العودة   منتديات المصطبة > الأقسام العامة > منتدى النقاش الجاد

منتدى النقاش الجاد ناقش معنا بهدوء وبدون تعصب أشهر وأهم القضايا والمواضيع التى تشغل الجميع

عن العشق والهوى

كاتب الموضوع: غــنـــــوه حزيــــــــنه، فى قسم: منتدى النقاش الجاد


1 
غــنـــــوه حزيــــــــنه

وهكذا وهكذا اتابع مشاكل الاخريين كى اسردها لكم واتحدث معكم

ولكن نبدأ موضوعنا وحديثنا كالعاده وفى كل المرات بتحيه الاسلام

سلام الله عليكم ورحمه الله وبركاته
//

فاكرين وبأختصار فيلم حب البنات وفيلم عن العشق والهوى ده ليه علاقه اوى
كل المشاكل اللي قابلتها ليها علاقة بالحب
يا اما حد مش عارف يحب اللي بيحبه
يا اما مش عارف يخلي اللي بيحبه يحبه
يا اما مش عارف يحب اللي حواليه
يا اما مش عارف يحبب اللي حواليه فيه
يا اما بيحب نفسه بزيادة
يا اما مش عارف يحب نفسه خالص
ديماً ليها علاقة بالحب


لما تنام...وتحلم..مش بتبقى عارف ساعتها إنك بتحلم وبتبقي مبسوط أوي بالحلم..أو حتى مش مبسوط...بس بتبقى مش عارف إزاي حيتنهي...ومش بينتهي غير لما تصحى من النوم....فجأة
ساعتها بس حتعرف وتتأكد..إنه كان حلم
وزي ما حلمت بيه غصب عنك ومن غير ما تقصد
قمت منه برضه غصب عنك


أحياناً الألم بيكون أكبر من إننا نتحمله
رغم إن فيه معاني كتيرة للوحدة إلا إن مشكلتنا الحقيقية لو نبقى حاسين إن حد معين...واحد بس...هو اللي ممكن يضيع إحساس الوحدة ده
....لما يبقى جمبك...ويسأل عنك
ولو الحد ده بس هو اللي مش موجود حتفضل حاسس إنك وحيد
..................
......لكن مش ديماً احساسنا ده بيكون صح
للأسف
بتحس كأن فيه غيامة على قلبك مخلياك مش قادر تحس بأي حاجة
بالفرح...بالحزن...بالخوف...بالحب...بالكُره
...أي إحساس
كأن مشاعرك هاجرت بعيييد وسابت قلبك وحيد وبردان ومش عارف يعمل إيه
!!!!!



أحياناً..بنحط قدامنا اختيارين...نندم على حاجة عملناها..واللا نندم عشان معملناش حاجة كنا عاوزين نعملها
!!!....
نفس المعني...ممكن تقامر بلحظة سعادة تعيشها دلوقتي مع إن ثمنها ممكن يبقى لحظات ألم
!!...أو...تخليك عايش حياة عادية من غير سعادة وكمان من غير ألم
للأسف ناس كتير بتفضل الحالة الأولى...حتى لو فعلاً ثمن السعادة دي عُمر من الألم


ممكن يكون ده غلط...لكن المشكلة هنا في قلوب مش بتقدر غير إنها تعمل اللي بتحس بيه....ووجعها وألمها بتتحمله وبتحاول تخففه بالكام لحظة السعادة اللي عاشتها

ممكن
كلمة...تكسرك
وكلمة...تقويك
وكلمة...توجعك
وكلمة...تفرحك
وكلمة...تطيرك في السما
وكلمة...توقعك ع الأرض
وكلمة...تدفيك
وكلمة...تموتك
وكلمة...تحييك
وممكن يحصل لك كل ده..من غير ولا كلمة
عشان ساعات السكوت بيكون ليه معاني كتيرة أوووي ...لو عرفت تفسره
!!!.....لو



ليه تكمله




2 
غــنـــــوه حزيــــــــنه

القلب اللي بيجرحنا فيه حاجة اكيد جارحاه"
"وجراحنا بتفكرنا بالقلب اللي جرحناه


بحس إن على قد ما بنجرح...بنتجرح...بس اللي مش بناخد بالنا منه أبداً...إن ساعات اللي بيجرحنا مش بيكون قصده يجرحنا
لسبب بسيط جداً...هو بس مش بيبقى عارف إننا حنتجرح
عشان مش بيكون عارف أصلاً إننا............بنحبه
لكن اللي يحب مش حيجرح..أبداً..وحتلاقيه بيفضّل ديماً إنه يسكت وميحاولش يقرب لو قُربه ده فيه أي ألم
مشكلتنا اننا مش بنكون شايفين الطرف التاني من الحكاية ومش بنعرف قد إيه ممكن يكون بيتألم ومجروح...وممكن كلمة مننا عنه تزود جرحه....عشان كدة السكوت بيكون أفضل


3 
غــنـــــوه حزيــــــــنه

كتير بنسأل نفسنا سؤال
!!!....هو الغياب بيخلينا نشتاق أكتر
!!!...واللا نقسى اكتر
!!!...بيخلينا نبعد ومانفكرش
!!!....واللا نفكر وننتظر كل لحظة
...صعب إنك تحس إن حد واحشك أوي
"لكن ما تقدرش تقوله..."وحشتني
....................

...والأصعب
...إنك في الأول بيبقى عندك يقين انه حيجي يوم يقولهالك
!!!.....وانت مش عارف أصلاً هو بيفكر فيك واللا لأ
والأصعب كمان إن في لحظة بيتحول يقينك...لمجرد احساس...والاحساس..لأمنية...والأمنية...لحلم بعييد
وفيه فرق كبير أوووي بين اليقين والاحساس والأمنية
........... والحلم


5 
mido

ايه الكلام التقيل اوى ده

هو فعلا كل حاجه تقريبا ليها علاقه بالحب



Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.