العودة   منتديات المصطبة > الطريق إلى الله > القسم الإسلامى العام

القسم الإسلامى العام خاص بالمواضيع الإسلامية العامة المكتوبة التى لا تحتوى على صوتيات ومرئيات دينية


1 
mido

السلام عليكم ورحمه الله وبركاته..


تأملت وفكرت فى حال كل منا فى هذا المنتدى الاسلامى او غيره من المنتديات الاسلامية

ما شاء الله كل واحد بيدخل عايز يستفيد ويفيد عايز يتعلم ويساهم فى نشر اللى اتعلمه عايز يكسب حسنات
ويتقرب الى الله اكثر.

اذن تواجدنا فى هذا المنتدى ليه اهمية رائعة جدا
فى ناس تغيرت الى الافضل كثيرا بفضل الله وكان هذا المنتدى او غيره من المنتديات او المواقع او القنوات الصالحة
سببا فى ذلك


هل تعلم انك فى نعمة ؟؟


نعمة احلى حياة , زمان مكنش فى احلى حياة مكنش فى مواقع اسلامية مكنش فى قنوات اسلامية

هل تفكرت فى هذه النعمة التى قد تزول اذا لم نحسن استغلالها؟؟

هل انت على يقين ان وجودك وسط هذه النعمة خير كبير لك قد فضلك الله به عن غيرك؟؟
ولكن احذر هى حجة لك او عليك

تحذير يا جماعة دى نعمة لازم نحسن استغلالها اوى

اياك تتخاذل وتقول بكره وتسوف وتقول انا وسط الناس اللى هيرجوعنى للصح تانى

..انا عارفه فين الصح وفين الغلط

ودى مشكلة كتير مننا مسالة التسويف !!

ماذا لو فقدت حياتك فى اى لحظة نسال الله ان يبارك فى اعمارنا جميعا فى ظل طاعته

ولكن ايه اللى هيحصل لو ده تحقق؟؟

تعلم الصواب من الخطأ اذن جريمتك اكبر بكثير مِن من يجهل الخطا وهو يفعله
وهنا استعين بهذا الموضوع



كان نفسى أرجعله ماشى..

النقطة الاخرى ايه اللى هيحصل لو فى يوم قمنا لقينا مفيش مواقع او منتديات اسلامية , مفيش قنوات اسلامية

هل هتحزن؟؟

وما هو مقدار حزنك؟؟

هل تتوقع ان يحدث لك فتور؟

هل تتوقع انك هتتخاذل وهتمشى مع الموجة؟؟

اذا كنا مش هنعرف نثبت وقت الرخاء فماذا سنفعل فى هذا الوقت؟؟

هل حد من اعضاء هذا المنتدى او من اللى شافوا روعة التقرب الى الله والبعد عن المعاصى
ممكن يعود عن هذا الطريق لا قدر الله ويروح طريق اخر مليان شوك؟؟

اتالم بداخلى لما اسمع عن ناس حصلهم انتكاسة فى التزامهم

فى اللى بيرجع وبيعود الى ربنا تانى

وفى اللى بيموت على الانتكاس

طيب ليه مهو من الاول الطريق مفتوح امامك للخير والشر
هتختار مين


طريق ملىء بالورود؟؟

ام طريق ملىءبالشوك؟؟



(حاول تجاوب على الاسئلة السابقة)
اجعل هناك وقفة مع نفسك
ادعى على الثبات فى جميع الاحوال







يا مقلب القلوب ثبت قلوبنا على دينك

ربنا لا تزغ قلوبنا بعد إذ هديتنا وهب لنا من لدنك رحمة إنك أنت الوهاب

الموضوع ده بوجهه لنفسى قبل ما يكون لاى حد
الملخص
----------

1- استغل هذه النعمة جيدا واحذر من احتمالية فقدانها
2- ادع بالثبات كثيرا فى جميع الاحوال (يا مثبت القلوب ثبت قلبى على دينك)
3- لا تتراجع ابدا عن طريق النجاة فربما تذهب ولا تعود فالعمر ليس بيدك والقلب ايضا قد يموت .

بارك الله فيكم وحفظنا واياكم من فتن الدنيا

(اتمنى الجنة)




Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.