العودة   منتديات المصطبة > الأقسام الأدبية > منتدى الشعر والخواطر

منتدى الشعر والخواطر للأشعار والخواطر المكتوبة "للحـَرفِ توهّـجْ.. مـَراياَ للصـُدورْ تـُرجُمـَان للمشاعـِر"

زجل...قصيدة الكلام

كاتب الموضوع: عمر نفيسي، فى قسم: منتدى الشعر والخواطر


1 
عمر نفيسي

|
الكلام... ...

بسم الله نــجول فرحــــــــبة الكــــــــــلام
وقول الفحول موصــــــول بالاصــــــــول

يالي بالــــقول ينــــــط ويــزعرط دمــدام
يــكوكــــط وغير جـيب يا فــــم وقـــول

الكلام حــــــروفو ذر تســــــــطع فــمقام
وافــــــي معافــي بالــدال والمــدلــــــول

ابدع وخلي الكـلام يرتــــــع بين المــرام
جانس الحــرف يكون كامـــل مكمــــــول

لا تنكع قول وتــردو ولــــــد الحــــــرام
خرجو من الزحام.حرر الصورة وجــول

يا ملون الكلام بنيلة كطران.لغاك ركــام
براني دخيل علينا .تعبيرو مشلـــــــــــول

ما نحتاج ما نتحوج نبدل معنـى الكــــلام
والضاد محيـط يفيض حامــل بسيــــــول


الكلام ذر حر يبـهر والــــمتعــــة فيــــه
بوح طيبو يفوح وبيــه تندمل الجــــروح

دوا للروح ادب وسـلوك ما يطوع لســفيه
ما يشعر بيه.جبــحو يصــفر مبحـــــــوح

يلا تريد نشوة اللـغا صغى لمـــعانــــــيه
خود على اهلو وتعـالى لــــمســيد البوح

الكلام هو. يا لـي يتـــــلوا فالكــوة ويتيه
يغرق القصيدة فغــــــيس طـوفان نــوح

غليتــــوه وقطعتو لرحام بالاحكــام عليه
مــــــــن الوريــــد طرحــتوه مذبــــوح

باب الكلام ساب. وتحل على مصرعيه
طيــــــب ريحو نز منو خــــنز يفــــوح

عاد بلا معنى ومن والا يتجرا علــــــيه
كان راكب منابر القمة وتواطا مطروح


كاين من كال لغاه.وعدو فتــــوة يفـــتيه
بالله انتن من ريح وراه.اخ مــن حــديثو

ولي زاغ باقي شنبور كيف نديـــرو فيه
فناه لغرور.كيف الحوت يقلـــــــيه زيتو

يالي يريد يكــول كــلام ويعانــد بيــــه
سال شـــــيخ ليه بــــــاع وداع صــيتو

من شاخ بلا شيخ كيتــــو والغدة تفـــنيه
جبحو خاوي ما مساوي مشيت وخـــليتو

كاين لي سداه متين تبــــارك الله عليـــه
لغاه يبرد اللهفة يروي حقلي ويغيـــــــتو

غارو منو عداه وما يسواه لي يعــاــــديه
علاه موكة تغرد ولا الجوج كيف الميستو

احشم يالي يردم الكلام فمطامر الغيــــس
الكلام شعر.حر يطير يبلغ السـلام فبريتو




من ديوان ...مشموم بوح الحال




 من مواضيع عمر نفيسي


Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.