العودة   منتديات المصطبة > الأقسام العامة > منتدى النقاش الجاد

منتدى النقاش الجاد ناقش معنا بهدوء وبدون تعصب أشهر وأهم القضايا والمواضيع التى تشغل الجميع

لوحد حاسس بكلامى يجاوبنى ؟

كاتب الموضوع: غــنـــــوه حزيــــــــنه، فى قسم: منتدى النقاش الجاد


1 
غــنـــــوه حزيــــــــنه


انتو مش عارفين انا حاسه بايه دلوقتـ . علشان كده جيت القى اجابه للجوايا معاكم

ومعلش ان كنت بكتب باللون ده لا بس هوعامل زى القلم الرصاص بس اللون ده ممكن يعبر عن الجوايا علشان كده كتبلكم بيه

ـ/ـ/
انا نفسى اعرف أ
حنا لية دايما بنرضى نتجرح فى سكوت ولو حتى دموعنا نزلت؟

ليه بنبقى عارفين اننا بنتجرح وبنضحك على روحنا ونقول لا دة مابيحصلش؟

ليه دايما مابنصدقش لما اقرب حد لينا يجرحنا لية بنرضى نتجرح بالشكل دة؟

ليه بنقول لروحنا بكرة ننسى واحنا مبننساش ليه بنضحك على نفسينا كدة؟

ليه دايما بتشتاق للى جرحك بالرغم ان جرحة بيبقى جواك وقلبك بيصرخ من كتر الالم الى حاسس بيه؟

ليه اللى يحب حد مابيقدرش يكرهه لما يجرحة؟ طب لو كرهه هيقدر ينسى كل لحظة كانت مابينهم؟

ليه دايما الجرح بيبقى من اقرب حد منك؟ ليه مابيقدرش اللى بينكم وبيبيع بسهولة؟

تفتكروا احنا كدة صح نقبل اننا نتجرح فى سكوت احسن ولا لازم نقول الى جوانا ونقول احنا موجوعين اوى
مش يمكن لو قولنا ماحدش يحاول يجرحنا تانى؟ بس للاسف بننجرح تانى وتالت ورابع!

ليه بنقول كلام يبين ان احنا اقوياء واحنا الى جوانا عكس كدة ونفسنا نقولة بس مابنقدرش؟

ليه الواحد لما يثق فى حد اوى لازم ينجرح اوى؟

ممكن تسامح حد حتي لو جرحك اوي؟ حبيبك ، صديقكك، قريبك ، اي حد لان ساعات الواحد بينجرح من حد بس بيبقي عايز يسامحه وبيحاول يلاقي له عزر او مبرر بس مش قادر يلمس حاجه؟


كل واحد فيكم كدة يدور جواه هيلاقى حزن كتير وكلامى ده هيفكرو بحاجات حصلت ليه ...سواء الى حصله ده من الانسان اللى حبه او حد من اصحابه او حد قريب منه اوى ...مابقتش عارفه الدنيا دى ماشية ازاى ولا بقيت فاهمه هى عاوزة ايه وهى عايزه حد يدوس فيها بقلب جامد ولا حد طيب بيسكت وخلاص
....
طولت عليكم معلش بس كان نفسى اقول الكلام ده اوى ونفسى حد
يجاوبنى على الاسئلة دى حد يبقى جرب بجد وحاسس أنا قصدى ايه..





2 
mido

تسلم ايدك يا ملاك على الموضوع بجد

بس انا عايز اقولك اننا لمه بننجرح من حد اكيد ده بيبقى ليه تاثيره علينا
اولها بيدينا قوه ف ايرادتنا
ثانيا بيدينا عزيمه على التفكير الصح واستخدام العقل اهم من كل حاجه
تاكدى انه لمه الواحد بينجرح بيتعلم كتير من الجرح ده
بس احنا مش لازم نسميه جرح احنا ممكن نقول عليه ( تجربة ف حياتى )
تقبلى مرورى


3 
sMiLe

موضوغ جميل بجد

ومعظمنا بيمر بالحاجات دى

انا من رأيى ان الدنيا مدرسه

بنتعلم منها كل شئ

سواء حلو أو مش حلو
يعنى كل الحاجات دى بعتبرها خلاص بقت م سنة الحياة لازم الكل يمر بيها علشان يتعلم منها



وهى دى الحيــــــــــــــــــــاه


4 
شهد الثورة

موش عارفة و الله يا ندى
بس المفروض ان احنا ننسى و نعيش حياتنا و نعرف ان اصلا كلنا موجودين دلوقتى فـ الحياة دى عشان العبادة و بس
و بالنسبة لتوابل الحياة دى ممكن نغير حاجة مكان حاجة او نلغيها من حياتنا اصلا مش هتفرق
بجد موضوعكـ حلو اوى يا ندى


5 
غــنـــــوه حزيــــــــنه

اقتباس: المشاركة الأصلية كتبت بواسطة ahmed hosny thabet  مشاهدة المشاركة
تسلم ايدك يا ملاك على الموضوع بجد

بس انا عايز اقولك اننا لمه بننجرح من حد اكيد ده بيبقى ليه تاثيره علينا
اولها بيدينا قوه ف ايرادتنا
ثانيا بيدينا عزيمه على التفكير الصح واستخدام العقل اهم من كل حاجه
تاكدى انه لمه الواحد بينجرح بيتعلم كتير من الجرح ده
بس احنا مش لازم نسميه جرح احنا ممكن نقول عليه ( تجربة ف حياتى )
تقبلى مرورى

اشكرك نورتنى بس مش تجربه ع فكره لان مافيش بنت ع وجهه الارض بتكون تجربه
لكن ده بالنسبه للشباب تجربه وعدت وزيها زى غيرها
وهى واحده اكلمها وامشى مع دى واتسلى بدى وهكذا تكون الحياه



Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.