العودة   منتديات المصطبة > الأقسام العامة > منتدى النقاش الجاد

منتدى النقاش الجاد ناقش معنا بهدوء وبدون تعصب أشهر وأهم القضايا والمواضيع التى تشغل الجميع

هل الاخلاق اكذوبة ؟

كاتب الموضوع: Awesome Man، فى قسم: منتدى النقاش الجاد


1 
Awesome Man

عزيزي القاري هل تعتقد ان الاخلاق مثل القانون ؟ اذا لم تكون كذلك فما وجه الفرق بينهما ؟ (.....................)

مثال بسيط يوضح وجه نظري.. ( الكرم ) هل هو خلق ام قانون، اذا افترضنا ان المجتمع لا يقبح الشخص البخيل فما الداعي من ان اكون شخص كريم ! لكن للأسف المجتمع يقبح الشخص البخيل
و هذا يدل على ان االاخلاق قانون اجتماعي ( قانون تنظيمي )
ما اريد ان ألفت نظرك اليه يعني اساس القانون هو سياسة الثواب والعقاب، يعني اذا اتبعتة تثاب واذا خرقتة تعاقب
ولكن يكون الثواب مادي وملموس اما في الخلق هو قانون يرتكز ايضا على الثواب والعقاب !
مثال:
اذا كنت كريم احبك الناس فيكون الحب هو ثوابك واذا كنت بخيل كرهك الناس والكره هو عقابك
وهذا يرجعني لنقظة مهمة انه لا وجود ( للأخلاق )... والدليل
اذا وضعت اربع اشخاص لمدة يومين دون اكل وشرب ووضعنا لهم لهم بعدها طعام يكفي شخص واحد فقط !!


هل تعتقد وقتها سيكون هناك مكان للأخلاق ؟ اعتقد لا بل سينحطون الى ادنى مستويات الكائن الحي ويتعاملون بطبيعة الفريسه
فما الخلق الا نتاج لتطور الانسان.. يعني مثل ما الافكار تتطور
القوانيين ايضاً تتطور ويصبح منها جزء اخلاقي ويكون كسره صعب النها مراقبة بواسطة المجتمع
اذا رفعنا الحساب عن البشر.. هل سيتحلون بالخلق ؟ اعتقد لا !!!
الاخلاق = القانون
نظرتي للأتنين واحد لكن البشر يحبون التجميل ووضع اشياء تظهر طبيعة البشر التطوريه
مثال: اول شيء اخترع الانسان الهاتف وكان يؤدي الغرض وهو الاتصال وبعدها اضاف له الكاميرا وبعدها اضاف البلتوث على الرغم من انه لا يستخدم لسوى الاتصال !! مما يؤكد ان الانسان دائما يحب التذويق

واكبر دليل على عدوم وجود الاخلاق !
انها لو وجدت الاخلاق لما وجدنا حكام وحكمات وشرطة وجيش !.. كلها انظمة لتنظيم الحياة البشرية فقط
الحقيقة ان البشر دون اخلاق وما يحمهم الا القانون.. واذا كان الله خلق الانسان على طبيعة خلقية ( يعني يتحلى بالخلق منذ ولادتة )
لما انزل الله االانبياء ؟ ووضع لنا الثواب والعقاب ؟
شوفوا حديث ( انما بعثت لاتمم مكارم الاخلاق )
الاخلاق في نظري هنا الاديان والاديان في نظري قوانين

لان الدين او القانون مبني على الثواب والعقاب

واذا افترضنا ايضا انه رفعنا بند واحد من الاديان وه ( الثواب والعقاب ) تفتكروا ان في حد هيعتنق الاديان ؟ اعتقد لا

العملية كلها مجرد قانون يحكم الكل في صورة اخلاق واشياء اخرى.. الاخلاق اكبر اكذوبة عرفها البشر---------------------- استيقظوا انهم يكذبون

منقول




2 
سيمو

مين اللى قال كدا انتا كلامك كله غلط
الاخلاق عباره عن طبيعه خلقها الله سبحانه وتعالى داخل النفس البشريه
وموجوده فى كل الناس سواء بالديانه من غير ديانه
زى الشجاعه والصدق والحياء والامانه والضمير وغيرها
ورسولنا صلى الله عليه وسلم وصف بالامين من قبل مايحمل الرساله وكانت من سادة الجهل والكفر فى الوقت دا
دا دليل على وجود الاخلاق
وقصة سيدنا اسماعيل كلنا عارفين طبعا كان ايه طبيعة استجابته لوالده سيدنا ابراهيم ودا من الاخلاق
كرم العرب قبل الاسلام وكانوا بيعبدوا الاصنام دا من الاخلاق
وتعالى كمان عندك عنتر بن شداد مثلا كان بيتفاخر امام حبيبته انه فارس عفيف لا يتنازع من اجل الغنائم دا خلق العفه
اهتمام العرب قبل الاسلام بالمرأه تلبس مايسترها وتركب في الهودج عند السفر علشان ميشفهاش حد غريب دا مكنشى خلق
وكمان بتقول لو اربع اشخاص خلتهم يومين من غير اكل وجبتلهم وجبه هيستندلوا بلغتنا وهيقطعوا بعض
تعالى فى غزوه من الغزوات الجرحى كانوا كلهم على الارض فى ظل الحر وكانوا لما يعطوا الماء لشخص فيهم يرفض ويقول اعطيها للاخر لحد ماماتوا كلهم من غير ما حد يشرب دا كان ايه كانت اخلاق

وكمان فيه قصه

قبل معركة القادسية ارسل سعد بن ابي وقاص رسول إلى قائد الفرس وكان اعرابي كانت ملابسه متواضعه
قال قائد الفرس للحاضرين الا ترون رجاحة رأي هذا الرجل
فقالوا لايغرنك ماقال الم ترى الى ثيابه
فقال قائد الفرس لا تنظروا الى الثياب وانما الى الرأي والحكمة ان العرب لايهتموا بالملبس بقدرمايهمهم الشرف والاخلاق


والاخلاق مش الفضائل الحسنه بس
منها الاخلاق السيئه ودى اسمها خلق كماان زى الفجور والكدب والجبن وغيرها

اما حديث
حديث الرسول صلى الله عليه وسلم ( انما بعثت لاتمم مكارم الاخلاق )
وفعلا أوفى وتمم مكارم الاخلاق راجع التاريخ وشوف زمان العزه وحدود الدوله الاسلاميه فى زمن تمت فيه الاخلاق

احنا لو راجعنا نفسنا ورجعت اخلاقنا هترجع العزه لزمنا
راجع نفسك لان التوبك اللى انت كاتبه مضلل زى كتير من اللى بينشروه على النت علشان ينسونا دينا وحده وحده

والله اعلم
ربنا يغفرلى ويغفرلك





4 
روفان

بالظبت وانا معاك ياسيمو وضد فكره ربط الاخلاق بالقانون لان ربنا سبحانه وتعالي خلق النفس البشريه بطبعها الخير بدليل انك لما بتعمل اي حاجه غلط وحتي لو كنت لوحدك ومافيش غير ربنا ال شايفك ضميرك بيأنبك بعدها كتير ودا اكبر دليل ان النفس البشريه بطبعها الخير

وكمان دينا دين مكارم الاخلاق ودايما احنا ولينا الفخر بنقتدي بالرسول صلي الله عليه وسلم وهو خير نموذج للأخلاق

وباعدين في فئه من الناس بتخترق القانون دا وبتتعاقب ورغم كدا بترجع تاني للغلط وفئه تانيه عمرها ما بتخترق القوانين مش خوف منها حفاظا علي تعاليم الدين اذن الدين والاخلاق اقوي بكتير من القوانين ال بتحكمنا لان دينا هو ال بيحسنا علي الاخلاق قبل ما يكشتفو اي قوانين

بصراحه فكره توبيك ساذجه اوى من كاتب ساذج مش بقصد الناقل طبعا فاكر ان بكلامه الهايف دا هيعمل بلبله في عقولنا الحمد الله الذي فطرني علي الاسلام

تسلم ايدك


5 
عيون حائره

كلام مش مظبوط طبعا
الانسان بيتحلي بالاخلاق مش عشان نظرة الناس والمجتمع ونظريه الثواب والعقاب اللي بتقول عليها
الانسان بيتحلي بالاخلاق عشان ربنا خلقه كده وعشان دينه امره بكده بإختلاف الاديان
وفي انسان بيلتزم بتعاليم دينه وبتبقي اخلاقه كويسه وفي انسان لايلتزم بتعاليم دينه وبيبقي سئ الخلق
والانسان المفروض يدور علي عقاب ربنا مش عقاب البشر
وفي المثال بتاع لو جبت وجبه تكفي لفرد واحد لاربع افراد بعد يومين من عدم الاكل
انا عن نفسي لو في الوضع ده عمري ماهتعامل مع الاكل بطبيعه الفريسه وممكن غيري يتعامل بطبيعه الفريسه
يعني ده بيبقي سلوك الفرد نفسه مش عشان نظريه الثواب والعقاب
واللي متأكده منه ان الانسان من اول مايتولد بيبقي نقي جدا لانه بيبقي صفحه بيضا اخلاقه بتبتدي تتشكل من خلال التربيه واحتكاكه باللي حواليه يااما يفضل بسلوكه الكويس يااما يتأثر بحاجات وحشه تخلي سلوكه يتحول لسلوك سئ وطول ماالانسان متمسك بتعاليم دينه اكيد اخلاقه هتفضل اخلاق حميده



Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.