العودة   منتديات المصطبة > الأقسام العامة > منتدى النقاش الجاد

منتدى النقاش الجاد ناقش معنا بهدوء وبدون تعصب أشهر وأهم القضايا والمواضيع التى تشغل الجميع

اخترت صح

كاتب الموضوع: غــنـــــوه حزيــــــــنه، فى قسم: منتدى النقاش الجاد


1 
غــنـــــوه حزيــــــــنه

مساء الجمال على عيون احلى مصطبه واللى مش عاجبه يطق اخترت صح s03.gif
نبدأ باسم الله

//
امبارح كده وانا ف حاله غير مستقره كنت بعيش حاله مش طبيعيه بس الموضوع
هيطول معايا شويه شويتين ليكم نظرات اخرى
//
شغلت سونج لتامر حسنى
اخترت صح
حسيتها متناقضة فرجعت اسمعها تاني

و ....

بغض النظر عن شخصية تامر ولا اغانيه انا مش بنقد حد

بس انا سمعت الكلمات واستفزتني شوية .. وقررت ارد عليها بطريقتي

التفسير اخر الموضوع ^_^

الاول كلمات الاغنية


انا ودعت كتير في حياتي
من غير ما احس بأي جرح
واما حكتلك ذكرياتي
قولت عشان مخترتش صح

لومتي قلبي ع اللى فاته
لحد ما قالك انتي صح
وبعد شوية سيبتي حياته
بس سيبتي فيها جرح

يعني فعلا مانجرحتش
الا لمـا اخترت صح


كلمة بحبك غالية عندي
مقولتهاش قبلك وجتلك
اقولها ليكي من جوة قلبي
وكرهتها لما اتقالتلك

لومتي قلبي ع اللى فاته
لحد ما قالك انتي صح
وبعد شوية سيبتي حياته
بس سيبتي فيها جرح

يعني فعلا مانجرحتش
الا لمـا أخترت صح


نفسي ينسي قلبي حكايتك
نفسي ينسي انه قابلك
وارجع اغلط في اختياري
نفسي ارجع للي قبلك


ودا ردي عليها وركزو فيها عشان اللي هاقوله بعدها



اخترتني صح
بس سبت في قلوب كتير قلبي ميت جرح
كرهتني دلوقتي صح !
او حتي مكرهتنيش
دا لو حطيت في عيونك حبة ملح !

انت السبب .. انت اللى خلتني اكرهك
ماهو مش اول ما احبك والمحك
تقولي عيوبك .. تقولي بلاوي قلوبك
مانت بميت مليون قلب
ولا عمرك عرفت يعني ايه حب
مثلت كتير علي غيري
معلش ..معاك خانني تعبيري
وضيعت معاك حبة من وقتي
واكيد دا كتر خيري

كنت فعلا اخترتني صح !
وانا بقولك اهو .. مش هتلاقي زيي
دا مش غرور .. دا كلام صح
انت صغير اوي في عيوني
آه .. صدقني ..
دا بجد حقيقي صح

ايوة انت منجرحتش الا لما اخترتني صح
فاكر انت الدنيا سهلة !
لآء مش صح !
فاكر زمان اد ايه ندمو بسببك ؟
أكيد ناسي .. ما انت جبان
مش صح ؟

نفسك تنساني ..
نفسك ترجع لقذراتك مع ناس تاني
نفسك تكمل مسيرتك في دور الاناني

انت معايا كنت هاتنضف


وكنت عارف كدا او حتي كنت هاتعرف
حاولت اكمل معاك ..
بس لاقيتك شخص تقرف

بعد ما اخترتني صح
قررت انا الصح
انك ولا حاجة
ولازم تكون في حياتي
بـــــــح


الفكرة باختصار ..

ليه الشاب بيعمل كل الاخطاء المتوقعة وف الاخر بيكون عاوز يختار بنت خام !

بنت هبلة وعبيطة وام بدوي هههههههههـ؟

لو حاولت تفهم وتكون ذكية تبقي مش كويسة !

ولو حاولت تتمرد علي خبثه وجبنه .. تكون عدوته وجرحته !

ليه الشاب بيجرح قلوب كتيرة ..

ووقت ما ينجرح يعمل زي الفرخة الدايخة

ويكره فيها الوقت اللى حب واختار صح !

والاغرب انه بيحاول ينسي الجرح دا بانه يجرح قلوب تانية جديدة !

مبيحاولش يعرف ان اللي حصله دا مجرد بؤ من الكاس اللى شربه لناس كتيرة اوي !

كلمات الاغنية بتاعة تامر حقيقية وبتحصل كتير جدا بين الشباب دلوقتي

يجرحو كتير .. ولما ينجرحو .. يحسو انهم مظلومين !

مع اني اعتقد ... لا انا متأكدة

انه أكيد هو السبب ف جرحه دا !

ما انا مستناش واحد من اول ما احبه وارتبط بيه يقولي انا معنديش غالي !

حتي لو خلاني الغالي بتاعته فيما بعد ..

بس كدا هو اخترني صح .. وانا اخترته غلط


مستناش واحد يقولي انا ودعت كتير ي حياتي من غير ما احس باي جرح

واستني لما يودعني وميحسش بالجرح دا !

مستناش واحد يسلبني حريتي .. عشان يعيش حياته هو بالطول والعرض علي انه " لآموآخذه راجل "

مستناش واحد يقولي انا بشتغل وبتعب عشانك !

علي اساس انك لو وحدك ياسيد امك مكنتش اشتغلت وتعبت .. دا انت عبد للفلوس --> كلامي دا للشخصيات دي !

مختصر كلامي ..
  • للشاب العايش دور المظلوم ..
شوف انت ظلمت اد ايه ف حياتك
وهتعرف انك باحساسك دا بتكمل بظلم نفسك

  • اللي بيتوب عن معصية بيبان عليه

يعني الشاب لما يعرف مليون بنت .. او البنت لما تعرف مليون ولد

وتيجي تتوب لربنا .. هتتقي ربنا في اللي معاها

هيحافظو علي بعض

مش هايجي ولد يقول للبنت انا توبت عن كل اللى عملته قبلك

وهو معاها علي طول ماسك ايدها وهات يا بوس !!!!

بالذمة دا اسمه كلام ؟

يــلآ .. آهــو كــلآم والســلآم

^_^

معلش للأطاله وجرأه كلامى ها هنتاقضونى برضوا زى ماانا علقت عليه

يلا سلام

بقلمى





Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.