العودة   منتديات المصطبة > الأقسام الأدبية > منتدى الشعر والخواطر

منتدى الشعر والخواطر للأشعار والخواطر المكتوبة "للحـَرفِ توهّـجْ.. مـَراياَ للصـُدورْ تـُرجُمـَان للمشاعـِر"

بحبك ياامى

كاتب الموضوع: Hayaty agmal ma feeha، فى قسم: منتدى الشعر والخواطر


1 
Hayaty agmal ma feeha


اسألي دمي
وسعادتي وهمي
اسألي التوفيق
والقدر والضيق
اسألي الدعاء اللي في صلاتي
والدموع اللي في سجودي
اسألي دمي
عن حبك يا أمي




في الطفولة علمتيني قبل ما أنطق بالكلام
وفي شبابي بترعيني لما بسهر ولا أنام
صدقيني يا ضي عيني حبك أنت مش كلام
يبتدي في لحظة ميلادي شمعة تضوي في الظلام


ست الحبايب والحنان أنتي يا أمي
لو كنت صغير ولا كبير تتبطبي وتضمي
تفرحي لفرحي وفي الشدة بتحملي همي
ساكنة في قلبي وأسمك بيجري في دمي


لما أزعل بترضيني
لما امرض بتدويني
أمي أنت في نن عيني
حبيت الكون علشانك
وفي قلبي وروحي مكانك
تسلملي كلمة يا ضنايا
لما ينطقه لسانك


أمي يا كل الأمان
أمي يا نور في طريقي
أمي يا حضن الحنان
أمي يا حبي الحقيقي


ماما يا لحن في الوجدان
يا همسة حب .. يا موجة حنان
في عيدك
بتخضر الالوان
وبحبك
ينطق قلبي الولهان



ماما حبيبتي
حبك في قلبي طول الليالي
حافظ ودادك .. كاره بعادك
لوغبتي عني
روحي تخدني
لحد عندك
وأنول بقربك وأعيش معاكي
عالم خيالي


اسمك زي شعاع النور
بيدخل قلبي يمد جسور
أنت حبيبتي يا أمي الغالية
ليكي بوسه وعقد زهور
ليكي شوق وحنين ومحبة
بيخليني بيكي مسحور


ماما حبيبتي يا أطيب قلب
اسمك موجة في بحر الحب
كلمة رقيقة بسمة بريئة
تفتح قلبي وتمحي الذنب


بحبك يا امى




3 
تقى القلوب

كل سنة وكل ام فى الدنيا بخير
ويرحم كل ام ماتت
جميلة كلماتك
دمت بخير انت والام الجميلة اللى خلتك تكتبى لها كل دا



Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.