العودة   منتديات المصطبة > الأقسام الأدبية > منتدى الحب والرومانسية

منتدى الحب والرومانسية مواضيع الحب والرومانسية وكل ما يتعلق بالحب وأنواعه وأروع ما قيل فيه من كلمات


1 
LoVe My LiFe

طبعا كتير منكم عارفنى
لكن انا مخنوق وحابب مساعده ونصيحه منكم
من سنتيين اتعرفت ع بنت انا حبيتها حب اول نظره وهى وقتها كانت تحب شخص اخر
كنت صديقها فقط وبعد ما اتعرفت عليها باسبوع بدات مشاكل بينها وبين حبيبها
وكانت دايما تطلب مساعدتى ونصيحتى بما انى صديقها الوحيد وللاسف هو كمان كان صديقى


كنت دايما احاول منصحهاش لانى اخاف ان قلبى هو الى ينصحها وكانت تبكى وتقلي ليه
اروح للغريب اخليه ينصحنى
بعدها باسبوع اى اسبوعيين من معرفتى بيها سابت حبيبها وكنت دايما اكلمها لكن بعد شهر بدات
احس انها بتحبنى وتشجعت وقلتلها وهى وافقت واستمريت احبها مده كبيره من سنه اهلها زوجها غصب عنها مجرد كتب كتاب وقالتلى وانا قلتلها انتى ملكيش ذنب ومن كتر حبى وانانيتى قلتلها تقله
وفعلا قالت لزوجها الى اتجوزته انها بتكرهه وانا بتحب شخص تانى وانها اصلا مش موافقه والوضوع كله كان غصب عنها والراجل طلقها ورجعتلى وقالتلى وكنا فرحانين
وطبعا الشخص الى كانت بتحبه الى هو برضو صحبى كانت طلبت منى انها تكلمه ع اساس انها تطمن عليه وانا كنت موافق
عشان بحبها ومش عاوز ارفضلها اى طلب حتى لو كان ع حساب جرحى وكرامتى
وكمان كنت دايما بلوم نفسي انها سابته ومن حقها تطمن عليه
وفضلنا مع بعض وناويت انى اروح اتقدملها قبل ما اسافر الكلام ده شهر 12 الى فات
لكن قبل ما اتقدملها باسبوع وطبعا مكنتش قايلها عشان تبقي مفجائه
لقيتها اتصلت بيا بصوت حزين وقالتلى عاوزه اقلك ع حاجه بس مش تزعل وطبعا قلتلها قولى
قالتلى فاكر لما اتجوزت واطلقت قلتلها اه قالتلى بعدها بشهر هو ردنى وانا محبتش اقلك عشان مجرحكش وحبيت اخلص منه بطريقتى اسفه لكن انا بقالى سنه متجوزه ولما سالتها ليه بتقوليلى دلوقتى قالتلى لانى حامل وداخله بالشهر الخامس
صدقونى الارض من تحتى اختفت وبدات بالكا فى التليفون وهى حاولت تهدينى ورفضت تقفل الا لما اوقف عياط مقدرتش كنت ببكي بالشارع وقتها كنت بحبها بجد
بعد ما قفلت معاها رحت لابويا واتخانقت معاه وضربت اخويا الكبير وعملت مشاكل كتير مع انى عمرى ما عملتها حسيت انى عاوز اطلع كل حاجه جوايا ولما رحت نمت كنت ببكى ع السرير لحد ما نمت غصب عنى وصحيت بالمستشفى وعرفت انى دخلت بغيبوبه يوم ونص
اول حاجه طلبتها اول ما صحيت التليفون وجريت وكلمتها كانت وحشانى ردت بعد عده اتصالات وقالتلى لو سمحت متعمليش مشاكل مع جوزى
قفلت معاها كنت تعبان اوى
حاولت انساها معرفتش وفضلت اكلمها لحد اواخر شهر واحد وكل ما اكلمها تقلي نفس الكلام وبعصبيه
وعدتها انى مش هكلمها تانى وسبتها ونزلت مصر
لكن للاسف مقدرتش انساها
قلت لناس كتير بعضهم نصحنى بالصلاه وقراءه القران
لكن كل ما بصلي بفتكرها او بقراء القران بشفها
وصديق ليا قالى هجبلك بنت تعرفها وهتنسي قلتله اوكى واتعرفت ع بنت
كانت كل ما تقول كلمه اشوف حبيبتى ولو سرحت فى وشها اشوف برضو حبيبتى
فبعدت عنها امى بتقلي انساها
انا معاكم اوكى انساها انا سوالى انساها ازاى مش اعمل ايه
ارجوكم ساعدونى




2 
Wana Maly

هيا خلاص مش من نصيبك وانت مسلم وعارف كويس ان محدش بياخد اكتر من نصيبه
ربنا كاتبلك كده انكم متبقوش لبعض واكيد ربنا كاتبلك الاحسن منها بس اصبر ومتتسرعش والله بعدين ربنا هيكرمك وهتلاقى اللى تحبك بجد وتصونك مش واحدة كنت بتحبها وحبت عليك واحد او اتنين كمان !

ربنا كاتبلك بنت الحلال اللى تستاهلك بجد بس اكيد كله فى وقته زى ما مكتوب

ربنا يوفقك يارب


3 
Hayaty agmal ma feeha

بجد موضوع صعب اوي . بس انا مع مصطفي انها مكنتش ليك من الاول . حاول تشغل وقتك بحاجه تانيه . يعني صلي وادعي ربنا يرزقك بواحده تحافظ عليك وتصونك وتعوضك ع اللي شوفته . وربنا معاك


4 
somymsmaa

ربنا معاك يامصطفى بس اقولك ربنا عمل كده لانها مش ليك
"وعسي ان تكرهوا شئ وهو خير لكم وعسي ان تحبوا شئ وهو شر لكم "
ربنا معاك ويصبرك وان شاء الله تلاقى احسن منها بكتير

5 
dodye7sas

انا اتعلمت حاجة الى يبعنى ابيعة حتى لو بحبة بجد اطلع قلبى وادوس علية بالجذمة
وانت فكر فى نفسك واشغل وقتك فى حاجة تفيدك
وسيبك من البت دى بقى ومتتصلش بيها تانى
صلى بقى وادعى ربنا ينسيك الموضوع دا
البت دى لو من نصيبك كنت هتاخدها غصب عن اى حد
لكن دى مش من نصيبك
نصيبك مكتوبلك فى بنت تانى تحبها وتحبك وتعرفوا الحب سوا



Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.