبل كدة؟ تخيل كدة ان حبيبك جيه قالك في مرة( يا انا يا صاحبك في حياتك) هتعمل ايه؟؟؟؟؟؟


طبعا انا مش بتكلم هنا على واحد بتشوفه في الجامعة و اللا في النادي و بينكم سلامو عليكم و عليكم السلام و كلمتين و اقلب


يكش يولع و اللا يغور في داهيه حبيبي طبعا 00 لأ ده اصلا مش صاحب ده مجرد زميل 00 انا بتكلم على صاحبك00صديق عمرك00صاحبك الأنتيم 000 تعرفوا بعض بقالكم سنييييييين ع الحلوة و ع المرة سوا 00نصك التاني 00 صاحبك جدا جدا جدا


بينكم ذكريات جميله أوي مع بعض و خروجات وهزار و خناقات و مواقف مش هتنساها في عمرك كله00


صاحبك اللي الناس بيحسدوك عليه و يقولولك انا عمري ما شفت اتنين اصحاب بيحبوا بعض كدة و الله بجد ايه ده انتوا فظاع و لايقين على بعض اوي 00تقوم انت تخمس في وشه و تقول (قل اعوذ برب الخلق) قول ما شاء الله 000 يمه


و بعدين تقوم قايل تسؤ بس 00000000


بس التاني ده حبيبي 00حبيبي00 عارف يعني ايه حبيبي ؟؟؟؟؟


يعني أرق كلمة00 و أطيب قلب00 و أجمل وقت انا بعيشه


يعني اللي الدنيا دي كلها ما تسواش حاجة قصاد حضنه الحنين اللي بينسيني هموم الدنيا كلها00حبيبي اللي لازم اسمع صوته قبل ما انام و انام احلم بيه و اصحى اتصل بيه و اقوله وحشتني 00ده انا ابيع الدنيا كلها علشانه 00


(هو ده حبيبك و هو ده صاحبك)


طيب تخيل كدة الموقف ده معايا


ناس دخلوا بينك انت و صاحبك و حبيبك00 نقلوا كلام على لسان ده لده و من لسان ده لده


و حبيبك عرف 00 اتنرفز طبعا و كلمك و قالك شفت صاحبك يا امور عمل ايه مش هو ده صاحبك اللي بتقول عيه سرك اهو راح قال و عاد و سوا


و نعم الصحوبيه و الله00 انت بيتلعب من ورا ظهرك و انت و لا دريان بحاجة 00 (مع العلم انك عارف ان صاحبك مظلوم بس لسه ما تعرفش مين السبب ف اللي بيحصل ده)


و يقول بص م الآخر يا انا يا صاحبك في حياتك


هااااااا ممكن ساعتها تعمل ايه؟ و انت مقهور من الكلام اللي بيقولوا حبيبك على صاحبك و هو مظلوم و انت ما تقبلش عليه و لا كلمة


تقوم انت زي الأمور و الجلاله واخداك كدة ترد عليه بكل حماسه و تقوله و انت متنرفز 00( نعم00 انت اتجننت ؟؟ 00 يا ابني انت عارف ان الدنيا دي كلها كوم و صاحبي ده كوم تاني خالص 00 انت ازاي تقول كدة و انت عارف ردي كويس أوي 00ده صاحبي يا ابني00 صاحبي 00 هه قال يا انا يا صاحبك قال00 00و تمصمص بشفايفك!!!!)


يقوم هو ياخد كلامك اللي زي الدبش ده و يتصدم و يقولك (خلاص خلاص انا فهمت 00 ماشي 00ياريت ترجع بحياتك قبل اللحظة اللي قولتلك فيها بحبك 00 و نبقى صحاب زي ما كنا 00 مع السلامه)00


تقوم انت تقول باي و ترزع السماعة بسرعة و انت متنرفز


و تفضل ساكت ساكت ساكت000ححححححح


يالهوي ايه اللي انا عملته ده 00 انا اتجننت و اللا ايه؟؟ يا ربي امتى هتقص لساني ده 00الناس كلها ليها يا اما لسان يا اما نص لسان انا ليه 0014 ليه؟؟؟؟ ليه الكرم الزياده ده؟؟؟؟؟ استغفر الله العظيم يارب000 انا دماغي راحت فين 00 يادي النيله عليا و على اليوم اللي إديت لل 13 لسان ياخدوا وضعهم في بقي00


أفففففففففففففففففففففففف


تقوم تتصل بصاحبك و تحكيله (انا عملت كذاو كذا و كذا) يقوم صاحبك يلومك و يقولك ماكنش ليه لازمه اللي انت قولته ده ايه الرد ده انت ايه؟؟ 00لسانك ده ايه؟؟


و يبدأ صاحبك يحس بالذنب و ان هو السبب ف اللي حصلك ده 00 **وبعدين تعرف مين اللي عمل كل ده و تتأكد ان صاحبك فعلا مظلوم


و تفضل تفكر فاللي حصل و تعرف ان الرد اللي كان المفروض يترد هو 00 اولا تتكلم بهدوء خالص و تقوله00( انت عارف اني مقدرش أعيش من غيرك 00 بس زي ما انت حبيبي هو صاحبي 00و لو بيعته النهارده حاييجي بكرة و ابيعك 00 صاحبي مظلوم و انا شكة في ناس و لما اتأكد هعرفك ان هو فعلا مظلوم 00 و لو هو اللي عمل كدة انا هبعد عنه من غير ما تخيرني بينك و بينه 00 انت عارف انت قد ايه غالي عندي انا فعلا حياتي عمر ما هيبقى ليها معنى من غيرك اديني فرصة اعرف مين اللي عمل كدة 00 علشان زي ما انا عايزاك انا برده عايزه0000)

و الكلام ده يتقال بشويه حسوكة و شويه تنهيدات في النص تعمل شغل عالي أوي


هو ده الرد اللي يترد مش سوري يعني التخلف اللي حصل في الأول ده00


بس بعد ايه؟؟؟؟!!!!!


لو انت عملت زي ما حصل في الأول لما ترجع تكلمه و تقوله ده طلع كذا و كذا هما اللي عمله كدة 00 و انا كنت متأكدة ان صاحبي مظلوم 00و0000 و000000


جايز جدا يقولك (ماشي 00بس في حاجات ماتتنسيش بكلمة انا آسف00 اللي انت عملته و قولته ما كنش قليل 00و انا عمري أبدا ما تخيلت انه ممكن يطلع منك)

و الموضوع اللي بينكم ممكن جدا يخلص بسبب حاجتين


1- غباءك


2- طولة لسانك

و معلش هو حايبقى عنده حق في رد فعله ده


انت اللي عملته مش قليل انت حسسته ان ممكن تتهز مكانته في قلبك في أي لحظة و انك ممكن تبيعه عشان أي حد




و ان هو مش اغلى حد في حياتك زي ما انت كنت بتقوله


فياااااااااااااريييييييييت ياريييييييييت



كل اللي عايز أوصله من كل الرغي ده كام حاجة كدة


فكر كويس قبل ما تطلع الكلمة من بقك و خصوصا وانت متنرفز00


و برده اوعى تستغنى عن صاحبك مهما كانت الظروف لان الصديق ده بنلاقيه مرة واحدة في العمر و لايمكن حانقدر نعوضه تاني00


بس برده حبيبك ده مش من السهل خالص تلاقي زيه تاني 00حافظ على حبيبك أوي لان انت ممكن تطلع منك كلمه تكون صغيرة في نظرك و ممكن تكون كبيره أوي عنده و بالنسباله النهايه 00


ما ينفعش نستهون بحبايبنا و الله احنا لازم نحس انها نعمة كبيرة أوي من عند ربنا ان يكون ليك واحد بيحبك و انت بتحبه


بص لناس غيرك كتير بيتمنوا لحظة من اللي انت بتعيشها مع حبيبك 00منهم اللي حب و ماطالش و منهم اللي بيحب من طرف واحد و منهم اللي واخد استماره 6 و حالتهم أسى00


صاحبك ولا حبيبك ؟ 76.gif




3 
dr.beaut

هو يمكن سؤال صعب بس انا مش ليا صديقه للدرجة دى ولا ليا حبيب غير عائلتى واكيد لو قالوا لى يااحنا ياصديقتك هقول هم طبعا لانهم كل حاجة فى حياتى اما بالنسبة للحبيب لو حصل وقال كدة فلازم افهمه انى فعلا بما انى اتنازلت عن صديقتى يبقى ممكن اتنازل عنه فى اى وقت وانصحه انه مش يامن منى خالص لانى اكيد اكيد هبيعه
واصلا مش فى وجه مقارنة بين حبيبى وصديقتى من الاول ومش ينفع حد فيهم يحط نفسه مكان التانى
سورى ع الاطالة
بس ده رايى


4 
ĦàmŠ ăĺ2māЯ

سؤال صعب جداااااااا

يمكن يكون رأيي مختلف شويه

لو حبيبى ده متأكده انه هيكمل معايا حياتى
أكييييد مش هسيبه
مع ان الصاحب ميتعوضش
بس انا كمان مليش صاحبه مخلصه لحد دلوقتى
بس ليا حبيب مخلص
........................................
ميرسى على الموضوع
بجد تسلم ايديك ياأحمد


.....



Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.