العودة   منتديات المصطبة > الأقسام العامة > منتدى النقاش الجاد

منتدى النقاش الجاد ناقش معنا بهدوء وبدون تعصب أشهر وأهم القضايا والمواضيع التى تشغل الجميع


1 
mido

معاكسة الشباب للبنات واجب قومى !!! 632.gif

معاكسة الشباب للبنات واجب قومى !!! qatarw_Ke4W57goT.gif

كل سنة وانتم طيبين جميعا







بصو بقه الشباب بيقولو ايــــــــــــه ؟؟؟؟










المعاكسة واجب قومي وحق تجاه أي موزة نازلة الشارع
وتاعبة نفسها ومتشيكه وحاطة ميك آب ونازلة تقول للأرض اتهدي ما عليكي قدي ...




عايزين ايه من الشباب يعني ... مش لازم يشجعوا المنتج المحلي...




وكمان لما البنت دي تتعاكس والشباب يقرفها في الشـــارع
اكيد هاتتــربى وهاتتعلم الادب..
وتنزل الشارع بعد كده محترمة ....
ماهو لو محترمة والله مكنشي حد قرب نيحيتها .



بس في مشكلة بــــــــــقه .... ...



البنت اللي لبسها كويس ولابسة اسدال كمان او خمار بتتعاكس ليه.؟؟؟
....هو ايه اللي بتتعاكس ليه ... ؟؟؟
اكيد ماشية تتمايع وتضحك في الشارع وحاطة ميك آب قد كده ....
لازم نربيها بردو وتنزل الشارع محترمه ...وساكتة ولا تنطق من اساسه ...




مش بقولكم واجب قومي... بنربي بنات مصر ...ههههههههههههه






طب واللي ماشية لابسه محترم ولا حاطة ميكب ولا غيره وماشية في حالها


لا بتضحك ولا بتتمايع وماشية في حالها ... ...


لأه بقى ما هي نازلة الشارع لوحدها..
وقاصدة تتعاكس.. ايه اللي منزلها الشارع وحدها وهي عارفة الشوارع بقت عاملة
ازاي .................!!!



ماهي لو محترمة بجد كانت نزلت مع باباها ولا اخوها ولا خطيبها..
حتى...دي عايزة تعمل محترمة وتضحك ع الشباب وتجيب عريس ...
وبردو لازم نبـــينها على حقيقتها وتتعاكس علشان محدش يفتكرها محترمة ...



طب واللي نازلة مع اخوها ولا خطيبها ولا حتى جوزها (مش نازلة وحدها اهو)


ويطلع لها واحد من ورا خطيبها ولا اخوها ويعكسها كده من ورا ضهر الراجل الغلبان وعمال يشاور ويعمل حركات ويقرفها ... ...




يا سلاااااااااااام ومين قاللك ان ده خطيبها ولا اخوها .
تلاقيها الواد اللي ماشية معاه
ماهو لو كان خطيبها كان قعد يشوفها في بيتهم ..
وانا بعاكسها علشان اعرفهم قيمتهم هما الاتنين


وعلشان يتربوا ويبطلوا صرمحة في الشوارع ...



مش بقولك واجب قومي علشان البلد والله....



طب واللي واقفه في البلكونه الغلبانه بتنشر؟
ولا بتجيب حاجة بالسبت؟




بيطلع لها ميت واحد من الشارع راصدينها
واللي يعاكس واللي يشاور..



الله ما هي قاصداها اهي وطالعة البلكونة علشان الناس تشوفها وتتعاكس ..
هي اللي عاوزة تتعاكس من الاساس ..
وانا لما بعاكسها بوريها قيمتها اصلا ...
هي ايه اللي طلعها البلكونة من الاساس تنشر ..؟؟؟!!!!!
هههه دي تلاكيك يا عمنا ... دي عاوزة تتعاكس ...
ماهى لو محترمة والله ما كنت هاقرب ناحيتها ...



طب واللي قاعدة في بيتها يا ناس .. ...............؟



ويطلعلها من الشباك اللي عمال يبص ويبحلق فيها ويعاكسها ...



شوفت اديك قلت بنفسك ياعم ...
هي اللي فاتحة الشباك علشان الراجل ده يشوفها ويعاكسها ...
وتلاقيها كانت بتتمخطر قدامه رايحة جاية ومتشيكه علشان يشوفها ويعاكسها ..
هي لو محترمة....


تفضل في بيتها وتقفل الشبابيك والبلكونات والبيبان كلها وتقعد تحت السرير كمان
علشان تبقى بنت محترمة بصحيح ومحدش يشوفها خااااااالص وتدفن نفسها بالمرة



...على فكرة انا بوضح لكم ان اللى بيعاكس بيحلل تصرفاته على انه هو صح
وبيقنع نفسه بكدة بس هى غلط مية فى المية طبعا
هو بس اهم حاجه عنده يعاكس وخلاص ..


نفسي اعرف بقى ؟؟؟؟؟


هو الشاب يعني بيستفاد ايه لما يقوله كلمتين على البنت وهي ماشه
ولا لما يعاكسها وكده ....؟
طب مش كفايه بيبص وبيحلق ... كمان هيستظرف
يلاااااااااااا ربنا يحفظ بنات المسلمين جميعا ياااااااااارب




4 
RoOma ZaMalek

طب واللي ماشية لابسه محترم ولا حاطة ميكب ولا غيره وماشية في حالها


لا بتضحك ولا بتتمايع وماشية في حالها ... ...


لأه بقى ما هي نازلة الشارع لوحدها..
وقاصدة تتعاكس.. ايه اللي منزلها الشارع وحدها وهي عارفة الشوارع بقت عاملة
ازاي .................!!!



ماهي لو محترمة بجد كانت نزلت مع باباها ولا اخوها ولا خطيبها..
حتى...دي عايزة تعمل محترمة وتضحك ع الشباب وتجيب عريس ...
وبردو لازم نبـــينها على حقيقتها وتتعاكس علشان محدش يفتكرها محترمة ...









هههههههههههههههه
يعنى لازم نمشى معانا محرم علشان موش تعاكسونا
حرااااااااااااااااااام


نايس توبيك


5 
ملكة بكبريائى

ايه دا انت مالك سخن علينا وعلى البنات كلها ليه كدا
على فكرة البت الى لابسه متشيكه او محترمه او باسدال او بنقاب
كل بنت بتتعاكس حتى المعفنه والله هههههه والموزة وكل شىء
وحتى الحلوة ولبسها فى المعقول
نعمل ايه بقى احنا حلوين

بص اصلا الى بيعاكس دى بيبقى عيل تيت اوى وتافه

هههههههه واهدى بقى بدل معورك



Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.