العودة   منتديات المصطبة > الأقسام الأدبية > منتدى الشعر والخواطر

منتدى الشعر والخواطر للأشعار والخواطر المكتوبة "للحـَرفِ توهّـجْ.. مـَراياَ للصـُدورْ تـُرجُمـَان للمشاعـِر"


1 
Mohamed Alaa

السلام عليكم ورحمة الله

يا مصر بعلو الصوت بحبك
كلماتي واتمنى تعجبكم ....يا مصر بعلو الصوت بحبك - كلماتي shiny01.gif
3 / 5 / 2011



يلا بينا وركزوا في الكلمات ,,

تعبان أو بموت .. أو بين شوارع أرضك بفوت
يا مــصـــر أنا بعلو الصوت بحبك

من بحرك لنيلك .. ماشي بغنيلك
مش مدح فيكي بس اني النهارده وحالاً اكتبلك

يوم ما أتولدت شيلتيني
قبلتيني
ضمتيني أوي في حُضنكِ

طلعت صغير .. ولد صغير
لسه مش قادر أصارحكِ

غصب عني سكت .. مهو كله ساكت .. عايش وساكت
لو كُنت قُلت كنت أتقفشت
كنت أتسجنت
كنت زي إللي ماتوا مُت
وإللي كان مواسيني عِشقكِ
ولو زعلتي مني في يوم مش هقدر أتكلم لإنه حقكِ

عِرفت فيكي الصُحبه مابين البحر والنيل
علموني لا أبقى مُنافق ولا أكون في يوم بخيل
وأسلم على إللي كارهني
وأبتسم للي حاببني
وإن يوم أحتجت لنصيحه ما أخدش إلا بنصيحتك
يا بلدي مستحيل أخاصمكِ

كَبربت فيكي شويه .. عرفت ماشيه إزاي الدُنيا
قولت هنعمل حاجه بدل ما أحنا بنحاربكِ

طلعنا مظاهره سلميه .. ضربونا الهمج بالعصى الحديديه
وقالوا علينا شباب أجندات أمريكيه ..وضد مصلحتكِ

حصل الإنفلات الامني وأديكي شفتي إللي حصل
ومين هرب ومين فضل !
ومين حماكي وحمى أرضكِ وعرضكِ
ومين دفع روحه عشان تعيشي رافعه راسكِ وماسكه نفسكِ

ومين خان , ومين بان على حقيقته
ومين هان ناس , ومين غَير في جلده
30سنه عُمر بحاله بيلوثوا في شرفك وأسمكِ
وأراضي بتتباع وممتلكات تتخصخص ونفط وبترول برخص التراب يروحوا لعدوكِ

مستحيل تكوني موافقه .. مهو بالعقل كده
مستحيل
إللي كان في أكتوبر نَصرك .. دلوقتي برجله رَفصكِ
ولا حتى يوم قدّرك ولا قدّر حتى قيمة شعبكِ
ده مستحيل يكون منكِ

حفر لنفسه حلم لوحده وبتراب حلمه ردم على حلمكِ
وبقيتي يا مــصـــر لوحدكِ
محبوسه بين جدران نفسكِ

الحكايه بجد مش ثوره وبس والله أبداً
دي حكاية إيمان بالله وبقدرته على النجاه
من طغيان واحد حارسكِ

كان حقك كتيير مهدور .. وكان هييجي عليكي الدور
لو حصل وكمّل مبارك في الحكم كان هيصدنا ويصدكِ
توريث وعمولات وأطيان في بطنه وقال إيه الجدع بيحبكِ

كان هاين عليا من كتر خوفي أخدكِ في حُضني وأضمكِ

نزلت الشارع وحلفت ما أرجع إلا وأنتي منصوره
وقولت أضحي بروحي حتى علشان ما تباني مكسوره
وكل العالم شاف بعنييه وقال ثورتنا إللي في الصوره
إنفزعت إسرائيل من نومها وقامت ياعيني مذعوره
هندعم فلسطين في انتفاضتها وتعيش وراسها مرفوعه

وزي ماحربت علشان بلدي هحارب علشانكِ يا فلسطين
مهو إنتي برضه بلدي لاكن بعيده عن العين



3 / 5 / 2011


تحيا مــصـــر وتحيا جميع الدول العربيه
محمد يا مصر بعلو الصوت بحبك - كلماتي bye1.gif





Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.