العودة   منتديات المصطبة > الأقسام العامة > منتدى النقاش الجاد

منتدى النقاش الجاد ناقش معنا بهدوء وبدون تعصب أشهر وأهم القضايا والمواضيع التى تشغل الجميع


1 
ملكة بكبريائى



بسم الله الرحمن الرحيم

عنوان موضوعى اليوم غريب الى حد ما انى كتبت بحبك وانا كمان طيب والظروف هنعمل فيها ايه ؟
طبعا الولد بيقول للبنت بحبك وهى قالت كمان انا بحبك
والحوار يبدأ بالاتى :
.
.
.
.


الشاب :انا بحبك اوى ونفسى نكون مع بعض بس ال.....
البنت :بس ايه مالك خايف من ايه احنا هنكون مع بعض لانى بحبك اوى
الشاب : ان معيش فلوس اجيب شقه ولا مهر ولا شبكه اخرى اجيب حاجه وانا داخل بيتكم اعمل ايه ولا فى جمعيات ولا شغل يكفى كل دا اروح لابوكى واقله ادينى بنتك ياحاج واصرف علينا
البنت : بس انت قولتى هتتصرف امال انا حبيتك ليه علشان راجل وهتشتغل وهتكون نفسك وبابا لما يعرف انك بتشتغل هـــــ
الشاب : ها ايه يا....... لا انا مش هدخل البيت وانا ممعيش حتى شبكه ولا تلبيس دبل
انا اسف كل شى قسمه ونصيب وهتلاقى الى يستاهلك ويكون متيسر الحال اكثر منى واتمنالك حياة سعيدة
وانا دائما هكون زى اخوكى
البنت : ايه اخويا ؟؟؟ ازاى ازاى اخويا بعد سنتين مقابلات وتليفونات وحب وعشرة ازاى هتجوز شخص تانى لمجرد انه معاة فلوس ازاى تتخلى عنى بالبساطه دى ازاااااااااااااااى

الشاب : مع السلامه يا........ اشوف وشك بخير


وينتهى الحوار بينهم على ان الشاب يسيب البنت ببكاء وندم وحسرة شديدة على وجهها وكل الام الدنيا كلها فيها
ومش عارفه تعمل ايه ولا تتصرف ازاى بان حب عمرها والى كان مفهما انه هيتحدى العالم علشانها يسيبها

انا جبت حاجه بتحصل كل يوم فى كل بيت الشاب يحب بنت ويعلقها بحبه وظروف الحياة تبعدهم ممكن بغير قصدة وممكن بقصد منه انه يفارقها ويتسلى بيها
فنحن لا نعلم ما بداخل عقول وقلوب الاخرين



انا حبيت اسيب باب المناقشه فى الحوار دا ليكم ووجهه نظركم فى الى شوفتوة دا وايه رايكم وتعلقاتكم عليه
ولو اتحطيتوا فى الموقف دا لكل من الطرفين هتعملوا ايه ؟؟؟؟؟؟

شكرا




2 
Mohamed Alaa



أولاً ده مش راجل
انا لو فقير ومش معايا فلوس ولا اي حاجه اتقدم بيها
هعمل كالآتي
كل يوم أدور على شغل .. ولو ربنا كرمني بشغل الصبح
اشوف كمان شغل بعد الضهر .. ده لو هوه عايزها بجد
اللي بيحب لازم يضحي بسعادته علشان يسعد حبيبه ..

مافيش حاجه اسمها الظروف
الظروف دي شماعه بنعلق عليها معلش ف اللفظ خيبتنا وضعفنا
ربنا قال .. أسعى يا عبد وأنا أسعى معاك
لو أنا بحبها بجد هموت نفسي علشان اشوفها ف حضني مش ف حضن غيري

تسلمي للموضوع
انا دمي اتحرق من اللي عمله اخينا ده ..





Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.