العودة   منتديات المصطبة > الأقسام العامة > منتدى النقاش الجاد

منتدى النقاش الجاد ناقش معنا بهدوء وبدون تعصب أشهر وأهم القضايا والمواضيع التى تشغل الجميع


1 
The Mechanic

السلام عليكم ورحمة الله وبركاته

اليوم أردت ان أبدأ معكم هذا الحوار الهادف باذن الله تعالي
عن المكاسب الحقيقية للثورة


وسيكون الموضوع في صورة سلسلة من الحلقات او المواضيع التي تتناول كل مكسب علي حده
واليوم أحببت ان أبدأ
بالمكسب الاوسع والاكثر انتشارا
المكسب الذي يلمسه الكل بكل حواسه
الا وهو :

الكلام في السياسة ..!!

كثير جدا في هذه الاحيان ما نجبر علي التوقف قليلا او كثير مع كلمات ما لشخص ما
قد يكون صديق او رجل عابر في وسيلة مواصلات
او صديق لصديق استوقفنا الكلام في السياسة لنسرق خمساية في جنب الشارع كل واحد يقول رأيه في اللي بيحصل
او حتي ع النت في مواضيعنا في ردودنا ومشاركتنا في كومنتاتنا والاهم متابعتنا للاحداث

في رأيي الشخصي
قد يكون هذا هو المكسب الاول والاهم والانطلاقة الحقيقية لجني ثمار الثورة ومكاسبها

الكلام في السياسة ..!!

في ناس للاسف حتي الان بترفض الكلام في السياسة بدوافع ما
ربنا يعني واذكر معظمها في حوار تخيلي :

1- ( س ) بيكلمني بيقولي : ان احنا بقينا نتكلم كتير اوي واللي يفهم واللي ميفهمش بيتكلم ..؟؟

وكان ردي :

من امتي احنا مش بنتكلم ؟؟
حتي سؤالك ليا او اعتراضك عن الكلام في حد ذاته هو كلام ومش اي كلام دا كلام في السياسة
السياسة تعني الاسلوب او الطريقة في احد معانيها
والمقصود بيها غالبا اسلوب حياتنا وفكرنا والاسلوب اللي بتتبعه الدولة في التعامل مع مواردها وشعبها والدول الاخري .........الخ
يعني السياسة هو تعاملنا مع الدولة ( الحكومة ) وتعاملها معانا
والكلام في حد ذاته في هو حق للجميع وكدا كدا الناس كلها كانت بتتكلم قبل الثورة
بس كان الكلام في الرياضة او كرة القدم كان في الافلام والسنيما والغيبة والنميمة عادة
كان الكلام تقريبا اغلبه مش مفيد او مش مثمر
لا بينمي ثقافة ولا بينم علي وعي او حضارة
انما دلوقتي كلنا بنتكلم في حاجة مفيدة حاجة اساسية وهي حياتنا
اي نعم السياسة هي حياتنا
وحتي لا اطيل في ردي اقول لحضرتك باختصار
انك لما بتتكلم في السياسة حتي لو مش فاهم دا معناه ان حضرتك مهتم ومعني بشئونك وشئون محبيك وشئون بلدك كلها

2- ( س ) بيسأل تاني : احنا بتوع كلام بس وكدا كدا الكلام في السياسة لا هيقدم ولا هيأخر ؟؟

الرد :
حضرتك لما بتتكلم في السياسة معناه انك بتكلم طرف اخر
سواء كان وعيك السياسي اكثر منه او اقل
لكن انت بتكلم طرف اخر غالبا وغالبا ما بيكونوا اطراف
وكلامنا في السياسة بيزود قناعتنا الداخلية بحقوقنا وواجبتنا
بيقوي ايمانا ان في حلول
بيزود املنا ان في يوم جاي اكيد حال البلد فيه هينصلح حتي لو وبعد 10000 سنة
حتي لو حضرتك شايف السلبيات بس
فرؤية السلبيات نفسها وحسن تشخيصا دا ميزة
او هو بالادق اول خطوة لعالجها والخطوة التالية هي الفعل
اذن فالكلام هو البداية دائما
لانه لا كلام دون تفكير .. وان كان دون تفكير فالمتكلم مجنون رسمي الكلام في السياسية ..  ( مكاسب الثورة الحقيقية حتي الان ) s04.gif

3- ( س ) : طيب واللي بيقولوا ان في زمن هيكثر فيه الناس التافهين اللي هما الرويبضة الذين ذكرهم رسولنا الكريم في حديثه الشريف
؛(( الرويبضة : هو التافه يتحدث في امور العامة ))

الرد :
جميل جدا جدا
خلينا نبدأ نعرف معني كلمة تافه
التافه في اللغة العربية تعني الشيء معدوم القيمة او الحقير او الدنيء
سليم كدا ؟
طيب تعالي نشوف كام واحد تافه انت تعرفهم ؟؟
كام واحد تافه ( سوري ع اللفظ ) في عيلتك ؟؟؟
كام جار ليك وكام قريب تافه ؟؟؟؟؟؟

زي ما قلنا في معني كلمة تافه
يعني لو جينا نطبقها علي الاشخاص وليس الاشياء هنلاقي ان التافه دا واحد مش شغال اساسا ولو شغال هيكون شغله بدون قيمة (( ملهوش اي تلاتين لزمة يعني ))
التافه دا هيكون الشخص اللي ملهوش رسالة او ارادة او هدف
صح كدا ؟؟
تمام طيب تعالي بقي نطبق الكلام علي الواقع
انا كشاب مش تافه بالمرة ليه ؟؟
لاني عايز علي الاقل عايز اخلص دراستي واشتغل عشان ربنا يكرمني واتجوز بنت الحلال
واخلف منها عيلين كدا يملوا عليا البيت ......الخ
تفتكر لو كان بس كل تفكيري .. انا كدا تافه فعلا ؟؟؟
لا والف مليون مليار لا
مجرد ان الانسان دا عايز يشيل مسئولية زوجة وتربية اطفال وتأدية رسالة في الحياة .. دا في حد ذاته شيء قيم جدا جدا
ومش عايز اقولك كمان انه لما بيقول اتجوز واخلف دا معناه انه بشكل من الاشكال بيحافظ علي الجنس البشري بيقوي وبيدعم سلالته البشرية ..!!
طيب والراجل الكبير يا عيني المطحون في الشغل اللي عايش عشان لقمة العيش بس
دا تافه؟؟؟؟؟؟؟؟؟؟؟؟؟؟
والله يبقي حرام بجد لو حد فكر كدا
كفاية همومه ومسئولياته
طيب مين هو التافه بقي ..؟؟
التافه دا اللي عايز يعيش وخلاص بدون هدف وبدون غاية
او اللي بيكون عنده هدف زائف (( ملهوش اي تلاتين لزمة ))

ــــــــــ*ـــــــــــــــ*ــــــــــــــــ*ــــــ ـــــــــــ*ـــــــــــــــ*ـــــــــــ

هكتفي بالجزء دا النهاردا
واسف لو استخدمت العامية او طولت زيادة عن اللزوم


ملحوظة اخيرة هامة :
قمت بوضع الموضوع في هذا القسم قاصدا ذلك
حتي اجد باذن الله نقاش واراء الجميع وتساؤلاتهم ان وجدت

فابنتظارها
والسلام عليكم ورحمة الله وبركاته

الكلام في السياسية ..  ( مكاسب الثورة الحقيقية حتي الان ) s07.gif




2 
ثائر الا ربع

موضوعك

فكرنى بقصة واحد مصرى كان فى برنامج فامريكا وبيعملوا مناظره بينه وبين امريكى

بيقول للامريكى طموحك ايه قاله...(أطلع القمر..واخترع اختراع اتشهر بيه)

بص للمصرى وقاله طموحك ايه قاله(شغل وزوجه ومسكن واعيش مرتاح)

اعترض الامريكى وقاله دا مش طموح دى الحياة العاديه اللى عايشها كل كائن حى

شوفت فرق الطموح وبلاش اتنرفز واشتم فى المجلس العسكرى والمخلوع
.................................................. ..

بس عندى ملاحظه انك حولتنى وانا بقرأ الموضوع

من السياسه إلى المجتمع بمعنى إنك اتكلمت فى السياسه الاول ومكاسب الثورة

وجيت أشوف فى موضوعك مكاسب الثورة لقيتها بخصوص مكسب واحد بس

(انها خلت عندنا حرية رأى ومشاركه فى بلدنا) وبعدين للمجتمع لشخصية (التافه)

لا اعيب والله ولكن الملاحظه دى لفتت انتباهى كقارئ

موضوعك حلو تسلم شكرا


3 
The Mechanic

اولا : وجودك وردك شرف ليا .. شكرا ليك
ثانيا بقي : بالنسبة للموضوع ولرد حضرتك
قصة المواطنين المصري والامريكي دا للاسف وضع طبيعي
بكل بساطة اقدر اقولك : من حق من لايملك الحياة (( او اساسيات الحياة )) ان يحلم بها ..!!
انا في الموضوع حاولت بشكل كبير جدا والحمد لله اعتقد اني نجحت في اني افصل بين رأيي السياسي او الشخصي يعني في السياسة وبين اللي انا عايز اوصله
وكملحوظة انا قلت في بداية الموضوع ان دي مجرد بداية
نقطة واحدة يعني
ودا مكسب حقيقي وواقعي جدا وصراحة مكنش حد يحلم بيه
ان شاء الله باقي المكاسب جاي واحد ورا التاني
وبالنسبة للسياسة والمجتمع فزي ما قلت بردو اعتقد انهم واحد
لان اللي بيحصل في واحد بيأثر علي التاني والعكس صحيح بردو
بمعني الناس دلوقتي نادرا لما تلاقي واحد معندهوش وعي سياسي ولو حتي بسيط
وكلمة وعي اقصد بيها انه يكون مكون رأي خاص بيه في اللي بيحصل حواليه وبيتاع اول بأول
ودا كان شيء نادر الوجود من سنة ونص تقريبا

ومن ناحية تاني دي كانت بداية الموضوع :
السلام عليكم ورحمة الله وبركاته

اليوم أردت ان أبدأ معكم هذا الحوار الهادف باذن الله تعالي
عن المكاسب الحقيقية للثورة
وسيكون الموضوع في صورة سلسلة من الحلقات او المواضيع التي تتناول كل مكسب علي حده
واليوم أحببت ان أبدأ
بالمكسب الاوسع والاكثر انتشارا
المكسب الذي يلمسه الكل بكل حواسه
الا وهو :

الكلام في السياسة ..!!


شكرا جدا لرأيك وردك
نورتني




أدوات الموضوع
انواع عرض الموضوع


مواضيع متشابهة مع: الكلام في السياسية .. ( مكاسب الثورة الحقيقية حتي الان )
بالفيديو.. وائل جمال: (العسكري) أكبر مثير للشائعات منذ اندلاع الثورة.. والخراب الاقتصادي سبب الثورة وليس العكس من قسم أخبار مصر Egypt News
نص قانون المجلس العسكري عن افساد الحياة السياسية اليوم الاثنين 21/11/2011,شاهد نص قانون المجلس العسكري عن افساد الحياة السياسية الاثنين 21 نوفمبر من قسم أخبار مصر Egypt News
مكاسب 9\9 اي مصري لازم يدخل او ان شالله امريكي من قسم الترحيب والتهانى
فشل القوى السياسية بـ"التحرير" فى الاتفاق على مطالب الثورة من قسم أخبار مصر Egypt News
شاهد صورة شهيد الثورة المصرية صاحب الوجة المبتسم والذى لم يعرفة احد حتى الان من قسم أخبار مصر Egypt News

الساعة الآن 08:06 PM.


Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.