العودة   منتديات المصطبة > الأقسام الأدبية > منتدى الشعر والخواطر

منتدى الشعر والخواطر للأشعار والخواطر المكتوبة "للحـَرفِ توهّـجْ.. مـَراياَ للصـُدورْ تـُرجُمـَان للمشاعـِر"

عمر حمارتك كام بقلم (زهرة الفارس)

كاتب الموضوع: Hayaty agmal ma feeha، فى قسم: منتدى الشعر والخواطر


1 
Hayaty agmal ma feeha

** "" سؤال ؟؟ ’’ **


عُمر حمــارتك كام
يلي عليك الكلام
سؤال بسيط من زهرة الوديان
لـ مبارك ألي خاربها من زمان
عُمر حمــارتك كام
ولما سألك القاضي عن أفعالك
ألي كشفها الميدان
نكرتها ليه يا جـبان
أصلك كنت ناوى علي الغدر
يا مبارك
عُمرحمـارتك كام


عمر حمارتك كام بقلم (زهرة الفارس) 000007.jpg




لما نُص شعبك نايم فقير وتعبان
علي الرصيف بايت بردان و جعان
والغني فيها حرامي
والأسم أنسان
آة يا زمـان
يلي فيك الفالصو بقا مرجان
سؤال بسيط يا صلاح الدين
عُمر حصـــــانك كام
عمر حمارتك كام بقلم (زهرة الفارس) horses2.tif

وأذاي كنت قائد ومعاك اللجام
أصلك عربي أصيل
عمرك ما جريت ورا مال ولا كُنت وزير


فين حصــــــــانك يا صلاح

يشوف ألي من القدس راـــــــح


طيب شوف مصربقت أزاي حزينة
لابسة ثوب سواد المدينة
مستنية لحصان بلجام





يمكن
تبقي فيها شوية أمان
يا صلاح الدين عُمر حصـــانك كام
أصلي دورت كتير ومالقيت أجابه
ليه يا مصر بقيتي بلد الغلابه
ليه ألي فيكي جعان يضحك
ويقول أنا شبعان
ومبارك وفراعينه راكبين حمــارة عارجة
لا ليها أصل ولا عنوان
ورافضين يتركوها حتى الأن
عجـــــــــــــــــبي
عليك يا زمان
قال أيه أحنا الحصن والأمان
طب أزاى وأنتم فقدو الزمام
ورمتونا تحت شوية جِمـــــــــال
دهستنا وكـ أننا حبة رمال
يا مبارك ريحنى وقول
عُمر حمـــارتك كام
عمر حمارتك كام بقلم (زهرة الفارس) Osel.gif
ده أنا منك وصلت للغليان
يا خارب البلد ومدنس الأوطان
كتبت فيك العبر
وضربت بيك المثل بكل ظالم وجبان
صعبان عليا حال البلد يا سوزان
ولا أنتي داريه بحاجه
يا سيدة الخراب الأولي وسارقة الأحلام
هتحسي أزاي
وأنتي غرقانه في السمك والكفيار
واللؤلؤ والمرجان
وأهو كله من فلوس الشعب الغلبان
ومبارك مرمي علي سريرة متهني وشبعان
ده ناقص يا ولدي
يجيبولك شيبسي ولبان
أصلك فوق الحكم
ولا خوف القاضي يحكم
لا بعدها يكون شهيد
أنا منك زهقت وفاض بيا وأتخنقت
’’ وبسألك ’’
هترحم البلد ولا لأ
هتلم عفاريتك ولا لأ
هتلجم حمارتك العارجه ولا لأ
طيب هتقولي عُمر حـــــمارتك كام ولا برضه لأ
هاخد فكرة وهستنا بكرة
وبعقل شارد وفكر حائر
هشوف مين علي الكرسي قاعد

عمر حمارتك كام بقلم (زهرة الفارس) 590151.gif
ويارب يكون حصانو أصيل
مايكونش أحول يضل بينا الطريق
ولا سيسي صغير
محتاج رعـاية وليس راعــــــــي

عمر حمارتك كام بقلم (زهرة الفارس) mini-donkey-5742-Foxy-Lady-Sep-14-02a.jpg





بقلم (زهرة الفارس)




2 
زهرة الفارس

لو سمحتى الموضوع .عمر حمارتك كام. هو موضوع من كتباتى الشخصيه
أرجو كتابهة أسمى .. زهرة الفارس . تحت الموضوع حتى لا يضيع حق ملكية الكاتب

وشكراً

4 
زهرة الفارس

كتباتى انا يا فاضلة وسبق وقولت لكى ان احببتى ابعت لكى رابط
احقيتى واثبات ان الخاطرة ملكى انا وليست ملك لكى
وكلامى معكى انتهى كلامى سيكون مع الادارة

5 
Hayaty agmal ma feeha

انا ناقلاها من صاحبتى
معرفش انها بتاعتك
وبعدين انتى هتهددينى يعنى
؟



Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.