العودة   منتديات المصطبة > الأقسام الأدبية > منتدى الشعر والخواطر

منتدى الشعر والخواطر للأشعار والخواطر المكتوبة "للحـَرفِ توهّـجْ.. مـَراياَ للصـُدورْ تـُرجُمـَان للمشاعـِر"

ابنها نجح

كاتب الموضوع: kholio، فى قسم: منتدى الشعر والخواطر


1 
kholio

اسمــــــه : درة العرش
فى الصبح دق الجرس ليوم دراسى جديد وقف الولاد جنب البنات مستنيين يتلوا النشيد بس الطابور كان ناقصه واحد متعودين هو اللى يبتدى بيهم النشيد بصوا شمال بصوا يمين (الدرة) فين متعودين مايغيبش له سنين لمحوا بعيد
أمه جيه تشاورلهم بالأيد رغم الألم شايله بإيديها كراسة و قلم و تقولهم
إبنى نجح * إبنى نجح
إبنى نجح رغم أنه فى حضن أبوه اندبح و الناس فى كل الدنيا شافوا دمه بينسفح رغم إنه بكا السما و الشمس وبكا الفرح رغم إنه هز الدنيا وخلى
قلب الانسانية ينجرح
إبنى نجح * إبنى نجح
إبنى نجح يصحى النايمين فى وهم السلام و اللى لسانهم خرس و اللى شغلهم
كلام واللى ألهوا إبليس و سجدوا للقام
إبنى نجح * إبنى نجح
إبنى نجح يفجر براكين الغضب فى كل قطر و يخرج الجماهير فى أمريكا
و أوروبا و مصر تهتف نجاهد يانستشهد يا إما النصر
إبنى نجح * إبنى نجح
إبنى نجح يفكر الناسيين انى ليهم ثأر فى صبرا و شتيلة و جنين و تل الصخر
يا ولاد أخوكوا محمد لسه حى ماماتش ويا النبيين و الشهدة أملى ماتنسهش
وتعالوا شوفوا اللى انكتب فى كراسه بدم أحمر من اللى انسفح من راسه
ناجح ومنقول فوق تحت ظل العرش .




3 
Clio

لا حول و لا قوة الا بالله لقد اثرت في كلماتك الله يحفظك



Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.