العودة   منتديات المصطبة > الأقسام الأدبية > منتدى الحب والرومانسية

منتدى الحب والرومانسية مواضيع الحب والرومانسية وكل ما يتعلق بالحب وأنواعه وأروع ما قيل فيه من كلمات

:(( إحساس فظيع )):

كاتب الموضوع: ςїňĐẹŘēļļa، فى قسم: منتدى الحب والرومانسية


1 
ςїňĐẹŘēļļa

السلام عليكم ورحمة الله وبركاته

:(( إحساس فظيع )): images96f614f320.jpg


عارف لما تحب حد اوى
لدرجة انك تحس انه النفس اللى بتتنفسه
انه لو سابك هاتموت ومش هاتقدر تعيش
وانه كل حياتك
لما تحبه اوى اوى
اكتر حتى من نفسك ومن اهلك ومن كل حاجه فى الدنيا
وبعدين يخونك وينسى كل الوعود اللى وعدك بيها
وينسى الحلم الجميل اللى عيشك فيه
واللى حسسك انك هتعيشه
يسيبك من غير ما تأذيه
تكدب عنيك وتصدقه وتكمل معاه
يبعد تانى ويسيبك تانى
تبعد
وتندم انك اكتشفت خيانته
وكنت تفضل انك تعيش مخدوع معاه احسن من انك تعيش من غيره
تحس ان كل الدنيا اتهدت من حواليك
وتحس انك مش قادر تتنفس وفعلا هاتموت من غيره
تسامحه وتحاول ترجعه
بس الغريب انه يرفض يرجعلك
يرفض حتى يرد عليك
وكل حجته انومش عاوز يتعبك معاه
مع انك بتقوله موافق اتعب معاك لاخر عمرى
بردو يسيبك ويبعد عنك




تعمل ايه لما تحس كده ؟؟
تعمل ايه لو حسيت انك اغبى انسان فى الدنيا لانك لسه بتحبه
ومش قادر تكرهه ولا تنساه؟؟






2 
سـفـيـر الـمـحـبـه

الخيانه والبعد والجفا والخداع والكذب وكل حاجه تحتوي
على عدم الاحساس والضمير تعتبر جرح كبير بقلب الانسان
وانا لو حسيت اني اغبى انسان فى الدنيا لاني لسه بحبه ومش قادر اكرهه
ولا انساه حبقى احاول اتعايش مع الموقف لفترة قصيره وتكون حياتي ساعتها كلها
دمار بـ دمار ومع مرور الأيام اكيد حيدخل لحياتي حاجه جديده او شخص جديد
ينسيني كل اللي فات ويتحول كل شيئ كان بأيام زمان بحياتي الى رماااااد
وسلمت يا غالي على ما قدّمت لنا ..ودمت بكل خير اينما كنت
اخاك سفير المحبه


3 
I'm JuSt Me

إحساس فظيع
إن اللي روحك فيه يضيع
واللي إشتريته في يوم يبيع
وتتوه وياه السنين
تفتح عينيك
تتلم أحزانك عليك
تتهد أحلامك فوقيك
وتقسمك نصين


4 
حلف القمر

اكيد احساس صعب اوى
الواحد ممكن يفقد الامل لاخر لحظة فى عمره
,
توبيك هايل بجد
تسلم ايدك

5 
bono

تعمل ايه لما تحس كده ؟؟dياااااااااااااااه احساس رهيب مش هقدر اوصفو ونفسى انساه
تعمل ايه لو حسيت انك اغبى انسان فى الدنيا لانك لسه بتحبه
ومش قادر تكرهه ولا تنساه؟؟لازم انساه عشان مايستاهلش لحظه من تفكيرى وللاسف هو بيحاول يدخل حياتى من تانى وانا اللى رافضه اعرف حد خاين وانانى(متحاسيبنيش)
توبيك رائع وليكى منى اجمد تقييم



Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.