العودة   منتديات المصطبة > الطريق إلى الله > القسم الإسلامى العام

القسم الإسلامى العام خاص بالمواضيع الإسلامية العامة المكتوبة التى لا تحتوى على صوتيات ومرئيات دينية

ماتصاحبيش وعن حب ربك ماتبعديش

كاتب الموضوع: فريق العفة، فى قسم: القسم الإسلامى العام


1 
فريق العفة

البت سومه مفروسه موووت من البت الاء

ليه

البت سومه عنيها من خالد اللى بيقعد فى البنش الاول فى السيكشن

الواد العسول ده ابو تى شيرت احمر ودقف خفيفه


امبارح فى السيكشن المضروبه الاء راحت قال ايه مش فاهمه المسئله وبتساله

وهو كمنه محترم شرحلها

البت هتبوظلى كل حاجه

دانا بقالى شهر بحاول الفت انتباه


اوووووف

اعمل ايه اعمل ايه


بعد السيكشن راحت سومه تصور من خالد محاضرات

فقالتله هى الاء كانت عاوزه منك ايه بصحيح

قالها لا ولا حاجه دا مجرد مسئله


قالته يا بااااااى در رخمه اووى



قالها لا عادى مش رخمه ول احاجه

قالته اسكت انت متعرفهاش دى رخمه وفتانه


يا شيخه طيب ربنا يحفظنا منها


ايوه كدا فكك منها خليك معايا انا

خالد انا بس فيه مسائل لما بذاكر بتقف معايا

ممكن اخد ايميلك او موبيلك بس اكلمك لو مفهمتش


اه مفيش مشاكل اتفضلى

بدات العلاقه بسيطه وسومه منمره على خالد

وخالد ما صدق زى اى ولد

والاء فضلت محروقه

خصوصا سومه السوسه جت قدامها وعملت نفسها بتتكلم فى التلفون ايوه ياخالد انت فين

السكشن بدأ انت اتاخرت ليه كدا


كانت الاء هتولع فى نفسها وبتتحرق من جوا

اخدت الواد منى دا كان عسول ومؤدب



كان نفسى اتخطب فى تالته واتجوز اول لما اتخرج

فى حرقتها

قابلت نورهان

نورهان بنت محبوبه اوى لانها ملتزمه ومحترمه

قالتلها ايه يا الاء ماتيجى نصلى سوا ونستنى السيكشن فى المسجد


بت يا سومه اول لما يدخل المعيد رنى علينا وبطلى نداله

قالتلهم حاضر


وبغيظ

روحى يا الاء الجامع مع نورهان

روحى يمكن ربنا يعدلهالك هناك


وناقص تطلع لسانها

راحت الاء مع نورهان

وفى المسجد

ايه حكايه البت الرخمه دى بتضايقك ليه يا الاء

اممم لا عادى مفيش دى بتغيظنى علشان كانت فاكرانى

عاوزه اكلم خالد وهى وصلتله والكلام العبيط ده

عارفه انتى حوارات البنات دى بس انا مش فى دماغى حاجه دى بنت هبله

بتقولها والدمعه هتفر من عنيها على الواد يعينى :)))))))))))))


نورهان حسيت بيها

قالتلها ياااه على البت سومه رمت نفسها على الواد زى اللزقه

اتدحلبت زى الحربايه علشان توصله

تفتكرى دا غلو ولا رخص

دا حب ولا مصلحه


دا اصيطاد ولا رومانسيه


دى يا بنتى بكره يرميها لانه مش هيحس بقيمتها


لانها اللى بتجرى وراه

مفيش احسن من اللى يجيلى بيتنا يقولى

نورهان تسحميلى بالرقصه دى

ههههه اقصدى تسمحى تكونى شريكه حياتى

ابص لبابا واتنك كدا شويه

وعلطول هوافق انا ماهصدق اصلا




بس لا لا

مش اى واد والسلام لازم يكون كدا ملتزم محترم يحافظ عليا


رومانسى وحلو كمان


سرحت الاء فى مشاعر نورهان

وحسيت قد ايه الحلال حلو وان البنت تعلى قيمتها احلى واحلى

حسيت انها فوق فى السماء

والولد بيحاول ينط ويلمسها مش هى تنزله وتجرى ورا

وتبقى زى القطه اللى بتلف حول رجل صاحبها

علشان يعطف عليها بلقمه


قد ايه انى اكون غاليه احساس رائع ومشجع


خرجت الاء ونورهان ملكتان من المسجد

فى طريق التعليم والعفة

وامامها احلام رقيقه
ونظرا الاتنين


لخالد وسومه وهما قاعدين بيهزروا فى السيكشن

بشكل من العطف والشماته

قد ايه الملكات اغلى من الموالى

الملكه ملكه والجاريه جاريه

وانا ملكه مش جاريه


ملكه عفيفه بتاج العفة اتوجت ونور طريقى حب ربى

منقول من صفحتنا على الفيس بوك
انا هكون يوسف وانتى هتكونى مريم ومش هنحب الا ازواجنا




Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.